spot_img
Home​ຂ່າວທ່ອງທ່ຽວ5 ປີ​ຕໍ່​ໝ້າ ລາວ​ຈະ​ດຶງ​ດູດ​ນັກ​ທ່ອງ​ທ່ຽວ ໃຫ້​ໄດ້ 6 ລ້ານ​ຄົນ

5 ປີ​ຕໍ່​ໝ້າ ລາວ​ຈະ​ດຶງ​ດູດ​ນັກ​ທ່ອງ​ທ່ຽວ ໃຫ້​ໄດ້ 6 ລ້ານ​ຄົນ

Published on

ໃນ​ແຜນ­ການ​ອີກ 5 ປີ​ຕໍ່­ໜ້າ ສປປ ລາວ ຄາດ​ຄະ­ເນ​ວ່າ​ຈະ​ສູ້​ຊົນ​ດຶງ ດູດ​ນັກ​ທ່ອງ​ທ່ຽວ​ຈາກ​ທົ່ວ​ທຸກ​ມຸມ​ໂລກ ເຂົ້າ​ມາ​ຢ້ຽມ­ຢາມ​ໃຫ້​ໄດ້ 6 ລ້ານ​ຄົນ, ສ້າງ​ແຜນ​ພັດ­ທະ­ນາ​ການ­ທ່ອງ­ທ່ຽວ​ໃຫ້ ໄດ້ 25 ແຫ່ງ, ດ້ານ​ຜູ້​ຊີ້​ນຳ​ວຽກ​ນີ້​ໄດ້ ເນັ້ນ​ໃຫ້ເອົາ­ໃຈ­ໃສ່ 3 ບາດ­ກ້າວ​ສຳ­ຄັນ ເພື່ອ​ພັດ­ທະ­ນາ​ພັດ­ທະ­ນາ​ວຽກ​ງານ​ທ່ອງ ທ່ຽວ​ໃຫ້​ກ້າວ​ສູ່​ຄຸນ​ນະ​ພາບ​ໃໝ່, ທັນ​ສະ ໄໝ, ສີ­ວິ­ໄລ ແລະ​ຍືນ​ຍົງ.

ວັນ​ທີ 12 ກໍ­ລະ­ກົດ 2016 ທີ່​ຫໍ​ວັດນະ​ທະ​ທຳ ນະ­ຄອນ­ຫຼວງ​ວຽງ​ຈັນ ໄດ້​ມີກອງ​ປະ­ຊຸມ​ວິ­ຊາ​ການ​ຂະ­ແໜງ­ການ​ທ່ອງ
ທ່ຽວ​ທົ່ວ​ປະ­ເທດ​ຄັ້ງ​ທີ 1 ໂດຍ​ການ​ເປັນ ປະ­ທານ​ຂອງ​ທ່ານ ອຸ່ນ​ທວງ ຂາວ​ພັນ ຄະ­ນະ​ປະ­ຈຳ​ພັກ​ກະ­ຊວງ ຜູ້​ຊີ້​ນຳ​ວຽກ ງານ​ທ່ອງ​ທ່ຽວ ມີ​ບັນ­ດາ​ຫົວ­ໜ້າ, ຮອງຫົວ­ໜ້າ​ພະ​ແນກ​ທ່ອງ​ທ່ຽວ​ໃນ​ບັນ­ດາ ແຂວງ​ທົ່ວ​ປະ­ເທດ ພ້ອມ​ດ້ວຍ​ພາກ­ສ່ວນ​ທີ່​ກ່ຽວ­ຂ້ອງ​ເຂົ້າ​ຮ່ວມ.

