spot_img
Homeຂ່າວຕ່າງປະເທດການສົ່ງອອກເຂົ້າຂອງຫວຽດນາມຫລຸດລົງ ຄາດຍອດສົ່ງອອກປີນີ້ ຕຳສຸດໃນຮອບ 8 ປີ!

ການສົ່ງອອກເຂົ້າຂອງຫວຽດນາມຫລຸດລົງ ຄາດຍອດສົ່ງອອກປີນີ້ ຕຳສຸດໃນຮອບ 8 ປີ!

Published on

ສຳນັກຂ່າວຕ່າງປະເທດ ລາຍງານໃນວັນທີ 12 ກໍລະກົດຜ່ານມານີ້ວ່າ ຍອດການສົ່ງອອກເຂົ້າຂອງຫວຽດນາມປີນີ້ ມີທ່າອ່ຽງຫລຸດລົງຕ່ຳສຸດໃນຮອບ 8 ປີ ນັບຕັ້ງແຕ່ປີ 2009 ເປັນຕົ້ນມາ ຕາມການເປີດເຜີຍຂອງ ສະມາຄົມອາຫານຫວຽດນາມ ເມື່ອຍອດການສົ່ງອອກ ໄດ້ຫລຸດລົງຢ່າງຕໍ່ເນື່ອງ ນັບຕັ້ງແຕ່ເດືອນມີນາ ແລະ ສະເພາະໃນເດືອນມິຖຸນາຜ່ານມານີ້ ແມ່ນມີຍອດສົ່ງອອກໄດ້ພຽງ 380,000 ໂຕນເທົ່ານັ້ນ.

ໃນໄລຍະ 6 ເດືອນຕົ້ນປີ 2016 ນີ້ ຫວຽດນາມໄດ້ສົ່ງອອກເຂົ້າໄປແລ້ວທັງໝົດ 2.65 ລ້ານໂຕນ ຫລຸດລົງ 2% ເມື່ອທຽບກັບປີຜ່ານມາ ແລະ ຄາດວ່າອີກ 6 ເດືອນທ້າຍປີນີ້ ຍອດການສົ່ງອອກຈະຢູ່ປະມານ 3 ລ້ານໂຕນ ຊຶ່ງໝາຍຄວາມວ່າ ລວມຍອດການສົ່ງອອກເຂົ້າໝົດປີ 2016 ນີ້ ຈະຢູ່ປະມານ 5.65 ລ້ານໂຕນ ຕ່ຳສຸດໃນຮອບ 8 ປີ ແລະ ເປັນຄັ້ງທຳອິດ ທີ່ຍອດການສົ່ງອອກເຂົ້າຂອງປະເທດ ຕ່ຳກວ່າ 6 ລ້ານໂຕນ.

ສະມາຄົມອາຫານຫວຽດນາມລະບຸວ່າ ການຂາດແຄນຄຳສັ່ງຊື້ໃໝ່ ແລະ ການແຂ່ງຂັນກັນຢ່າງດຸເດືອດ ຈາກບັນດາປະເທດຜູ້ສົ່ງອອກເຂົ້າລາຍໃຫຍ່ຂອງອາຊີ ໄດ້ສົ່ງຜົນກະທົບຢ່າງໜັກ ຕໍ່ກັບການສົ່ງອອກເຂົ້າຂອງຫວຽດນາມ ໃນໄລຍະໄຕມາດມີ 2 ຂອງປີນີ້.

 

ຕິດຕາມເລື່ອງດີດີ ວິທະຍາສຶກສາ ກົດໄລຄ໌ເລີຍ!

ບົດຄວາມຫຼ້າສຸດ

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...

ສະຫະລັດອາເມລິກາ ປະກາດຈະເກັບພາສີນຳເຂົ້າພື້ນຖານ 10%

ທ່ານ ໂດນັລ ທຣຳມ ປະທານາທິບໍດີ ສະຫະລັດອາເມລິກາ ປະກາດຈະເກັບພາສີນຳເຂົ້າ 10% ສຳລັບສິນຄ້ານຳເຂົ້າທັງໝົດທີ່ເຂົ້າສູ່ສະຫະລັດ ສຳນັກຂ່າວຕ່າງປະເທດລາຍງານ ໃນວັນທີ 2 ເມສາ 2025 ນີ້, ທ່ານ...