spot_img
Homeມູມໄອທີລາວບົດຄວາມເກມ: ມື້ນີ້ໃນອະດີດ ວັນທີ 14 ກໍລະກົດ

ບົດຄວາມເກມ: ມື້ນີ້ໃນອະດີດ ວັນທີ 14 ກໍລະກົດ

Published on

ວັນທີ 14 ກໍລະກົດ ປີ 1992 ຫຼືມື້ນີ້ເມື່ອ 24 ປີທີ່ແລ້ວ ເປັນມື້ວາງຈຳໜ່າຍຂອງເກມ Mario Paint ເທິງເຄື່ອງ Super Famicom ທີ່ປະເທດຍີ່ປຸ່ນ. ໂດຍເກມ Mario Paint ນີ້ຈະເປັນເກມແນວສີລະປະທີ່ເນັ້ນພື້ນຖານການແຕ້ມຮູບແລະອອກແບບສະແຕັມທີ່ລະອຽດແບບພິກເຊວຕໍ່ພິກເຊວ ເຊິ່ງໃນຍຸກນັ້ນວາລະສານຈາກຫຼາຍໆສຳນັກພິມ ທີ່ຂຶ້ນຊື່ກັບ Nintendo ເຊັ່ນ Nintendo Power ໄດ້ວາງຈຳໜ່າຍປຶ້ມແນະນຳທີ່ຈະເປັນການສອນວິທີການສ້າງສະແຕັມທີ່ເປັນເອກກະລັກຂອງ Nintendo ເອງດ້ວຍເກມ Mario Paint ນີ້ ເວົ້າໄດ້ວ່າເປັນເກມທີ່ແປກໃໝ່ ແລະບໍ່ຄືກັບເກມອື່ນໆໃນຕະຫຼາດກັນເລີຍ.

ສຳລັບດ້ານລະບົບເກມຂອງ Mario Paint ນັ້ນ ໂຕເກມຈະມີອຸປະກອນເລີ່ມຕົ້ນໃຫ້ຜູ້ຫຼິ້ນເລືອກໃຊ້ໃນການອອກແບບສະແຕັມຂອງໂຕເອງ ໂດຍແບ່ງເປັນສາກຫຼັງແບບສຳເລັດຮູບປະມານ 60 ແບບ, ລວດລາຍເທິງສະແຕັມແບບສຳເລັດຮູບອີກ 75 ແບບ, ສະແຕັມແບບທີ່ສາມາດປັບແກ້ລວດລາຍໄດ້ອີກ 15 ແບບ ໄປຈົນເຖິງອຸປະກອນພວກເອັບເຟັກການລຶບຕ່າງໆອີກ 9 ວິທີ ເຊິ່ງເມື່ອສ້າງສະແຕັມໃຫ້ເປັນຮູບໄດ້ແລ້ວ ຜູ້ຫຼິ້ນຍັງສາມາດເຂົ້າໂໝດ Music Generator ເພື່ອເຮັດດົນຕີປະກອບຮູບສະແຕັມໄດ້ອີກນຳ ແຕ່ວ່າຮູບສະແຕັມທີ່ເຮັດຂຶ້ນມານີ້ຈະສະແດງຜົນສະເພາະເທິງຈໍໂທລະພາບເທົ່ານັ້ນ ແລະຫາກຢາກເກັບໄວ້ເບິ່ງເອງດ້ານນອກ ກໍຕ້ອງຕໍ່ກັບເຄື່ອງອັດວີດີໂອເທບຄາສເຊັດ ເພື່ອບັນທຶກຮູບສະແຕັມກັບເພງປະກອບລົງໄປ ແລະນີ້ກໍເປັນພຽງວິທີດຽວທີ່ສາມາດ Export ໄຟລ໌ຮູບແລະສຽງຈາກເກມ Mario Paint ອອກໄປໄດ້.

Fact ເລັກນ້ອຍກ່ຽວກັບເກມ Mario Paint

  • ເກມ Mario Paint ຈະວາງຈຳໜ່າຍຄວບຄູ່ກັບເມົ້າຂອງ Nintendo ທີ່ເຮັດຂຶ້ນມາເພື່ອຮ່ວມກັບຄຸນສົມບັດຕ່າງໆຂອງ Mario Paint ໂດຍສະເພາະ ເຊິ່ງຈະມີແຜ່ນຮອງເມົ້າທີ່ເຮັດຈາກປຼາສຕິກແຂງແຖມມານຳ

  • ທ່ານຮິໂຣຄາສຶ ທານາກາ (Hirokazu Tanaka) ຜູ້ປະພັນເພງ Mario Paint ໂດຍຫຼັງຈາກເຮັດເພງໃຫ້ກັບເກມນີ້ລາວກໍໄດ້ໄປຮ່ວມງານແຕ່ງເພງໃຫ້ກັບເກມ Earthbound ນຳ ເຊິ່ງຖ້າໃຜລອງຟັງເພງຈາກ 2 ເກມນີ້ທຽບກັນດີດີ ຈະພົບວ່າສຽງເອັບເຟັກແລະເຄື່ອງດົນຕີຕ່າງໆ ນັ້ນມີຄວາມຄ້າຍຄືກັນຢູ່.

