spot_img
Homeຂ່າວການພັດທະນານຳສະເໜີໂຄງການຜູ້ປະກອບກິດຈະການໃໝ່ໃນລາວ

ນຳສະເໜີໂຄງການຜູ້ປະກອບກິດຈະການໃໝ່ໃນລາວ

Published on

ວັນທີ 22 ສິງຫານີ້, ໂຄງການສະໜັບສະໜູນຜູ້ປະກອບການກິດຈະການໃໝ່ ແລະເຄືອຂ່າຍນັກລົງທຶນສ່ວນບຸກຄົນ ( Angel investor ) ຮ່ວມກັບສະພາການຄ້າ ແລະອຸດສາຫະກຳແຫ່ງຊາດລາວ, ສະຖານທູດອົດສະຕາລີປະຈຳລາວໄດ້ຈັດພິທີຖະແຫຼງຂ່າວນຳສະເໜີໂຄງການສະໜັບສະໜູນຜູ້ປະກອບກິດຈະການໃໝ່ ແລະເຄືອຂ່າຍນັກລົງທຶນສ່ວນບຸກຄົນ, ຊຶ່ງຈະເລີ່ມຈັດຕັ້ງກິດຈະກຳຕ່າງໆ ເພື່ອສົ່ງເສີມຜູ້ປະກອບກິດຈະການໃໝ່ໃນລາວຂຶ້ນທີ່ໂຮງແຮມລັດສະໝີ, ນະຄອນລວງວຽງຈັນ, ໂດຍການເຂົ້າຮ່ວມຂອງທ່ານ ດາວວອນ ພະຈັນທະວົງ, ຮອງປະທານສະພາການຄ້າ ແລະອຸດສາຫະກຳແຫ່ງຊາດ, ທ່ານ ຈອນວິນລ່ຽມ ເອກອັກຄະລາຊະທູດອົດສະຕາລີປະຈຳລາວ, ທ່ານ ນາງ ຮັບຂັວນ ຊົງດຳຣົງກຸນ ອຳນວຍການໂຄງການສະໜັບສະໜູນການພັດທະນາທຸລະກິດໃນລຸ່ມແມ່ນ້ຳຂອງປະຈຳລາວ, ທ່ານ ສະຕີຟ ແລນແມນ ອຳນວຍການກອງທຶນ Lotus Impact, ພ້ອມດ້ວຍພາກສ່ວນກ່ຽວຂ້ອງຈາກໂຄງການດັ່ງກ່າວເຂົ້າຮ່ວມຢ່າງພ້ອມພຽງ.
ອຳນວຍການໂຄງການສະໜັບສະໜູນການພັດທະນາທຸລະກິດ ໃນລຸ່ມແມ່ນ້ຳຂອງປະຈຳລາວກ່າວວ່າ: ເພື່ອແນະນຳກິດຈະກຳຕ່າງໆທີ່ໂຄງການຈະໄດ້ຈັດຂຶ້ນຢູ່ນະຄອນຫຼວງວຽງຈັນ ແລະເພືອສົ່ງເສີມການສ້າງເຄືອຂ່າຍຜູ້ປະກອບກິດຈະການໃໝ່ ແລະເຄືອຂ່າຍນັກລົງທຶນ, ໂດຍສະເພາະແມ່ນການປຶກສາຫາລື, ແລກປ່ຽນບົດຮຽນຂອງບັນດາຜູ້ປະກອບການໃໝ່ຊຶ່ງຈະຈັດຂຶ້ນໃນໄວໆນີ້ ແລະການນຳພານັກລົງທຶນຈາກຕ່າງປະເທດເພື່ອມາແລກປ່ຽນບົດຮຽນ ແລະປະສົບການໃຫ້ແກ່ຜູ້ປະກອບກິດຈະການໃໝ່ຂອງລາວ, ເພື່ອສ້າງຄວາມໝັ້ນໃຈແກ່ເຂົາເຈົ້າ, ທັງນີ້ກໍເພື່ອເປີດໂອກາດໃຫ້ຜູ້ທີ່ຢາກປະກອບກິດຈະການໃໝ່ໄດ້ຮັບຮູ້ ແລະເຂົ້າໃຈເຖິງຂັ້ນຕອນຕ່າງໆໃນການດຳເນີນກິດຈະການຂອງຕົນໃຫ້ຖືກຕ້ອງ ແລະປັດສະຈາກຄວາມສ່ຽງ, ໂດຍໂຄງການພ້ອມທີ່ຈະໃຫ້ການສະໜັບສະໜູນໃນທຸກດ້ານ.

