spot_img
Homeຂ່າວພາຍ​ໃນສະພາແຫ່ງຊາດເປີດປະຊຸມ 7-25 ກໍລະກົດນີ້ ພ້ອມເປີດສາຍດ່ວນ 156 ຮັບຄຳສະເໜີຂອງປະຊາຊົນບໍ່ເສຍຄ່າ!

ສະພາແຫ່ງຊາດເປີດປະຊຸມ 7-25 ກໍລະກົດນີ້ ພ້ອມເປີດສາຍດ່ວນ 156 ຮັບຄຳສະເໜີຂອງປະຊາຊົນບໍ່ເສຍຄ່າ!

Published on

ounkeo
ດຣ ອຸ່ນແກ້ວ ວຸທິລາດ ຫົວໜ້າຫ້ອງວ່າການສະພາແຫ່ງຊາດ, ໂຄສົກຂອງສະພາແຫ່ງຊາດ ໄດ້ຖະແຫລງຂ່າວຕໍ່ສື່ມວນຊົນ ໃນຕອນບ່າຍ ວັນທີ 2 ກໍລະກົດ 2014 ນີ້

 

ຂປລ. ກອງປະຊຸມສະໄໝສາມັນເທື່ອທີ 7 ຂອງສະພາແຫ່ງຊາດ ຊຸດທີ VII ຈະໄດ້ຈັດຂຶ້ນແຕ່ວັນທີ 7-25

ກໍລະກົດ 2014 ທີ່ຫໍສະພາແຫ່ງຊາດ, ນະຄອນຫລວງວຽງຈັນ ໂດຍປະຕິບັດຕາມ ມາດຕາ 57 ຂອງລັດຖະ

ທຳມະນູນ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ, ມາດຕາ 9 ວ່າດ້ວຍກົດໝາຍສະພາແຫ່ງຊາດ

ແລະ ປະຕິບັດຕາມມະຕິຕົກລົງຂອງ ຄະນະປະຈຳສະພາແຫ່ງຊາດ ສະບັບເລກທີ 080/ຄປຈ ລົງວັນທີ 12

ມິຖຸນາ 2014.

 


ທ່ານ ດຣ. ອຸ່ນແກ້ວ ວຸທິລາດ, ຫົວໜ້າຫ້ອງວ່າການສະພາແຫ່ງຊາດ, ໂຄສົກຂອງສະພາແຫ່ງຊາດ ໄດ້ຖະແຫລງ

ຂ່າວຕໍ່ສື່ມວນຊົນ ໃນຕອນບ່າຍ ວັນທີ 2ກໍລະກົດ 2014 ນີ້ ໂດຍທ່ານໄດ້ໃຫ້ຮູ້ວ່າ: ໃນວາລະຂອງການດຳເນີນ

ກອງປະຊຸມຄັ້ງນີ້ ຈະໄດ້ຮັບຟັງການລາຍງານ ແລະ ປະກອບຄຳຄິດ ຄຳເຫັນໃສ່ບົດລາຍານກ່ຽວກັບການຈັດຕັ້ງ

ປະຕິ ບັດແຜນພັດທະນາເສດຖະກິດ-ສັງຄົມ ແລະ ແຜນງົບປະມານແຫ່ງລັດ  ສົກປີ 2013-2014 ແລະ ທິດທາງ

ແຜນການສົກປີ 2014-2015, ໃນນັ້ນ ມີບົດລາຍງານກ່ຽວກັບການຈັດຕັ້ງປະຕິບັດແຜນພັດທະນາເສດຖະກິດ

-ສັງຄົມ, ບົດ​ລາຍ​ງານ​ກ່ຽວ ກັບການຈັດຕັ້ງປະຕິບັດແຜນງົບປະມານແຫ່ງລັດ ແລະ ບົດລາຍງານກ່ຽວກັບສະພາບ

ພົ້ນເດັ່ນໃນການຈັດຕັ້ງປະຕິບັດແຜນເງິນຕາ; ບົດລາຍງານ ກ່ຽວກັບການຈັດສັນ 3 ປ່າຄື:ປ່າປ້ອງກັນ, ປ່າສະ