ທ່ານ ອຸ່ນ​ທວງ ຂາວ​ພັນ ໄດ້​ເນັ້ນ​ໃຫ້​ຂະ­ແໜງ​ການ­ທ່ອງ­ທ່ຽວ​ເອົາ­ໃຈ­ໃສ່​ຄື: 1 ພັດ­ທະ­ນາ​ຂະ­ແໜງ​ອຸດ­ສາ­ຫະ­ກຳ​ທ່ອງ
ທ່ຽວ​ທີ່​ມີ​ເອ­ກະ­ລັກ​ສະ­ເພາະ​ຂອງ​ລາວ ຕາມ​ທິດ​ສົ່ງ­ເສີມ​ການ­ທ່ອງ­ທ່ຽວ​ທຳ​ມະ ຊາດ, ວັດ­ທະ­ນະ­ທຳ ແລະ​ປະ­ຫວັດ­ສາດ, ເຮັດ​ໃຫ້ ສປປ ລາວ ກາຍ­ເປັນ​ຈຸດ­ໝາຍປາຍ­ທາງ​ການ­ທ່ອງ­ທ່ຽວ​ຂອງ​ນັກ​ທ່ອງ ທ່ຽວ​ໃນ​ທົ່ວ​ໂລກ, ເປັນ​ສ່ວນ​ປະ­ກອບ ສຳ­ຄັນ​ຂອງ​ການ­ທ່ອງ­ທ່ຽວ​ອາ​ຊຽນ ແລະ ໂລກ, ສົ່ງ­ເສີມ​ການ­ທ່ອງ­ທ່ຽວ​ໃຫ້​ກາຍເປັນ​ຂະ­ແໜງ​ເສດ­ຖະ­ກິດ​ສຳ­ຄັນ ໜຶ່ງ​ຂອງຊາດ, 2 ການ​ພັດ­ທະ­ນາ​ການ­ທ່ອງ­ທ່ຽວ ໃນ​ແຕ່​ລະ​ແຂວງ ເຫັນ​ຄວນ​ໄດ້​ກຳ­ນົດ​ຜະ ລິດ​ຕະ​ພັນ​ທີ່​ໂດດ​ເດັ່ນ​ຂອງ​ຕົນ ແລະ​ສ້າງຜະ­ລິດ​ຕະ​ພັນ​ການ­ທ່ອງ­ທ່ຽວ​ໃຫ້​ເຊື່ອມ ໂຍງ​ກັບ​ບັນ­ດາ​ທ້ອງ­ຖິ່ນ ແລະ​ກ້າວ​ໄປເຖິງ​ເຊື່ອມ​ໂຍງ​ກັບ​ບັນ­ດາ​ປະ­ເທດ​ໃກ້​ຄຽງ ແລະ​ພາກ​ພື້ນ, 3 ສຳ­ລັບ​ພາກ​ທຸ­ລະ​ກິດທ່ອງ​ທ່ຽວ, ໂຮງ­ແຮມ, ຮ້ານ​ອາ­ຫານ ແລະ​ທຸ­ລະ​ກິດ​ທີ່​ກ່ຽວ­ຂ້ອງ​ກໍ​ເຫັນ​ຄວນ​ເພີ່ມທະ­ວີ​ການ​ມີ​ສ່ວນ​ຮ່ວມ ເພື່ອ​ພັດ­ທະ­ນາ ຄຸນ​ນະ​ພາບ​ການ​ບໍ­ລິ­ການ​ໃຫ້​ດີ​ຂຶ້ນ ແລະ
ສ້າງ​ຕະ­ຫຼາດ​ທ່ອງ​ທ່ຽວ​ໃຫ່​ເຂັ້ມ­ແຂງ, ຍືນ​ຍົງ ແລະ​ມີ​ສ່ວນ​ຮ່ວມ​ຂອງ​ທຸກ​ພາກສ່ວນ.

ໂອ­ກາດ​ດຽວ​ກັນ ທ່ານ ສູນ ມະ­ນີ​ວົງ ຫົວ­ໜ້າ​ກົມ​ພັດ­ທະ­ນາ​ການ­ທ່ອງ­ທ່ຽວ ໄດ້​ລາຍ​ງານ​ການ­ຈັດ­ຕັ້ງ​ປະ­ຕິ­ບັດ​ວຽກ ງານ​ທ່ອງ​ທ່ຽວ​ໃນ​ໄລ­ຍະ 5 ປີ (2011Œ-2015) ແລະ​ທິດ​ທາງ​ແຜນ­ການ 5 ປີ (2016-Œ2020) ຊຶ່ງ​ໃນ​ໄລ­ຍະ 5 ປີ­ຜ່ານ­ມາ​ໄດ້​ມີ​ນັກ​ທ່ອງ​ທ່ຽວ​ມາ​ຢ້ຽມຢາມ ສປປ ລາວ ເພີ່ມ​ຂຶ້ນ​ທຸກໆ​ປີ ແຕ່​ປີ 2011 ມີ​ຈຳ­ນວນ​ນັກ​ທ່ອງ​ທ່ຽວ 2,7 ລ້ານ​ກວ່າ​ຄົນ, ມາ​ຮອດ​ປີ 2015 ມີຈຳ­ນວນ 4,6 ລ້ານ​ກວ່າ​ຄົນ, ເພີ່ມ​ຂຶ້ນ 13% ທຽບ​ໃສ​ປີ 2014 ສາ­ມາດ​ສ້າງ
ລາຍ​ຮັບ​ໄດ້ 725 ລ້ານ​ກວ່າ​ໂດ​ລາ​ສະ ຫະ​ລັດ, ສາ­ມາດ​ປະ­ກອບ­ສ່ວນ​ເຂົ້າ​ໃນ GDP ປະ­ມານ 7,5% ແລະ​ຄາດ​ຄະ­ເນ ຮອດ​ປີ 2020 ຈະ​ສ້າງ​ລາຍ​ຮັບ​ສະ­ເລ່ຍ 550Œ760 ລ້ານ​ໂດ​ລາ​ສະ­ຫະ­ລັດ.

