ສຳນັກຂ່າວຕ່າງປະເທດ ລາຍງານໃນວັນທີ 22 ກໍລະກົດນີ້ວ່າ ມື້ວານນີ້ (21 ກໍລະກົດ) ທ່ານ ອະເລັກຊານເດຣ ໂມຣາເອສ ລັດຖະມົນຕີກະຊວງຍຸຕິທຳ ປະເທດບຣາຊິນ ໄດ້ອອກມາປະກາດ ສາມາດຈັບກຸມເຄືອຂ່າຍ ກຸ່ມກໍ່ການຮ້າຍ ຈຳນວນ 10 ຄົນ ທີ່ຄາດວ່າເປັນເຄືອຂ່າຍດຽວກັນກັບ ກຸ່ມລັດອິດສະລາມ ຫລື ໄອເອັສ ຢູ່ປະເທດອີຣັກ ແລະ ຊີຣີ ກຳລັງວາງແຜນການໂຈມຕີ ໃນໄລຍະຈັດການແຂ່ງຂັນ ກິລາໂອລິມປິກ ທີ່ປະເທດບຣາຊິນເປັນເຈົ້າພາບ, ພ້ອມນັ້ນ ທ່ານຍັງລະບຸອີກວ່າ ເຈົ້າໜ້າທີ່ຕຳຫລວດ ກຳລັງຄົ້ນຫາຜູ້ຖືກສົງໄສອີກ ຈຳນວນ 2 ຄົນ ໃນປັດຈຸບັນນີ້.
ແນວໃດກໍຕາມ, ທ່ານ ໂມຣາເອສ ໄດ້ກ່າວວ່າ ເຄືອຂ່າຍກຸ່ມດັ່ງກ່າວນີ້ ບໍ່ໄດ້ມີແຜນການເຈາະຈົງ ວ່າມີເປົ້າໝາຍໂຈມຕີຢູ່ສະຖານທີ່ໃດ ແຕ່ເຖິງແມ່ນພວກເຂົາ ຫາກດຳເນີນການທີ່ເປັນໄພຄຸກຄາມ ບໍ່ວ່າຈະສົ່ງຜົນກະທົບໜ້ອຍທີ່ສຸດ ກໍຈະຖືກເຈົ້າໜ້າທີ່ບຣາຊິນ ລົງໂທດໃນສະຖານໜັກ ໃນທຸກໆແຜນການໂຈມຕີ.
ຕິດຕາມເລື່ອງດີດີ ວິທະຍາສຶກສາ ກົດໄລຄ໌ເລີຍ!