spot_img
HomeມູມໄອທີລາວHuawei Honor Note 8 ເປີດໂຕຢ່າງເປັນທາງການແລ້ວ!! ມາພ້ອມຈໍ Super AMOLED ແລະ ແບັດ 4500 mAh

Huawei Honor Note 8 ເປີດໂຕຢ່າງເປັນທາງການແລ້ວ!! ມາພ້ອມຈໍ Super AMOLED ແລະ ແບັດ 4500 mAh

Published on

ສາມາດຕິດຕາມສະເພາະຂ່າວໄອທີ ແລະ ເກມໄດ້ທີ່ >>ລິ້ງນີ້<<

​ຫຼັງຈາກທີ່ທາງ Honor ສົ່ງບັດເຊີນເຂົ້າຮ່ວມງານເປີດໂຕສະມາດລຸ້ນໃໝ່ ທີ່ຈະຈັດຂຶ້ນໃນວັນທີ 1 ສິງຫາ ຫຼືມື້ນີ້ນັ້ນເອງ. ຫຼ້າສຸດນີ້ Huawei ກໍໄດ້ຈັດງານເປີດໂຕສະມາດໂຟນເຮືອທຸງລຸ້ນໃໝ່ຢ່າງເປັນທາງການແລ້ວທີ່ປະເທດຈີນ ເຊິ່ງມີນາມວ່າ: Honor Note 8. ໂດຍສິ່ງທີ່ໜ້າສົນໃຈຫຼັກໆກະຄົງຈະເປັນຈໍຄວາມລະອຽດ 2K ແລະການປ່ຽນຈາກຈໍ IPS ມາໃຊ້ຈໍ Super AMOLED. 

ສຳລັບໂຕເຄື່ອງ Honor Note 8 ແມ່ນເຮັດມາດ້ວຍວັດສະດຸອະລູມິນ້ຽມອັລລອຍ, ອອກແບບດ້ວຍເທັກໂນໂລຢີ Sand blasting ແລະມີໃຫ້ເລືອກທັງໝົດ 3 ສີໄດ້ແກ່: ສີຄຳ, ສີເງິນ ແລະສີເທົາ. 

ສ່ວນໜ້າຈໍນັ້ນແມ່ນປ່ຽນມາໃຊ້ຈໍ Super AMOLED ຂະໜາດ 6.6 ນິ້ວ, ພ້ອມດ້ວຍຄວາມລະອຽດຈໍ 2K (2560 x 1440 ພິກເຊວ) ແລະ 443ppi. ແກ້ວຈໍເປັນແບບໂຄ້ງ 2.5D, ພ້ອມດ້ວຍຊ່ວງສີ (Color gamut) NTSC 105% ແລະອັດຕາຄວາມຄົມຊັດຢູ່ທີ່ 70000:1

ທາງດ້ານຮາດແວຣ໌ພາຍໃນນັ້ນມາພ້ອມກັບຊິບປະມວນຜົນ Kirin 955 (16 ນມ FinFET Plus) ຄວາມແຮງຢູ່ທີ່ 2.5GHz + 1.8GHz ມາພ້ອມກັບຊິບກຣາບຟິກ Mali-T880 MP4. RAM 4GB LPDDR4 ແລະພື້ນທີ່ຈັດເກັບໃຫ້ມາ 32GB, 64GB ແລະ 128GB (ສາມາດເພີ່ມ microSD ສູງສຸດ 128GB).  

ໃນສ່ວນຂອງກ້ອງຫຼັງ Honor Note 8 ໃຫ້ຄວາມລະອຽດມາ 13 ລ້ານພິກເຊວ ພ້ອມຮູຮັບແສງ f/2.0, OIS ແລະແຟລັດຄູ່ LED. ສ່ວນກ້ອງໜ້າໃຫ້ມາ 8 ລ້ານພິກເຊວ ພ້ອມ f/2.0 ແລະເລນມຸມກວ້າງເພື່ອໃຫ້ການເຊວຟີ້ມີມິຕິຂຶ້ນ. ນອກຈາກນີ້ທາງດ້ານຫຼັງໂຕເຄື່ອງກໍຍັງຕິດຕັ້ງເຊັນເຊີ້ສະແກນນິ້ວມືມາໃຫ້ພ້ອມ. 

ທາງດ້ານຊ໋ອບແວຣ໌ແມ່ນໃຊ້ງານລະບົບ Android 6.0 Marshmallow ຄອບດ້ວຍ Huawei EMUI 4.1. ແບັດເຕີຣີໃຫ້ມາ 4500mAh ພ້ອມດ້ວຍເທັກໂນໂລຢີປະຢັດພະລັງງານ. ນອກຈາກນີ້ກໍຍັງມາພ້ອມກັບຊິບສຽງ SmartPA ແລະເທັກໂນໂລຢີສຽງ DTS ທີ່ສາມາດເພີ່ມຄວາມດັງໄດ້ເຖິງ 1.5 ເທົ່າ. 

ສ່ວນຄຸນສົມບັດອື່ນໆກໍມີຮອງຮັບ 2 ຊິມ ສະແຕນບາຍໄດ້ທັງສອງ, 4G VoLTE, 3G, Wi-Fi 802.11 b/g/n, GPS, A-GPS, Bluetooth 4.1, microUSB 2.0 ແລະຮູແຈັກ 3.5 ມມ. 