ສຳ­ລັບ ຕະ­ຫຼາດ​ທ່ອງ​ທ່ຽວ​ທີ່​ສຳ­ຄັນ ແມ່ນ​ຈາກ​ຂົງ­ເຂດ​ອາ­ຊີŒປາ​ຊີ​ຟິກ ໂດຍ​ສະ ເພາະ​ແມ່ນ​ຈາກ​ກຸ່ມ​ປະ­ເທດ​ອາ​ຊຽນ​ຄື: ໄທ ແລະ​ຫວຽດ­ນາມ, ຂົງ­ເຂດ​ອາ­ຊີŒປາ ຊີ​ຟິກ​ຄື: ຈີນ, ຍີ່­ປຸ່ນ, ສ.ເກົາ­ຫຼີ ແລະ​ອົດສະ​ຕຣາ​ລີ, ນອກ­ຈາກ​ນັ້ນ​ຍັງ​ມີ​ນັກ​ທ່ອງ ທ່ຽວ​ທີ່​ມີ​ລາຍ​ຮັບ​ສູງ​ຈາກ​ເອີ​ຣົບ ແລະ ອາ­ເມ­ລິ­ກາ​ເຊັ່ນ: ຝຣັ່ງ, ອັງ­ກິດ, ເຢຍ​ລະ ມັນ ແລະ​ອາ­ເມ­ລິ­ກາ.

ສ່ວນ​ທິດ​ທາງ​ແຜນ­ການ​ໄລ­ຍະ 5 ປີ ຕໍ່­ໜ້າແມ່ນ​ຈະ​ສູ້​ຊົນ​ດຶງ​ດູດ​ນັກ​ທ່ອງ​ທ່ຽວເຂົ້າ​ມາ​ຢ້ຽມ​ຊົມ​ໃຫ້​ໄດ້ 6 ລ້ານ​ຄົນ,
ສ້າງ​ແຜນ​ພັດ­ທະ­ນາ​ການ­ທ່ອງ­ທ່ຽວ​ໃຫ້ໄດ້ 25 ແຫ່ງ, ສຳ​ຫຼວດ ແລະ​ຈັດ​ສັນ ແຫຼ່ງ​ທ່ອງ​ທ່ຽວ​ໃຫ້​ໄດ້ 40 ແຫ່ງ, ສ້າງ​ພະ­ນັກ­ງານ​ທີ່​ເຮັດ​ວຽກ​ໃນ​ຂະ­ແໜງ​ການ­ທ່ອງ­ທ່ຽວ​ໃຫ້​ໄດ້​ຮັບ​ການ​ຍົກ​ລະ­ດັບ​ທາງດ້ານ​ວິ­ຊາ​ການ​ຢ່າງ​ໜ້ອຍ 4 ພັນ​ຄົນ, ຂະຫຍາຍ​ຜູ້­ຕາງ­ໜ້າ ຫຼື ຕົວ​ແທນ​ການ​ທ່ອງ ທ່ຽວ​ຢູ່​ຕ່າງ­ປະ­ເທດ​ທີ່​ເປັນ​ຕະ­ຫຼາດ​ຕົ້ນ­ຕໍຂອງ ສປປ ລາວ​ໃຫ້​ໄດ້ 5 ປະ­ເທດ, ສູ້ ຊົນ​ຈັດ​ປີ​ທ່ອງ​ທ່ຽວ​ລາວ​ຄັ້ງ​ທີ 3 ໃນ​ປີ 2018 ໃຫ້​ປາ­ກົດ​ຜົນ​ເປັນ​ຈິງ.

