spot_img
Homeຂ່າວຕ່າງປະເທດສາຍການບິນມາເລເຊຍ ຊື້ໂບອິ້ງ 50 ລຳ

ສາຍການບິນມາເລເຊຍ ຊື້ໂບອິ້ງ 50 ລຳ

Published on

ສາຍ​ການບິນ​ມາ​ເລ​ເຊຍ​ລົງ​ນາມ​ຊື້​ເຮືອບິນ​ໂບອິ້ງ ບີ 737 ​ແມັກ 50 ລຳ ດ້ວຍ​ຈຳນວນ​ເງິນ 5,5 ຕື້​ໂດ​ລາ​ສະຫະລັດ.

ສຳນັກຂ່າວ​ຕ່າງປະ​ເທດ​ລາຍ​ງານ​ວ່າ ສາຍ​ການບິນ​ມາ​ເລ​ເຊຍ​ແອ​ລາຍ ​ໄດ້​ລົງ​ນາມ​ໃນ​ຂໍ້​ຕົກລົງ​ກັບ​ບໍລິສັດ​ໂບອິ້ງ​ໃນ​ວັນ​ທີ 27 ກໍລະກົດ​ທີ່​ຜ່ານ​ມາ ​ເພື່ອ​ຊື້​ເຮືອບິນ​ໂບອິ້ງ ບີ 737 ​ແມັກ ຈຳນວນ 50 ລຳ ດ້ວຍ​ຈຳນວນ​ເງິນ 5,5 ຕື້​ໂດ​ລາ, ທ່ານ ປີ​ເຕີ ​ເບ​ລລູ ປະທານ​ເຈົ້າໜ້າ​ທີ່​ບໍລິຫານ​ຂອງ​ມາ​ເລ​ເຊຍ​ອອນ​ລາຍ ກ່າວ​ວ່າ ມາ​ເລ​ເຊຍ​ແອ​ລາຍ​ກຳລັງ​ຢູ່​ເທິງ​ເສັ້ນທາ​ງຂອງ​ການ​ຂະຫຍາຍຕົວ​ທົ່ວ​ພາກ​ພື້ນ​ອາ​ຊຽນ ​ແລະ ຄຳ​ສັ່ງ​ຊື້​ເຮືອບິນນີ້​ຈະ​ປູ​ທາງ​ໄປ​ສູ່​ການ​ຟື້ນ​ຕົວ​ຂຶ້ນ​ຢ່າງ​ຕໍ່​ເນື່ອງ ​ແລະ ປະສົບ​ຄວາມ​ສຳ​ເລັດ ຂະນະ​ເຂົ້າ​ສູ່​ໄລຍະ​ທົດ​ສະ​ວັດ​ໃໝ່. ທັງ​ນີ້ ມາ​ເລ​ເຊຍ ​ແອ​ລາຍ ສັ່ງ​ຊື້​ເຮືອບິນ 25 ລຳ ​ແລະ ຊື້​ສິດທິ​ສຳລັບ​ເຮືອ​ບິນ​​ໂບອິ້ງ 737 ທີ່​ມີ​ການ​ປັບ​ເປັນ​ຮຸ່ນ​ທີ່​ດີ​ຂຶ້ນ​ຈຳນວນ 25 ລຳ ​ໂດຍ​ກຳນົດ​ເລີ່​ມສົ່ງ​ມອບ​ໃນ​ປີ 2019 ​ເພື່ອ​ທົດ​ແທນ​ເຮືອບິນ​ຮຸ່ນ​ເກົ່າ.

ປະຈຸ​ບັນ ສາຍການບິນ​ມາ​ເລ​ເຊຍ​ ​ໃຊ້​ເຮືອບິນ​ໂບອິ້ງ ບີ 737 ຈຳນວນ 56 ລຳ , ກ່ອນ​ໜ້າ​ນີ້ ມາ​ເລ​ເຊຍ​ແອ​ລາຍ ປະສົບ​ບັນຫາ​ຂາດທຶນ​ຢ່າງ​ໜັກ​ຈາກ​ການ​ບໍລິຫານ​ງານ​ທີ່​ຜິດພາດ ​ແລະ ການ​ປະ​ເຊີນ​ກັບ​ການ​ແຂ່ງຂັນ​ສູງ ສົ່ງ​ຜົນ​ເຮັດ​ໃຫ້​ມີ​ການ​ປັບ​ໂຄງ​ສ້າງ​ພາຍ​ໃນ ​ແລະ ປົດ​ພະນັກງານ 6 ພັນ​ຄົນ ພ້ອມ​ທັງ​ຍົກ​ເລີກ​ເສັ້ນທາງ​ທີ່​ບໍ່​ໄດ້​ກຳ​ໄລ​ໃນ​ເອີຣົບ.

