spot_img
Homeຂ່າວຕ່າງປະເທດຜູ້ກະຊາກໜ້າກາກອາເມລິກາ " ສະໂນເດນ " ຍື່ນໜັງສືຂໍລີ້ໄພຕໍ່ໃນຣັດເຊຍ

ຜູ້ກະຊາກໜ້າກາກອາເມລິກາ ” ສະໂນເດນ ” ຍື່ນໜັງສືຂໍລີ້ໄພຕໍ່ໃນຣັດເຊຍ

Published on

 

Edward Snowden
ເອັດເວີດ ສະໂນເດນ ຜູ້ອອກມາເປີດໂປງການສອດແນມຂອງສະຫະລັດຕໍ່ຊາວໂລກ

 

ເອັດເວີດ ສະໂນເດນ ອະດີດພະນັກງານສັນຍາຈ້າງ ຂອງສະພາຄວາມໝັ່ນຄົງແຫ່ງຊາດ ຂອງສະຫະລັດອາເມລິກາ

ກຳລັງຍື່ນໜັງສືຂໍລີ້ໄພໃນຣັດເຊຍຕໍ່ ຫຼັງຈາກທີ່ລັດຖະບານຣັດເຊຍອະນຸຍາດໃຫ້ເຂົາລີ້ໄຟທາງການເມືອງຊົ່ວຄາວ

ເປັນເວລາ 1 ປີ ເຊິ່ງຈະສິ້ນສຸດໃນເດືອນກໍລະກົດນີ້.

 

ຂ່າວລ່າສຸດລາຍງານຈາກນະຄອນຫຼວງມົດສະກູ ໂດຍອ້າງເຖິງ ທ່ານ ອະນາໂຕລີ ຄູເຊຣີນາ ທະນາຍຄວາມຂອງ

ເອັດເວີດ ສະໂນເດນ ໄດ້ລະບຸວ່າ ເວລານີ້ ສະໂນເດນ ໄດ້ຍື່ນໜັງສືຂໍລີ້ໄພທາງການເມືອງໃນຣັດເຊຍອີກຕໍ່ ກ່ອນ

ທີ່ການອະນຸຍາດຂອງທາງການມົດສະກູ ທີ່ໃຫ້ເຂົາລີ້ໄພຊົ່ວຄາວເປັນເວລາ 1 ປີ ຈະຄົບກຳນົດ ໃນວັນທີ 31 ກໍລະ

ກົດ 2014 ນີ້.

 

ເຖິງຢ່າງໃດກໍຕາມ ຈົນເຖິງຂະນະນີ້ ຍັງບໍ່ເປັນທີ່ຊັດເຈນວ່າ ສະໂນເດນ ຈະຍື່ນຂໍລີ້ໄພຄັ້ງໃໝ່ ເປັນໄລຍະເວລາ

ເທົ່າໃດ ທ່າມກາງກະແສຂ່າວທີ່ລະບຸວ່າ ເຂົາອາດຈະຍື່ນຂໍຖືສັນຊາດຣັດເຊຍຢ່າງເປັນທາງການ ອີກດ້ວຍເຊັ່ນ

ກັນ ເພື່ອໃຫ້ຕົນເອງມີສະຖານະເປັນພົນລະເມືອງຣັດເຊຍເຕັມຂັ້ນ ແທນການຖືສະຖານະຜູ້ລີ້ໄພຢ່າງທີ່ເປັນ

ຢູ່ໃນປະຈຸບັນ.

 

ເນື່ອງຈາກ ສະໂນເດນ ອາໄສຢູ່ໃນຣັດເຊຍ ຕັ້ງແຕ່ເດີນທາງອອກມາຈາກ ເຂດປົກຄອງພິເສດຮ່ອງກົງ ຂອງ

ສປ ຈີນ ໃນເດືອນມິຖຸນາ ປີ 2013 ຜ່ານມາ, ຫຼັງຈາກທີ່ເຂົາໄດ້ອອກມາເປີດໂປງ ການສອດແນມລັບຂອງ

