spot_img
Homeເກມບົດຄວາມເກມ: ມື້ນີ້ໃນອະດີດ ວັນທີ 8 ສິງຫາ

ບົດຄວາມເກມ: ມື້ນີ້ໃນອະດີດ ວັນທີ 8 ສິງຫາ

Published on

ວັນທີ 8 ສິງຫາ ປີ 2006 ຫຼືມື້ນີ້ເມື່ອ 10 ປີທີ່ແລ້ວ ເປັນມື້ວາງຈຳໜ່າຍຂອງເກມ Dead Rising ພາກທຳອິດເທິງເຄື່ອງ Xbox 360 ທີ່ທະວີບອາເມຣິກາເໜືອ. ໂດຍ Dead Rising ເປັນເກມແນວແອັກຊັ່ນປົນສະຢອງຂວັນທີ່ມີແຝງຄວາມຕະຫຼົກຊວນຫົວແລະມຸກຕະຫຼົກຮ້າຍແບບຈັດເຕັມ, ເຊິ່ງມີທ່ານເຄຈິ ອິນາຟຸເນະ ຮັບໜ້າທີ່ເປັນໂປຣດິວເຊີ້ໃຫ້ກັບເກມນີ້ນຳ. ນອກຈາກນີ້ ໃນຊ່ວງທີ່ເກມນີ້ຢູ່ໃນຂັ້ນຕອນການພັດທະນາກໍມີການປະກາດຈາກທາງ Capcom ແລ້ວວ່າຈະລົງເປັນເກມ Exclusive ໃຫ້ກັບ Xbox 360 ເທົ່ານັ້ນ, ກ່ອນຈະມາປະກາດຫຼ້າສຸດເມື່ອບໍ່ດົນນີ້ວ່າຈະມີການນຳກັບມາຣີມາສເຕີ້ລົງໃຫ້ກັບເຄື່ອງ PS4, Xbox One ແລະ PC ພາຍໃນປີນີ້. 

ເນື້ອເລື່ອງຂອງ Dead Rising ຈະເວົ້າເຖິງ ແຟຣງ ເວສ ຊ່າງພາບສື່ມວນຊົນທີ່ຕິດຢູ່ໃນຊ໋ອບປິ້ງມໍຂອງເມືອງວິນລ້າເມດ ລັດໂຄໂລຣາໂດ ທີ່ຜູ້ຄົນໃນເມືອງຕ່າງກໍຕິດເຊື້ອກາຍເປັນຊອມບີ້ໄປຈົນໝົດ ໂດຍລະຫວ່າງຢູ່ທີ່ເມືອງນີ້ ແຟຣງຕ້ອງໜີເອົາໂຕລອດຈາກຝູງຊອມບີ້ ພ້ອມທັງຫາທາງຊ່ອຍຜູ້ລອດຊີວິດຄົນອື່ນໆ ແລະຕໍ່ສູ້ກັບຄົນບ້າທີ່ເປັນສັດຕູໃນເກມ ໄປຈົນເຖິງການຄົ້ນຫາຄວາມຈິງຂອງເຫດການທີ່ເກີດຂຶ້ນໃນເມືອງແຫ່ງນີ້ໄປນຳ.  

ໂໝດເນື້ອເລື່ອງຂອງເກມ Dead Rising ຈະມີເວລາຈຳກັດໃຫ້ຜູ້ຫຼິ້ນ 72 ຊົ່ວໂມງ, ໂດຍໃນລະຫວ່າງນີ້ຜູ້ຫຼິ້ນຈະຕ້ອງບໍລິຫານເວລາໃນການເຮັດເຄວສຕ່າງໆ ທັງເຄວສຫຼັກ, ເຄວສຍ່ອຍ ເຊິ່ງແຕ່ລະເຄວສກໍອາດຈະມີການຊ່ອຍໂຕປະກັນຫຼືກຳຈັດບອສນຳ. ນອກຈາກນີ້ໂຕແຟຣງຍັງສາມາດເກັບຄ່າປະສົບການຈາກການເຮັດເຄວສຜ່ານ ຫຼືການກຳຈັດສັດຕູດ້ວຍວິທີຕ່າງໆ ເມື່ອເລເວວສູງຂຶ້ນກໍຈະປົດລ໋ອກທ່າໄມ້ຕາຍໃໝ່ໆ ຫຼືຂະຫຍາຍເກດພະລັງຊີວິດໃຫ້ຍາວຂຶ້ນໄດ້.  ຍິ່ງກວ່ານັ້ນ, ເກມນີ້ຍັງມີລະບົບສ້າງອາວຸດທີ່ເປັນຈຸດຂາຍຂອງຊີຣີນີ້ ໂດຍຜູ້ຫຼິ້ນສາມາດນຳເອົາອຸປະກອນຫຼືໄອເທັມ 2 ຊະນິດມາປະສົມກັນເພື່ອສ້າງເປັນອາວຸດອັນໃໝ່ທີ່ມີປະສິດຕິພາບສູງກວ່າເກົ່າໄດ້ ແລະອາວຸດຫຼາຍຊະນິດທີ່ສ້າງໄດ້ກໍຈະເຕັມໄປດ້ວຍຄວາມຕະຫຼົກ ແລະສະແດງເຖິງໄອເດຍທີ່ບັນເຈີດຂອງທີມພັດທະນາເລີຍ. 

