ເມື່ອວັນທີ 3 ສິງຫາ 2016 ສຳນັກຂ່າວຕ່າງປະເທດລາຍງານວ່າ ເກີດເຫດລະທຶກ ເຮືອບິນໂດຍສານໂບອິ້ງ 777 ຂອງສາຍການບິນເອມິເຣດສ ທ້ຽວບິນ EK521 ພ້ອມຜູ້ໂດຍສານ 282 ຄົນ ແລະ ລູກເຮືອ 18 ຄົນ ຈາກເມືອງ ທິຣຸວານັນທະພຸຣາມ ຫຼື ເມືອງ ຕະຣິວັນດັມ ລັດເກຣລະ ປະເທດອິນເດຍ ມາທີ່ດູໄບ ປະສົບເຫດຕົກກະແທກລັນເວຢ່າງຮຸນແຮງ ໃນຂະນະກຳລັງລົງຈອດທີ່ສະໜາມບິນລະຫວ່າງປະເທດດູໄບ ໃນລັດດູໄບ ຂອງສະຫະລັດອາຫຼັບເອມິເຣສຕ໌ ເມື່ອຕອນບ່າຍ ເວລາປະມານ 12.45 ນາທີ ຕາມເວລາທ້ອງຖິ່ນສາຍການບິນ ເອມິເຣສໄດ້ອອກຖະແຫລງການໃນເວລາຕໍ່ມາວ່າ ຜູ້ໂດຍສານທັງໝົດໃນເຮືອບິນລຳດັ່ງກ່າວໄດ້ຮັບການອົບພະຍົບສຸກເສີນອອກຈາກເຮືອບິນ ແລະ ບໍ່ມີໃຜໄດ້ຮັບບາດເຈັບ ຂະນະທີ່ເຈົ້າໜ້າທີ່ສະໜາມບິນດູໄບ ໄດ້ເຂົ້າຄວບຄຸມເພີງໃໝ້ເຮືອບິນໄດ້ຮຽບຮ້ອຍແລ້ວ ແລະ ຜູ້ໂດຍສານທັງໝົດປອດໄພ
ແຫຼ່ງຂ່າວຈາກ: http://www.thairath.co.th/content/680776