  • ຢູ່ໜ້າຈໍໄຕເຕີ້ນຂອງເກມນີ້ຈະມີ Easter Eggs ແຝງຢູ່ຫຼາກຫຼາຍ ຜູ້ຫຼິ້ນສາມາດໄລ່ຄລິກພະຍັນຊະນະແຕ່ລະໂຕຕັ້ງແຕ່ M A R I O P A I N T ເພື່ອໃຫ້ສະແດງຜົນລັບແບບຕ່າງໆໄດ້ ອີກທັງແຕ່ລະໂຕອັກສອນທີ່ຄລິກໄປກໍຈະເຮັດໃຫ້ດົນຕີປະກອບປ່ຽນໄປນຳ ທີີ່ມ່ວນກວ່ານັ້ນກໍຄືຜູ້ຫຼິ້ນສາມາດລະບາຍສີລົງໃນພື້ນຫຼັງຂອງເກມໄດ້ອີກນຳ.

ທີ່ມາ:online station,ເດັກລາວ

ບົດຄວາມຫຼ້າສຸດ

ຜູ້ນຳຄົນໃໝ່ ອີ ແຈມະຢອງ ຄວ້າຕຳແໜ່ງປະທານາທິບໍດີ ຄົນທີ 14 ສ.ເກົາຫຼີ

ອີ ແຈມະຢອງ ຄວ້າໄຊຊະນະການເລືອກຕັ້ງປະທານາທິບໍດີ ສ.ເກົາຫຼີ ພາຍຫຼັງ ຍຸນຊ໋ອກຍອນ ຖືກຖອດອກກຈາກຕໍາແໜ່ງ. ສຳນັກຂ່າວຕ່າງປະເທດລາຍງານໃນວັນທີ 3 ມິຖຸນາ 2025 ຜ່ານມານີ້ວ່າ: ເກົາຫຼີໃຕ້ຈັດການເລືອກຕັ້ງປະທານາທິບໍດິຄັ້ງພິເສດ ເພື່ອຫາຜູ້ນຳຄົນໃໝ່ແທນ ທ່ານ...

ຈີນປະກາດ ເປີດບໍລິການວີຊາພິເສດ “ASEAN visa”

ຈີນປະກາດເປີດຕົວ ວີຊ່າອາຊຽນ ໄຟຂຽວນັກທຸລະກິດ 10 ບັນປະເທດອາຊຽນລວມເຖິງ ຕີມໍແລັດສະແຕ ເດີນທາງເຂົ້າອອກສະດວກ ສຳນັກຂ່າວຕ່າງປະເທດລາຍງານໃນວັນທີ 4 ມິຖຸນາ 2025, ຈີນປະກາດເປີດຕົວ  "ASEAN Visa" ຫຼື...

ມອບ-ຮັບໜ້າທີ່ລະຫວ່າງເຈົ້ານະຄອນຫຼວງພະບາງ ຜູ້ເກົ່າ ແລະ ຮັກສາການເຈົ້ານະຄອນຫຼວງພະບາງ ຜູ້ໃໝ່

ແຕ່ງຕັ້ງທ່ານ ທ່ານ ສະເຫວີຍ ສີລາວັນ ຮັກສາການເຈົ້ານະຄອນ ຫຼວງພະບາງ ຜູ້ໃໝ່ ໃນວັນທີ 4 ມິຖຸນາ 2025 ທີ່ຫ້ອງປະຊຸມໃຫຍ່ຫ້ອງວ່າການນະຄອນຫຼວງພະບາງ ບ້ານຄອຍ ໄດ້ຈັດພິທີ ມອບ-ຮັບໜ້າທີ່ລະ...

ທ່ານ ອານຸພາບ ວົງໜໍ່ແກ້ວ ເປັນຮອງລັດຖະມົນຕີກະຊວງການຕ່າງປະເທດຄົນໃໝ່

ປະກາດແຕ່ງຕັ້ງ ທ່ານ ອານຸພາບ ວົງໜໍ່ແກ້ວ ເປັນຮອງລັດຖະມົນຕີກະຊວງການຕ່າງປະເທດຄົນໃໝ່ ຢ່າງເປັນທາງການ ວັນທີ 4 ມິຖຸນາ 2025 ຢູ່ກະຊວງການຕ່າງປະເທດ ໄດ້ຈັດພິທີປະກາດການ ຈັດຕັ້ງຕຳແໜ່ງບໍລິຫານຮອງລັດຖະມົນຕີ, ຫົວໜ້າກົມ ແລະ...