ເຈົ້າໜ້າທີ່ສາມາດຈັບຕົວ ທ້າວ ສຸກ ພົມມະຈັນ ອາຍຸ 31 ປີ ຢູ່ບ້ານຄັນເກິງ ແລະ ທ້າວ ອ່າງຄຳ ອາຍຸ 25 ປີ
ຢູ່ບ້ານໂນນດູ່ ເມືອງປາກເຊ ແຂວງຈຳປາສັກ ເພື່ອມາດຳເນີນຄະດີ ເມື່ອທ້າຍເດືອນມິຖຸນາຜ່ານມານີ້
ພາຍຫລັງພວກກ່ຽວຮ່ວມກັນແອບອ້າງ ວ່າເປັນພະນັກງານອາກອນແຂວງຈຳປາສັກ ແລະ ໄດ້ເຂົ້າກວດ
ກາເອກະສານຢູ່ຮ້ານຂາຍຄຳແຫ່ງໜຶ່ງ ພາຍໃນຕະຫລາດເມືອງປາກຊ່ອງ ແຂວງຈຳປາສັກ ແລ້ວກໍ່ເຫດ
ຊີງເອົາຄຳຮູບປະພັນໜັກ 5 ບາດ ຂຶ້ນລົດຈັກຫລົບໜີໄປ, ຈາກນັ້ນເຈົ້າຂອງຮ້ານຈຶ່ງໄດ້ຂັບລົດໃຫຍ່ໄລ່ຕາມ
ພ້ອມທັງແຈ້ງໃຫ້ເຈົ້າໜ້າທີ່ຊ່ວຍໄລ່ຕິດຕາມ ໃນທີ່ສຸດກໍສາມາດຈັບກຸມຕົວຄົນຮ້າຍທັງສອງ ໄດ້ຢູ່ທີ່ເຮືອນ
ຂອງພວກກ່ຽວ ເພື່ອມາດຳເນີນຄະດີຕາມລະບຽບກົດໝາຍ.
ແຫຼ່ງຂ່າວ: ໜັງສືພິມລາວພັດທະນາ