ບົດຄວາມຫຼ້າສຸດ

ນາຍົກລັດຖະມົນຕີ ແຫ່ງ ສປປ ລາວ ພ້ອມດ້ວຍພັນລະຍາ ແລະ ຄະນະ ໄດ້ເດີນທາງຢ້ຽມຢາມ ມາເລເຊຍ ຢ່າງເປັນທາງການ

ລາວ-ມາເລເຊຍ ຮັດແໜ້ນສາຍພົວພັນ ແລະ ການຮ່ວມມືສອງຝ່າຍ ໂດຍຕອບສະໜອງຕາມການເຊື້ອເຊີນຂອງ ພະນະທ່ານ ອັນວາ ອິບຣາຮິມ, ນາຍົກລັດຖະມົນຕີ ແຫ່ງ ມາເລເຊຍ, ພະນະທ່ານ ສອນໄຊ ສີພັນດອນ, ນາຍົກລັດຖະມົນຕີ...

ຈັບ​ແທັກ​ຊີ້ຫື່ນໃນຍີ່ປຸ່ນ ມອມຢາ ແລະ ​ຖ່າຍຄິບອານາຈານເກັບໄວ້ເບິ່ງ ​

ໄພສັງຄົມ! ຈັບ​ແທັກ​ຊີ້ຫື່ນໃນຍີ່ປຸ່ນ ມອມຢາ ແລະ ​ຖ່າຍຄິບອານາຈານເກັບໄວ້ເບິ່ງ ​ຄາດ​ວ່າ​ມີ​ຜູ້​ໂດຍສານ​ຍິງຖືກຂົ່ມຂືນກວ່າ 50 ຄົນ. ສຳນັກຂ່າວຕ່າງປະເທດລາຍງານໃນວັນທີ 22 ພຶດສະພາ 2025 ເຈົ້າໜ້າທີ່ຕໍາຫຼວດປະເທດຍີ່ປຸ່ນໄດ້ໃຫ້ຖະແຫຼງການວ່າ ສາມາດຈັບຊາຍຜູ້ຖືກຫາໃນຄະດີຂົ່ມຂືນ ຊື່ວ່າ:...

ໄທກຽມອອກໜັງສືເຊີນຊວນ ໃຫ້ນາຍຈ້າງ ມີມື້ພັກສຳລັບເປັນປະຈຳເດືອນໂດຍໄດ້ຮັບຄ່າຈ້າງ

ກົມສະວັດດິການ ແລະ ຄຸ້ມຄອງແຮງງານ ອອກໜັງສືເຊີນຊວນ ໃຫ້ນາຍຈ້າງ ມີມື້ພັກສຳລັບເປັນປະຈຳເດືອນໂດຍໄດ້ຮັບຄ່າຈ້າງ ສຳນັກຂ່າວຕ່າງປະເທດລາຍງານໃນວັນທີ 21 ພຶດສະພາ 2025 ກົມສະວັດດິການ ແລະ ຄຸ້ມຄອງແຮງງານ ອອກໜັງສືເຊີນຊວນ ໃຫ້ນາຍຈ້າງ...

ລະທຶກ! ຍົນສ່ວນຕົວຕົກ​ ​ຢູ່ທີ່ເມືອງຊານດິເອໂກ ສະຫະລັດ​ອາ​ເມ​ລິ​ກາ ​

ຍົນສ່ວນຕົວຕົກ​ ​ຢູ່ທີ່ເມືອງຊານດິເອໂກ ສະຫະລັດ​ອາ​ເມ​ລິ​ກາ ​ບ້ານເຮືອນ​​ຫຼາຍ​ຫຼັງ​ໄດ້​ຮັບ​ຄວາມ​ເສຍ​ຫາຍ ແລະ ມີ​ຜູ້​ເສຍ​ຊີວິດ 3 ຄົນ. ອີງຕາມສຳນັກຂ່າວຕ່າງປະເທດລາຍງານໃນວັນທີ 23 ພຶດສະພາ 2025 ເກີດເຫດເຮືອບິນສ່ວນຕົວ Cessna 550...