ຮອງປະທານສະພາການຄ້າ ເລະອຸດສາຫະກຳແຫ່ງຊາດກ່າວວ່າ: ສຳລັບແຜນດຳເນີນງານຂອງໂຄງການນີ້ແມ່ນຈະເລີ່ມຈັດຕັ້ງປະຕິບັດແຕ່ວັນທີ 31 ສິງຫານີ້ເປັນຕົ້ນໄປ, ເຊິ່ງໄດ້ຮັບການສະໜັບສະໜູນຈາກລັດຖະບານອົດສະຕຣາລີ  ແລະທະນາຄານພັດທະນາອາຊີ  ( ADB ), ສະພາການຄ້າ ແລະອຸດສາຫະກຳແຫ່ງຊາດລາວ, Tigers@Mekong  ແລະ THO-LAO cowerking space  ຊຶ່ງຈະຊ່ວຍແນະນຳນັກລົງທຶນ ແລະຜູ້ປະກອບກິດຈະການໃໝ່ໃນ ສປປ ລາວ ໃຫ້ເຂົ້າຮ່ວມໂຄງການດັ່ງກ່າວ

ທີ່ມາ: ລາວພັດທະນາ

 

ບົດຄວາມຫຼ້າສຸດ

ອຸທາຫອນ! ແມ່ຕູ້ຊາວຈີນມີຄວາມເຊື່ອແປກ ຕັດສິນໃຈກິນກົບສົດໆລົງທ້ອງ ຫວັງໃຫ້ເຊົາເຈັບຫຼັງ ແຕ່ສຸດທ້າຍອາການໜັກ

ເມື່ອປວດຫຼັງຫຼາຍຄົນອາດຈະເລືອກກິນຢາ ຫຼື ໄປຫາແພດ ແມ່ນບໍ່, ແຕ່ມີລາຍງານຂ່າວຈາກເມືອງຫາງໂຈ ປະເທດຈີນ, ເມືອບໍ່ດົນມານີ້ ວ່າ ມີແມ່ຕູ້ຄົນໜຶ່ງ ມີອາການເຈັບຫຼັງ ແລະເລືອກວິທີຮັກສາຕາມຄວາມເຊື່ອຂອງຕົນ ໂດຍການກືນກິນກົບສົດລົງທ້ອງ ຈົນເຮັດໃຫ້ເຊື້ອພະຍາດເຂົ້າສູ່ຮ່າງກາຍ. ເຊິ່ງກ່ອນເກີດເຫດແມ່ຕູ້ໄດ້ຂໍໃຫ້ພີ່ນ້ອງໄປຈັບກົບຂະໜາດນ້ອຍມາໃຫ້ ໂດຍບໍ່ໄດ້ບອກວ່າຈະເອົາໄປເຮັດຫຍັງ,...

ວັນການທູດລາວຄົບຮອບ 80 ປີ ປັດຈຸບັນ ລາວມີສາຍພົວພັນການທູດກັບ 151 ປະເທດ ມີສໍານັກງານຕາງໜ້າການທູດ ຢູ່ຕ່າງປະເທດ 41 ແຫ່ງ

ວັນການທູດລາວຄົບຮອບ 80 ປີ (12/10/1945-12/10/2025) ແມ່ນວັນສຳຄັນທາງປະຫວັດສາດຂອງຊາດ ທີ່ມີຄວາມໝາຍຄວາມສຳຄັນ ເພາະສະແດງອອກພູມປັນຍາຄວາມສະຫລາດສ່ອງໃສຂອງບັນພະບູລຸດ ແລະ ຄວາມສຳເລັດຂອງພາລະກິດຕ່າງໆຕັ້ງແຕ່ອາດີດຮອດປັດຈຸບັນ ແລະ ແນໃສ່ສືບຕໍ່ສ້າງເປັນບົດຮຽນ ເປັນມູນມັງມໍລະດົກຕົກທອດໃຫ້ແກ່ຄົນຮຸ່ນ ໃໝ່ຕໍ່ໆໄປໃນອະນາຄົດ. ເຊິ່ງກົມການເມືອງສູນກາງພັກໄດ້ອອກແຈ້ງການສະບັບເລກທີ...

ພິທີປະກາດຊື່ໂຮງຮຽນມັດທະຍົມສົມບູນມິດຕະພາບລາວ – ສປປ ເກົາຫຼີ ແລະ ປາຖະກະຖາວັນສ້າງຕັ້ງພັກແຮງງານເກົາຫຼີ ຄົບຮອບ 80 ປີ

ສະມາຄົມມິດຕະພາບລາວ - ສປປ ເກົາຫຼີ, ໂຮງຮຽນມັດທະຍົມສົມບູນມິດຕະພາບລາວ - ສປປ ເກົາຫຼີ ຮ່ວມກັບສະຖານເອກອັກຄະລັດຖະທູດແຫ່ງ ສປປ ເກົາຫຼີ ປະຈຳ ສປປ ລາວ...

ໄຂກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025 ຢ່າງເປັນທາງການ

ໄຂກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025. ກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025 ໄດ້ໄຂຂຶ້ນໃນຕອນເຊົ້າ ວັນທີ 9 ຕຸລາ 2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານ ຂອງທ່ານ ສອນໄຊ...