ລັດຖະບານຢູເຄຣນ ປະກາດຈະບໍ່ອອກມາດຕະການຢຸດຍິງແຕ່ພຽງຝ່າຍດຽວອີກຕໍ່ໄປ ແລະ ຢ້ຳວ່າຈະເຈລະຈາ
ກັບກຸ່ມແບ່ງແຍກດິນແດນໃນພາກຕາເວັນອອກ ເມື່ອພວກເຂົາຍອມວາງອາວຸດແລ້ວເທົ່ານັ້ນ.
ສຳນັກຂ່າວຕ່າງປະເທດ ລາຍງານເມື່ອວັນທີ 8 ກໍລະກົດວ່າ ທ່ານ ວາເລຣີ່ ເຮເລເຕ ລັດຖະມົນຕີວ່າການກະຊວງ
ປ້ອງກັນປະເທດຂອງຢູເຄຣນ ລະບຸໃນຖະແຫຼງການ ເຊິ່ງໂພສລົງເທິງເວັບໄຊຂອງກະຊວງປ້ອງກັນປະເທດວ່າ
ລັດຖະບານຈະບໍ່ປະກາດຢຸດຍິງແຕ່ພຽງຝ່າຍດຽວອີກຕໍ່ໄປ ແລະ ຈະຍອມເຈລະຈາກັບກຸ່ມແບ່ງແຍກດິນແດນ
ໃນພາກຕາເວັນອອກຂອງປະເທດ ກໍຕໍ່ເມື່ອພວກເຂົາຫາກຍອມວາງອາວຸດແລ້ວເທົ່ານັ້ນ.
ຖະແຫຼງການຂອງທ່ານ ເຮເຣເຕ ເກີດຂຶ້ນຫຼັງຈາກທີ່ ປະທານາທິບໍດີ ເປໂຕຣ ໂປໂຣເຊນໂກ ແຫ່ງຢູເຄຣນ ໄດ້
ປະກາດບໍ່ຕໍ່ອາຍຸມາດຕະການຢຸດຍິງຝ່າຍດຽວ ເມື່ອວັນທີ 30 ມິຖຸນາ ທີ່ຜ່ານມາ, ຈາກນັ້ນກອງທັບຂອງລັດ
ຖະບານ ກໍໄດ້ໄລ່ກົດດັນກຸ່ມແບ່ງແຍກດິນແດນຢ່າງໜັກ ຈົນເຮັດໃຫ້ພວກເຂົາຈຳຕ້ອງໄດ້ປະຖິ້ມຖານທີ່ໝັ້ນ
ຫຼາຍແຫ່ງ ແລະ ໄປລວມຕົວກັນຢູ່ໃນແຂວງໂດເນດ ເຊິ່ງທ່ານ ໂປໂຣເຊນໂກ ຍັງສັ່ງໃຫ້ກອງທັບປິດລ້ອມກຸ່ມ
ແບ່ງແຍກດິນແດນໃນເມືອງໂດເນດ ແລະ ລູຮານ, ລວມເຖິງໄດ້ແຕ່ງຕັ້ງທ່ານ ວາຊິນ ກຣີຊັດ ເປັນຫົວໜ້າ
ປະຕິບັດການຕໍ່ຕ້ານກຸ່ມແບ່ງແຍກດິນແດນຄົນໃໝ່ ໃນມື້ວັນອັງຄານ (8 ກໍລະກົດ) ຜ່ານມາອີກດ້ວຍ.
ອາເລັກຊານເດີ້ ໂປໂຣດາອີ ໜຶ່ງໃນແກນນຳຂອງກຸ່ມແບ່ງແຍກດິນແດນ ທີ່ນິຍົມຣັດເຊຍ ໃນຢູເຄຣນ ໄດ້ເປີດ
ເຜີຍຕໍ່ສຳນັກຂ່າວຣອຍເຕີ້ວ່າ ພວກເຂົາກຳລັງກຽມຕົວຕອບໂຕ້ກັບ.