ທີ່ມາ: ເສດຖະກິດ-ສັງຄົມ

ບົດຄວາມຫຼ້າສຸດ

ອອກມາແລ້ວ ກົດໝາຍວ່າດ້ວຍລັດຖະກອນສະບັບປັບປຸງໃໝ່ ລົງວັນທີ 7 ພຶດສະພາ 2025

ແຈ້ງການອອກມາແລ້ວ ກົດໝາຍວ່າດ້ວຍພະນັກງານ-ລັດຖະກອນ ສະບັບປັບປຸງ ເລກທີ 046/ປປທ ລົງວັນທີ 07/09/2025 ມີເນື້ອໃນດັ່ງນີ້:

ອັບດັບ 13 ຂອງໂລກ ລາວຕິດອັນດັບເປັນໜຶ່ງໃນປະເທດ ຈຸດໝາຍປາຍທາງການທ່ອງທ່ຽວທີ່ຂະຫຍາຍຕົວສູງສຸດໃນປີ 2024

ອົງການທ່ອງທ່ຽວໂລກ ແຫ່ງສະຫະປະຊາຊາດ ລາຍງານກ່ຽວກັບ ການຈັດອັນດັບປະເທດຈຸດໝາຍປາຍທາງການທ່ອງທ່ຽວ ທີ່ຂະຫຍາຍໂຕສູງທີ່ສຸດ ໃນນັ້ນ ສປປ ລາວ ສາມາດຕິດຢູ່ໃນ ອັນດັບທີ່ 13 ຂອງໂລກ ຈາກການຈັດອັນດັບໃນປີ 2024...

ເຫດການປະທ້ວງຄັ້ງໃຫຍ່ ຄົນລຸ້ນໃໝ່ລວມກຸ່ມປະທ້ວງໃນເນປານ ເນື່ອງຈາກປິດກັ້ນສື່ອອນລາຍ ແລະ ບັນຫາສໍ້ລາດບັງຫຼວງ

ໃນວັນທີ 09 ກັນຍາ 2025ທ່ານ ເຄພີ ຊາມາໂອລີ, ນາຍົກລັດຖະມົນຕີປະເທດເນປານໄດ້ປະກາດລາອອກຈາກຕໍາແໜ່ງ ເນື່ອງຈາກມີການປະທ້ວງຂອງປະຊາຊົນໂດຍສະເພາະກຸ່ມເດັກລຸ້ນໃໝ່ ເຊິ່ງສາເຫດແມ່ນເກີດຈາກ - ການອອກມາດຕະການຫ້າມນໍາໃຊ້ສື່ອອນລາຍ ເຊິ່ງກ່ອນໜ້ານີ້ໄດ້ມີການແຈ້ງການປິດກັນ 26 ແອັບພຣິເຄຊັນເຊັ່ນ: ເຟສບຸກ,...

ໂຣກລິດຊີດວງຖາມຫາ! ເຂົ້າຫ້ອງນໍ້າພ້ອມຫຼິ້ນໂທລະສັບໄປນໍາ ສ່ຽງເປັນໂຣກລິດສີດວງ

ພຶດຕິກຳໃນແຕ່ລະມື້ຶອາດສົ່ງຜົນໃຫ້ເກີດໂຣກຕ່າງໆໄດ້.ເຊິ່ງຫຼາຍຄົນໃນຍຸກປັດຈຸບັນກຳລັງເຮັດຢູ່ຄື ການເຂົ້າຫ້ອງນໍ້າ, ນັ່ງຢູ່ຊັກໂຄກເປັນເວລາດົນ ພ້ອມກັບກັບຫຼິ້ນໂທລະສັບໄປນຳ ໂດຍບໍ່ຄຳນຶກເຖິງຄວາມສ່ຽງທີ່ຈະຕາມມາ. ສໍາລັບໂຣກລິດສີດວງທະວານໜັກ ເກີດຈາກເສັ້ນເລືອດດຳທະວານໜັກ ຫຼື ສ່ວນປາຍສຸດຂອງລໍາໄສ້ໃຫ່ຍເກີດອາການບວມ ຫຼື ຂະຫຍາຍໂຕໃຫ່ຍຂຶ້ນ ມີອາການນູນເປັນຕິ່ງອອກມາຈາກຮູທະວານ ເຮັດໃຫ້ມີອາການເຈັບ ແລະ ຂັບຖ່າຍເປັນເລືອດປະປົນອອກມາ. ນັກວິໄຈພົບວ່າການຫຼິ້ນໂທລະສັບໃນຫ້ອງນໍ້າເປັນປະຈໍາມີຄວາມສ່ຽງເປັນໂຣກລິດສີດວງທະວານ...