ໜ່ວຍສືບຂ່າວສະຫະລັດ ທີ່ມີລັດຖະບານ ແລະ ໜ່ວຍງານຂອງຕ່າງປະເທດ ຕົກເປັນເປົ້າໝາຍ ຜ່ານທາງ

ສື່ມວນຊົນໃນອັງກິດ ແລະ ຕັ້ງແຕ່ນັ້ນເປັນຕົ້ນມາ ເຂົາກໍບໍ່ສາມາດທີ່ຈະເດີນທາງອອກຈອກສະໜາມບິນ

ນະຄອນຫຼວງມົດສະກູໄດ້ ຫຼັງໜັງສືເດີນທາງຂອງເຂົາ ຖືກເພີກຖອນ ສົ່ງຜົນເຮັດໃຫ້ສະໂນເດນ ຕ້ອງໃຊ້

ສະໜາມບິນມົດສະກູ ເປັນເຮືອນຢູ່ຫຼາຍອາທິດ ຈົນກ່ວາເຂົາຈະໄດ້ຮັບສະຖານະຜູ້ລີ້ໄພຊົ່ວຄາວ ເປັນເວລາ

1 ປີ ຈາກປະທານາທິບໍດີ ປູຕິນ ຂອງຣັດເຊຍ.

ບົດຄວາມຫຼ້າສຸດ

1 ນະຄອນ ແລະ 5 ເມືອງຂອງແຂວງຈໍາປາສັກໄດ້ຮັບໃບຢັ້ງຢືນເປັນນະຄອນ – ເມືອງພົ້ນທຸກ

ຊົມເຊີຍ 1 ນະຄອນ ແລະ 5 ເມືອງຂອງແຂວງຈຳປາສັກໄດ້ຮັບໃບຢັ້ງຢືນເປັນນະຄອນ - ເມືອງພົ້ນທຸກ. 1 ນະຄອນ ແລະ 5 ເມືອງຂອງແຂວງຈໍາປາສັກ ຄື: ນະຄອນປາກເຊ,...

ສຶກສາຮ່ວມມືການຈັດລະບຽບສາຍສື່ສານ ແລະ ສາຍໄຟຟ້າ 0,4 ກິໂລໂວນ ລົງໃຕ້ດິນ ໃນທົ່ວປະເທດ

ບໍລິສັດໄຟຟ້າລາວເຊັນ MOU ສຶກສາຮ່ວມມືການຈັດລະບຽບສາຍສື່ສານ ແລະ ສາຍໄຟຟ້າ 0,4 ກິໂລໂວນ ລົງໃຕ້ດິນ ໃນທົ່ວປະເທດ. ໃນວັນທີ 5 ພຶດສະພາ 2025 ຢູ່ ສໍານັກງານໃຫຍ່...

ຕິດຕາມ, ກວດກາການບູລະນະ ເຮືອນພັກຂອງທ່ານ ໜູຮັກ ພູມສະຫວັນ ອະດີດການນໍາຂັ້ນສູງແຫ່ງ ສປປ ລາວ

ຄວາມຄືບໜ້າການບູລະນະ ເຮືອນພັກຂອງທ່ານ ໜູຮັກ ພູມສະຫວັນ ອະດີດການນໍາຂັ້ນສູງແຫ່ງ ສປປ ລາວ ວັນທີ 5 ພຶດສະພາ 2025 ຜ່ານມາ, ທ່ານ ວັນໄຊ ພອງສະຫວັນ...

ວັນທີ 1 ເດືອນພຶດສະພາ ຂອງທຸກໆປີ ເປັນວັນບຸນໃຫຍ່ຂອງຊົນຊັ້ນກຳມະກອນໃນທົ່ວໂລກ

ປະຫວັດຄວາມເປັນມາຂອງວັນກຳມະກອນສາກົນ 1 ພຶດສະພາ 1886 ມູນເຊື້ອ, ປະຫວັດຄວາມເປັນມາຂອງວັນກໍາມະກອນສາກົນ ຂອງຊົນຊັ້ນກຳມະກອນສາກົນ ແມ່ນໄດ້ກໍາເນີດເກີດຂຶ້ນໃນທ້າຍສະຕະວັດທີ XVIII ຫາຕົ້ນສະຕະວັດທີ XIX ຫຼາຍປະເທດໃນທະວີບເອີຣົບ ແລະ ອາເມລິກາ ໄດ້ສຳເລັດການໂຄ່ນລົ້ມລະບອບສັກດີນາ...