ຫງວນ ແລະ ປ່າຜະລິດ; ບົດລາຍງານ ການເຄື່ອນໄຫວວຽກງານຂອງອົງການກວດສອບແຫ່ງລັດ ປະຈຳສົກປີ

2013-2014 ແລະ ທິດທາງແຜນການເຄື່ອນ ໄຫວປະຈຳສົກປີ 2014-2015; ບົດລາຍງານຂອງອົງການ

ໄອຍະການປະຊາຊົນສູງສຸດ ແລະ ບົດລາຍງານຂອງສານປະຊາຊົນສູງສຸດ ກ່ຽວກັບການເຄື່ອນໄຫວວຽກງານ

ສົກປີ 2013-2014 ແລະ ແຜນວຽກ ສົກປີ 2014-2015; ບົດ​ລາຍ​ງານການ​ເຄື່ອນ​ໄຫວວຽກງານ​ຂອງ​ສະພາ​ແຫ່ງ​

ຊາດ ປະຈຳ​ສົກ​ປີ 2013-2014 ​ແລະ ​ທິດ​ທາງແຜນການ ປະຈຳ​ສົກ​ປີ 2014-2015.

 

 

ພ້ອມນີ້ກອງປະຊຸມຍັງຈະໄດ້ພິຈາລະນາ ແລະ ຮັບຮອງເອົາ​ຮ່າງ​ກົດໝາຍຈຳນວນ 5 ສະບັບ; ​ໃນ​ນັ້ນມີ ກົດໝາຍ​

ສ້າງ​ໃໝ່ 2 ສະບັບ ຄື: ກົດໝາຍ​ວ່າ​ດ້ວຍ​ການ​ຕ້ານແລະ ສະກັດ​ກັ້ນການ​ຟອກ​ເງິນ, ການ​ສະໜອງ​ທຶນ​ໃຫ້​ແກ່​ການ​

ກໍ​ການ​ຮ້າຍ ແລະກົດໝາຍ​ວ່າ​ດ້ວຍ​ການ​ກວດ​ສອບ​ເອກະລາດ. ສ່ວນກົດໝາຍປັບປຸງ  3 ສະບັບປະກອບມີ

ກົດໝາຍ ວ່າ​ດ້ວຍ​ອາກອນ​ມູນ​ຄ່າ​ເພີ່ມ, ກົດໝາຍ​ວ່າດ້ວຍ​ມາດຖານແລະ ກົດໝາຍ ວ່າ​ດ້ວຍ​ການ​ແກ້​ໄຂ​ຄຳ​ຮ້ອງທຸກ.

 


ທ່ານ ດຣ. ອຸ່ນແກ້ວ ວຸທິລາດ ຍັງໃຫ້ຮູ້ອີກວ່າ:  ໃນ​ໄລຍະ​ດຳ​ເນີນ​ກອງ​ປະຊຸມ, ສະພາ​ແຫ່ງ​ຊາດ​ ໄດ້​ຈັດຕັ້ງ ໜ່ວຍງານ​

ຮັບຜິດຊອບ​ໂທລະສັບ​ສາຍ​ດ່ວນ ເພື່ອ​ຮັບ​ເອົາ​ຄຳ​ຄິດ​ຄຳ​ເຫັນ ແລະ ຄຳ​ສະ​ເໜີ​ໂດຍ​ກົງ ຈາກ​ປະຊາຊົນ​ທີ່ຈະ​ສົ່ງ​ໄປ​ຍັງ​

ກອງ​ປະຊຸມນັ້ນ ​ສາມາດ​ສົ່ງ​ຄຳ​ຄິດ​ຄຳ​ເຫັນ ແລະ ຄຳ​ສະ​ເໜີ​​ໄດ້​ດັ່ງນີ້: ​ໂທລະສັບ​ບໍ່​ເສຍ​ຄ່າໝາ​ຍເລກ 156, ​ໂທລະ​ສານ

ໝາຍ​ເລກ: 021 452627, ສົ່ງ​ເປັນ​ຈົດໝາຍ​ທາງ​ໄປສະນີ ຕູ້ ປນ. 662ຫຼື ສົ່ງ​ອີ​ເມ​ວ: na_seeion@na.gov.la