Fact ເລັກນ້ອຍກ່ຽວກັບເກມ Dead Rising

  • ເກມນີ້ຈະມີ Achievement ສຸດໂຫດຢູ່ຢ່າງໜຶ່ງທີ່ຊື່ວ່າ Zombie Genocider ເຊິ່ງເງື່ອນໄຂກໍຄືຕ້ອງເຮັດການສັງຫານຊອມບີ້ໃນເກມໃຫ້ໄດ້ 53,594 ໂຕພາຍໃນເວລາ 72 ຊົ່ວໂມງ, ເຊິ່ງໂຕເລກນີ້ເປັນມຸກຕະຫຼົກທີ່ຫຼິ້ນຮ່ວມກັນລະຫວ່າງທີມພັດທະນາຈາກຄ້າຍຕ່າງໆ ໂດຍເກມ Left 4 Dead ກໍມີ Achievement ທີ່ຕ້ອງຂ້າຊອມບີ້ຈຳນວນ 53,595 ໂຕ ແລະເກມ Prototype ກໍມີ Achievement ທີ່ຕ້ອງກຳຈັດສັດຕິໃຫ້ໄດ້ລວມກັນ 53,596 ໂຕຄືກັນ. 

  • ຖ້າຜູ້ຫຼິ້ນເຄລຍໂໝດເນື້ອເລື່ອງໂດຍເຄລຍມິດຊັ່ນໄດ້ຄົບທັງໝົດ ແລ້ວໄປລົມກັບອິຊາເບວລ້າຕອນ 10 ໂມງເຊົ້າ ແລະກັບມາລານຈອດເຮລິຄອບເຕີ້ໃນຕອນສວາຍຂອງວັນທີ 22 (ວັນທີໃນເກມ) ຈະຈົບເກມແບບ Ending A ໄດ້ ພ້ອມກັບປົດລ໋ອກໂໝດ Overtime ໃນການຫຼິ້ນຮອບໃໝ່ໄດ້. 

  • ຫຼັງຈາກທີ່ສູ້ກັບບອສທີ່ຊື່ພລໍ (Paul) ແລ້ວ ໄຟຈະລຸກທ້ວມໂຕພລໍ ຮອດຕອນນີ້ໃຫ້ເອົາຖັງດັບເພີງມາສີດໃສ່ຮ່າງພລໍຈົນໄຟດັບ ແລ້ວນຳໂຕພລໍກັບໄປທີ່ຫ້ອງ Security Room ຈາກນັ້ນໃຫ້ອອກມາຍ່າງຫຼິ້ນແປັບໜຶ່ງ ເຮົາຈະໄດ້ຮັບການຕິດຕໍ່ມາວ່າພລໍມີຂອງຂວັນຈະມອບໃຫ້ ພໍເຮົາກັບໄປທີ່ຫ້ອງ Security Room ອີກເທື່ອ ໃຫ້ລົມກັບພລໍ ລາວຈະໃຫ້ລະເບີດແກ້ວ Molotov Cocktail ໄວ້ໃຫ້ເຮົາໃຊ້ແບບບໍ່ຈຳກັດຈຳນວນເທື່ອ. 

  • Dead Rising ພາກທຳອິດເຮັດຍອດຂາຍລວມທົ່ວໂລກໄດ້ 1.8 ລ້ານຊຸດ, ໂດຍເປັນພາກທີ່ຂາຍດີເປັນອັນດັບສຸດທ້າຍຈາກທັງໝົດ 3 ພາກ ເຊິ່ງ Dead Rising 2 ເຮັດຍອດຂາຍໄປໄດ້ 3 ລ້ານຊຸດ ແລະ Dead Rising 3 ຂາຍໄດ້ 2 ລ້ານຊຸດ. 