ໃນດ້ານການວາງຈຳໜ່າຍ Honor Note 8 ຕອນນີ້ແມ່ນເປີດໃຫ້ສັ່ງຈອງຕັ້ງແຕ່ມື້ນີ້ ຈົນເຖິງວັນທີ 8 ສິງຫາ ແລະຈະຂາຍຜ່ານເວັບໄຊອອນລາຍ Vmall.com ແລະ JD.com ນຳ, ສຳລັບລາຄາໂຕເຄື່ອງມີດັ່ງນີ້:

  • Honor Note 8 ລຸ້ນ RAM 4GB + ROM 32GB ລາຄາ 2299 ຢວນ (2.785.000 ກີບ)
  • Honor Note 8 ລຸ້ນ RAM 4GB + ROM 64GB ລາຄາ 2499 ຢວນ (3.030.000 ກີບ)
  • Honor Note 8 ລຸ້ນ RAM 4GB + ROM 128GB ລາຄາ 2799 ຢວນ (3.400.000 ກີບ)



ເພີ່ມຮູບພາບຈາກກ້ອງຫຼັງ

    ທີ່ມາ:techtoyreviews

    ບົດຄວາມຫຼ້າສຸດ

    ອຸທາຫອນ! ແມ່ຕູ້ຊາວຈີນມີຄວາມເຊື່ອແປກ ຕັດສິນໃຈກິນກົບສົດໆລົງທ້ອງ ຫວັງໃຫ້ເຊົາເຈັບຫຼັງ ແຕ່ສຸດທ້າຍອາການໜັກ

    ເມື່ອປວດຫຼັງຫຼາຍຄົນອາດຈະເລືອກກິນຢາ ຫຼື ໄປຫາແພດ ແມ່ນບໍ່, ແຕ່ມີລາຍງານຂ່າວຈາກເມືອງຫາງໂຈ ປະເທດຈີນ, ເມືອບໍ່ດົນມານີ້ ວ່າ ມີແມ່ຕູ້ຄົນໜຶ່ງ ມີອາການເຈັບຫຼັງ ແລະເລືອກວິທີຮັກສາຕາມຄວາມເຊື່ອຂອງຕົນ ໂດຍການກືນກິນກົບສົດລົງທ້ອງ ຈົນເຮັດໃຫ້ເຊື້ອພະຍາດເຂົ້າສູ່ຮ່າງກາຍ. ເຊິ່ງກ່ອນເກີດເຫດແມ່ຕູ້ໄດ້ຂໍໃຫ້ພີ່ນ້ອງໄປຈັບກົບຂະໜາດນ້ອຍມາໃຫ້ ໂດຍບໍ່ໄດ້ບອກວ່າຈະເອົາໄປເຮັດຫຍັງ,...

    ວັນການທູດລາວຄົບຮອບ 80 ປີ ປັດຈຸບັນ ລາວມີສາຍພົວພັນການທູດກັບ 151 ປະເທດ ມີສໍານັກງານຕາງໜ້າການທູດ ຢູ່ຕ່າງປະເທດ 41 ແຫ່ງ

    ວັນການທູດລາວຄົບຮອບ 80 ປີ (12/10/1945-12/10/2025) ແມ່ນວັນສຳຄັນທາງປະຫວັດສາດຂອງຊາດ ທີ່ມີຄວາມໝາຍຄວາມສຳຄັນ ເພາະສະແດງອອກພູມປັນຍາຄວາມສະຫລາດສ່ອງໃສຂອງບັນພະບູລຸດ ແລະ ຄວາມສຳເລັດຂອງພາລະກິດຕ່າງໆຕັ້ງແຕ່ອາດີດຮອດປັດຈຸບັນ ແລະ ແນໃສ່ສືບຕໍ່ສ້າງເປັນບົດຮຽນ ເປັນມູນມັງມໍລະດົກຕົກທອດໃຫ້ແກ່ຄົນຮຸ່ນ ໃໝ່ຕໍ່ໆໄປໃນອະນາຄົດ. ເຊິ່ງກົມການເມືອງສູນກາງພັກໄດ້ອອກແຈ້ງການສະບັບເລກທີ...

    ພິທີປະກາດຊື່ໂຮງຮຽນມັດທະຍົມສົມບູນມິດຕະພາບລາວ – ສປປ ເກົາຫຼີ ແລະ ປາຖະກະຖາວັນສ້າງຕັ້ງພັກແຮງງານເກົາຫຼີ ຄົບຮອບ 80 ປີ

    ສະມາຄົມມິດຕະພາບລາວ - ສປປ ເກົາຫຼີ, ໂຮງຮຽນມັດທະຍົມສົມບູນມິດຕະພາບລາວ - ສປປ ເກົາຫຼີ ຮ່ວມກັບສະຖານເອກອັກຄະລັດຖະທູດແຫ່ງ ສປປ ເກົາຫຼີ ປະຈຳ ສປປ ລາວ...

    ໄຂກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025 ຢ່າງເປັນທາງການ

    ໄຂກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025. ກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025 ໄດ້ໄຂຂຶ້ນໃນຕອນເຊົ້າ ວັນທີ 9 ຕຸລາ 2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານ ຂອງທ່ານ ສອນໄຊ...