spot_img
Homeຂ່າວຕ່າງປະເທດເອດີ​ບີ​ຫຼຸດ​ທ່າ​ອຽງເສດຖະກິດ​ອາຊີ​​ເຕີບ​ໂຕ 5,6%

ເອດີ​ບີ​ຫຼຸດ​ທ່າ​ອຽງເສດຖະກິດ​ອາຊີ​​ເຕີບ​ໂຕ 5,6%

Published on

​ເອດີ​ບີ ​ໄດ້​ປັບ​ຫຼຸດ​ທ່າ​ອຽງ​ການ​ຂະຫຍາຍຕົວ​ທາງ​ເສດຖະກິດ​ປີ 2016 ສຳລັບ​ປະ​ເທດ​ກຳລັງ​ພັດທະນາ​ໃນ​ພາກ​ພື້ນ​ອາຊີ-​ປາຊິ​ຟິກລົງ​ມາ​ຢູ່​ທີ່ 5,6%.

ທະນາຄານ​ພັດທະນາ​ອາຊີ ຫຼື ເອດີ​ບີ ​ໄດ້​ປັບ​ຫຼຸດ​ທ່າ​ອຽງ​ການ​ຂະຫຍາຍຕົວ​ທາງ​ເສດຖະກິດ​ປີ 2016 ສຳລັບ​ປະ​ເທດ​ກຳລັງ​ພັດທະນາ​ໃນ​ພາກ​ພື້ນ​ອາຊີ-​ປາຊິ​ຟິກລົງ​ມາ​ຢູ່​ທີ່ 5,6% ຈາກ​ເດີມ​ທີ່​ຄາດ​ຄະ​ເນ​ເອົາ​ໄວ້ 5,7% ຢ່າງ​ໃດ​ກໍ​ຕາມ ຜົນ​ປະກອບ​ການ​ທີ່​ເຂັ້ມ​ແຂງ​ຈະ​ຊ່ວຍ​ຊົດ​ເຊີຍ​ຈາກ​ບັນຫາ​ເສດຖະກິດ​ອ່ອນ​ແອ​ຢູ່​ອາ​ເມ​ລິ​ກາ ​ແລະ ຕະຫຼາດ​ປັ່ນ​ປວ່ນຈາກ​ການ​ລົງ​ປະຊາ​ມະຕິ​ອັງກິດອອກ​ຈາກ​ສະຫະພາບ​ເອີຣົບ ຫລື ອີ​ຢູ ​ໂດຍ​ເອດີ​ບີ​ໄດ້​ຄາດ​ຄະ​ເນ​ອັດຕາ​ການ​ຂະຫຍາຍຕົວ​ສຳລັບ​ປີ 2017 ​ຢູ່​ທີ່ 5,7% ຊຶ່ງ​ເອດີ​ບີ​ຮັກສາ​ທ່າ​ອຽງ​ການ​ເຕີບ​ໂຕ​ຂອງ​ເສດຖະກິດ​ຈີນ ​ເອົາ​ໄວ້ຢູ່​ທີ່ 6,5% ​ໃນ​ປີ​ນີ້ ​ແລະ 6,3% ​ໃນ​ປີ​ຕໍ່​ໄປ, ຂະນະ​ທີ່​ກຸ່ມ​ປະ​ເທດ​ອາຊີ​ຕາ​ເວັນ​ອອກ​ຍັງ​ບໍ່​ປ່ຽນ​ແປງ​ຢູ່​ທີ່ 5,7% ​ໃນ​ປີ​ນີ້ ​ແລະ 5,6% ​ໃນ​ປີ​ຕໍ່​ໄປ.

ສຳລັບ​ສະຖານະ​ການ​ຂອງ​ເສດຖະກິດ​ອາຊີ​ຕາ​ເວັນ​ອອກສຽງ​ໃຕ້ ຫຼື ອາ​ຊຽນ ​ເອດີ​ບີ​ຄາດໃນ​ປີ​ນີ້​ເອົາ​ໄວ້​ຢູ່​ທີ່ 4,5% ​ແລະ ປີໜ້າ​ຢູ່​ທີ່ 4,8% ​​ໄດ້​ອານິສົງ​ຈາກ​ການ​ອຸປະ​ໂພ​ກ ​ແລະ ບໍລິ​ໂພ​ກຂອງ​ຂະ​ແໜງ​ເອກະ​ຊົນ, ສ່ວນ​ອາຊີ​ກາງ​ຄາດ​ວ່າ​ຈະ​ຢູ່​ທີ່ 1,7% ​ໃນ​ປີ​ນີ້ ຫຼຸດ​ລົງ​ຈາກ​ທີ່​ຄາດ​ຄະ​ເນ​ກ່ອນ​ໜ້າ​ນີ້​ຢູ່​ທີ່ 2,1% ​ແລະ 2,7%​ໃນ​ປີໜ້າ ຫຼຸດ​ລົງ​ຈາກ 2,8% ​ເນື່ອງ​ຈາກ​ລໍ​ຕົວ​ລົງ​ຂອງຣັດ​ເຊຍ, ທັງນີ້ ​ເອດີ​ບີ ປະ​ເມີນ​ສະຖານະ​ການ​ວ່າ ​ເສດຖະກິດ​ອາ​ຊີ​ໃຕ້ຈະ​ມີ​ບົດບາດ​ທີ່​ສຸດ​ໃນ​ການ​ຂັບ​ເຄື່ອນ​ເສດຖະກິດ​ຂອງ​ອາຊີ​ໃນ​ພາບ​ລວມ ​ໂດຍ​ຄາດ​ວ່າ ຈະ​ຫຍາ​ຍຕົວ 7,4% ​ໃນ​ປີ​ນີ້ ​ແລະ 7,8% ​ໃນ​ປີ 2017.

ບົດຄວາມຫຼ້າສຸດ

ຕື່ມແບບຟອມ Thailand Digital Arrival Card (TDAC) ກ່ອນເຂົ້າໄທ

ນັກທ່ອງທ່ຽວ ຫຼື ຄົນຕ່າງປະເທດຕ້ອງຕື່ມຟອມທາງອອນລາຍກ່ອນເຂົ້າປະເທດໄທ ເລີ່ມແຕ່ວັນທີ 1 ພຶດສະພາ 2025 ເປັນຕົ້ນໄປ, ຜູ້ທີ່ບໍ່ແມ່ນພົນລະເມືອງໄທທຸກຄົນ(ນັກທ່ອງທ່ຽວ, ຄົນຕ່າງປະເທດ) ທີ່ເດີນທາງໄປປະເທດໄທດ້ວຍທາງອາກາດ, ທາງບົກ ຫຼື ທາງທະເລ ຈະຕ້ອງໄດ້ຕື່ມແບບຟອມ...

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...