ສຳລັບທ່ານໃດທີ່ຮັກໃນການອ່ານຂ່າວໄອທີ ແລະ ເກມ ສາມາດຕິດຕາມໄດ້ທີ່ນີ້ ກົດຖືກໃຈເລີຍ!

ທີ່ມາ:online station

ບົດຄວາມຫຼ້າສຸດ

ຕ້ອງກະກຽມຂໍ້ມູນຫຍັງແນ່ ເພື່ອຂຽນປະກອບເອກະສານເຮັດບັດປະຈໍາຕົວດິຈິຕອນ ກຽມພ້ອມໄວ້ ເພື່ອຄວາມສະດວກ ແລະ ວ່ອງໄວ

ໃນປັດຈຸບັນໃນນະຄອນຫຼວງວຽງຈັນສາມາດເຮັດບັດປະຈໍາຕົວໄດ້ແລ້ວ ຢູ່ທີ່ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ບ້ານແສງສະຫວ່າງ ເມືອງໄຊເສດຖາ ນະຄອນຫຼວງວຽງຈັນ ເຊິ່ງກ່ອນທີ່ຈະເຮັດບັດປະຈຳຕົວດິຈິຕອນແມ່ນ ຕ້ອງໄດ້ຊື້ແບບຟອມປະກອບຂໍ້ມູນ ລາຄາ 30,000 ກີບ ແລະ ຈະເປີດບໍລິການເຮັດບັດປະຈຳຕົວໃນທົ່ວປະເທດໃນຕົ້ນເດືອນຕຸລາ...

ອົບພະຍົບຫຼາຍກວ່າ 1,000 ຄົນ ເຫດໄຟໄໝ້ເຂດຊຸມຊົນແອອັດ ໃນນະຄອນຫຼວງມະນິລາ ປະເທດຟິລິປິນ

ເກີດເຫດໄຟໄໝ້ຮຸນແຮງຢູ່ເຂດຊຸມຊົນແອອັດ ໃນເມືອງຫຼວງຂອງຟິລິບປິນ ປະຊາຊົນຫຼາຍກວ່າ 500 ຄອບຄົວບໍ່ມີທີ່ຢູ່ອາໄສ. ສຳນັກຂ່າວຕ່າງປະເທດລາຍງານວ່າ: ໃນວັນທີ 15 ກັນຍາ 2025 ຜ່ານມາ, ເກີດເຫດໄຟໄໝ້ຮຸນແຮງໃນຊ່ວງກາງຄືນໃນດເຂດຊຸມຊົນ ແຮບປີ້ແລນ ເຮັດໃຫ້ອາຄານບ້ານເຮຶືອນໄດ້ຮັບຄວາມເສຍຫາຍຫຼາຍຮ້ອຍຫຼັງ ເຮັດໃຫ້ປະຊາຊົນກວ່າ...

ງົດງາມທີ່ສຸດຈາກທົ່ວໂລກ ຕາດກວາງຊີ ແຂວງຫຼວງພະບາງ ຖືຈັດຢູ່ໃນ 21 ນໍ້າຕົກທີ່ສວຍງາມຈາກທົ່ວໂລກ ປີ 2025

ວາລະສານ ການທ່ອງທ່ຽວຊື່ດັງຂອງໂລກ Travel + Leisure ໄດ້ຈັດອັນດັບ Top 21 Most Beautiful Waterfalls in the World...

ໄທເລີ່ມປະຕິບັດແລ້ວ ທະນາຄານເລີ່ມປາບປາມຂະບວນການບັນຊີມ້າ ຖ້າກວດພົບຄວາມສົງໄສ ຈະອາຍັດບັນຊີທັນທີ

ບັນຊີມ້າແມ່ນບັນຊີທະນາຄານທີ່ຖືກນໍາໃຊ້ໂດຍອາດຊະຍາກອນ ເພື່ອເກັບເງິນ ຫຼື ຟອກເງິນທີ່ໄດ້ມາແບບຜິດກົດໝາຍ ແມ່ນບັນຊີທີ່ຖືກຈ້າງໃຫ້ເປີດ ຫຼື ຖືກລັກຂໍ້ມູນໄປໃຊ້ ເພື່ອເປັນທາງຜ່ານຂອງເງິນທີ່ໄດ້ມາຈາກການກະທຳຜິດກົດໝາຍ ລວມທັງການພະນັນ. ໃນຊ່ວງໜຶ່ງອາທິດທີ່ຜ່ານມາ ທາງທະນາຄານເເຫ່ງປະເທດໄທ ເລີ່ມກວດສອບ ແລະ ລົງມືປະຕິບັດຢ່າງເຂັ້ມງວດ ໃນການອາຍັດບັນຊີມ້າ...