 

ແຫຼ່ງຂ່າວ: www.kpl.net.la

ບົດຄວາມຫຼ້າສຸດ

ທັງໜ້າຕາດີ ທັງຈິດໃຈດີ Felix Stray kids ໃນ 2 ປີທີ່ (2024-2025) Felix ໄດ້ບໍລິຈາກໃຫ້ປະເທດລາວ ລວມມູນຄ່າທັງໝົດປະມານ 3 ຕື້ກີບ

ທັງໜ້າຕາດີ ທັງຈິດໃຈດີ Felix Stray kids ຂອບໃຈທີ່ໃຫ້ການສະໜັບສະໜູນມາຕະຫຼອດ 2 ປີ (2024-2025) ທີ່ໄດ້ເຂົ້າມາຊ່ວຍເຫຼືອເດັກນ້ອຍໃນປະເທດລາວໃຫ້ມີຊີວິດການເປັນຢູ່ ແລະ ສະພາບເວດລ້ອມທີ່ດີຂຶ້ນ, ໃນ 2...

ຕ້ອງກະກຽມຂໍ້ມູນຫຍັງແນ່ ເພື່ອຂຽນປະກອບເອກະສານເຮັດບັດປະຈໍາຕົວດິຈິຕອນ ກຽມພ້ອມໄວ້ ເພື່ອຄວາມສະດວກ ແລະ ວ່ອງໄວ

ໃນປັດຈຸບັນໃນນະຄອນຫຼວງວຽງຈັນສາມາດເຮັດບັດປະຈໍາຕົວໄດ້ແລ້ວ ຢູ່ທີ່ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ບ້ານແສງສະຫວ່າງ ເມືອງໄຊເສດຖາ ນະຄອນຫຼວງວຽງຈັນ ເຊິ່ງກ່ອນທີ່ຈະເຮັດບັດປະຈຳຕົວດິຈິຕອນແມ່ນ ຕ້ອງໄດ້ຊື້ແບບຟອມປະກອບຂໍ້ມູນ ລາຄາ 30,000 ກີບ ແລະ ຈະເປີດບໍລິການເຮັດບັດປະຈຳຕົວໃນທົ່ວປະເທດໃນຕົ້ນເດືອນຕຸລາ...

ອົບພະຍົບຫຼາຍກວ່າ 1,000 ຄົນ ເຫດໄຟໄໝ້ເຂດຊຸມຊົນແອອັດ ໃນນະຄອນຫຼວງມະນິລາ ປະເທດຟິລິປິນ

ເກີດເຫດໄຟໄໝ້ຮຸນແຮງຢູ່ເຂດຊຸມຊົນແອອັດ ໃນເມືອງຫຼວງຂອງຟິລິບປິນ ປະຊາຊົນຫຼາຍກວ່າ 500 ຄອບຄົວບໍ່ມີທີ່ຢູ່ອາໄສ. ສຳນັກຂ່າວຕ່າງປະເທດລາຍງານວ່າ: ໃນວັນທີ 15 ກັນຍາ 2025 ຜ່ານມາ, ເກີດເຫດໄຟໄໝ້ຮຸນແຮງໃນຊ່ວງກາງຄືນໃນດເຂດຊຸມຊົນ ແຮບປີ້ແລນ ເຮັດໃຫ້ອາຄານບ້ານເຮຶືອນໄດ້ຮັບຄວາມເສຍຫາຍຫຼາຍຮ້ອຍຫຼັງ ເຮັດໃຫ້ປະຊາຊົນກວ່າ...

ງົດງາມທີ່ສຸດຈາກທົ່ວໂລກ ຕາດກວາງຊີ ແຂວງຫຼວງພະບາງ ຖືຈັດຢູ່ໃນ 21 ນໍ້າຕົກທີ່ສວຍງາມຈາກທົ່ວໂລກ ປີ 2025

ວາລະສານ ການທ່ອງທ່ຽວຊື່ດັງຂອງໂລກ Travel + Leisure ໄດ້ຈັດອັນດັບ Top 21 Most Beautiful Waterfalls in the World...