spot_img
HomeມູມໄອທີລາວHuawei Maimang 5 ຜ່ານການຮັບຮອງຈາກ TENAA ແລ້ວ!!

Huawei Maimang 5 ຜ່ານການຮັບຮອງຈາກ TENAA ແລ້ວ!!

Published on

​ໃນຊ່ວງເວລານີ້ຂອງປີກ່ອນ Huawei ໄດ້ເປີດໂຕ Huawei Maimang 4 ຫຼື G8 ທີ່ໃຊ້ຊິບ Snapdragon 616 ມາກ່ອນແລ້ວ. ໃນມື້ນີ້ເອງກໍມາເຖິງຄິວຂອງ Huawei Maimang 5 ເພາະຫຼ້າສຸດໄດ້ຮັບການຮັບຮອງຈາກ TENAA ແລ້ວ. ໂດຍທີ່ໂຕເຄື່ອງນັ້ນມີຄວາມຄ້າຍຄືກັນກັບ Huawei Mate 8 ແລະຈະເປີດໂຕໃນວັນທີ 14 ກໍລະກົດນີ້.

ສຳລັບ Maimang 5 ຈະມີລັກສະນະການອອກແບບທີ່ຄືກັນກັບ Mate 8 ມາພ້ອມກັບໜ້າຈໍຂະໜາດ  5.5 ນິ້ວ, ຄວາມລະອຽດ Full-HD. ໃຊ້ງານຊິບປະມວນຜົນອ໋ອກຕ້າຄໍ Snapdragon 652 ຄວາມແຮງ 2.0GHz. RAM 3GB ແລະ 4GB ສ່ວນ ROM ມີທັງ 16GB, 32GB ແລະ 64GB ສາມາດເພີ່ມ microSD ສູງສຸດ 128 GB. ແຕ່ຈະມີພຽງລຸ້ນ ROM 64 GB ທີ່ຈະໄດ້ RAM 4GB.

ທາງດ້ານກ້ອງຫຼັງແມ່ນໃຫ້ມາ 16 ລ້ານພິກເຊວ ພ້ອມກັບແຟລັດ LED ແລະກ້ອງໜ້າໃຫ້ມາ 8 ລ້ານພິກເຊວ. ທາງດ້ານລຸ່ມຖັດລົງມາຈາກກ້ອງກໍມີເຊັນເຊີ້ສະແກນນິ້ວມື. ໃຊ້ງານລະບົບ Android 6.0 Marshmallow ແລະແບັດເຕີຣີໃຫ້ມາ 3270mAh. 


ສຳລັບ Maimang 5 ຈະມີ 3 ສີໃຫ້ເລືອກຄື: ສີເງິນ, ສີບົວ ແລະສີຄຳ. ສ່ວນລາຄາໂຕເຄື່ອງຄາດວ່າຈະຢູ່ປະມານ 2,000 ຢວນ (ປະມານ 2.415.000 ກີບ) ຖ້າຫາກມາໃນລາຄານີ້ກໍຖືວ່າພໍທີ່ຈະເອົາໄປທຽບກັບລຸ້ນ V3 Max ແລະ X7 ຂອງ Vivo ໄດ້ສະບາຍ. ແຕ່ຢ່າງໃດກໍຕາມຂໍ້ມູນອື່ນໆກໍຖ້າສະຫຼຸບໃນມື້ເປີດໂຕຢ່າງເປັນທາງການໃນວັນທີ 14 ກໍລະກົດນີ້. 
ທີ່ມາ:gizmochina,ເດັກລາວ

ບົດຄວາມຫຼ້າສຸດ

ບໍລິສັດ ສິດທິໂລຈິດສຕິກ ລາວ ຈຳກັດ ຮ່ວມມືກັບ ກຸ່ມບໍລິສັດ YCH ເດີນຫນ້າຮ່ວມມືກັນໃນການຂົນສົ່ງສິນຄ້າກະສິກໍາຂ້າມແດນຫຼາຍຮູບແບບ

ບໍລິສັດ ສິດທິໂລຈິດສຕິກ ລາວ ຈຳກັດ ຮ່ວມມືກັບ ກຸ່ມບໍລິສັດ YCH ເດີນຫນ້າຮ່ວມມືກັນໃນການຂົນສົ່ງສິນຄ້າກະສິກໍາຂ້າມແດນຫຼາຍຮູບແບບ ເພື່ອເສີມສ້າງຄວາມເຊື່ອມໂຍງຂອງພູມິພາກອາຊຽນ ບໍລິສັດ ສິດທິໂລຈິດສຕິກ ລາວ ຈຳກັດ ແລະ ກຸ່ມບໍລິສັດ...

ກຸ່ມບໍລິສັດ ພອນສັກ ລົງທຶນ 4 ຕື້ໂດລາ ສ້າງໂຮງງານໄຟຟ້າພະລັງງານຄວາມຮ້ອນຖ່ານຫີນຂະຫນາດໃຫຍ່ຢູ່ແຂວງເຊກອງ

ກຸ່ມບໍລິສັດ ພອນສັກ ລົງທຶນ 4 ຕື້ໂດລາ ສ້າງໂຮງງານໄຟຟ້າພະລັງງານຄວາມຮ້ອນຖ່ານຫີນຂະຫນາດໃຫຍ່ຢູ່ແຂວງເຊກອງ ສົ່ງອອກກຳປູເຈຍ. ໃນວັນທີ 2 ເມສາ 2025 ໄດ້ຈັດພິທີວາງສິລາລຶກຢ່າງເປັນທາງການ ສຳລັບໂຄງການໄຟຟ້າພະລັງງານຄວາມຮ້ອນຖ່ານຫີນທີ່ເມືອງກະລືມ, ແຂວງເຊກອງ ພາກໃຕ້ຂອງ...

ບໍລິສັດ ເບຍລາວ ໄດ້ຮັບການຮັບຮອງດ້ານຄຸນນະພາບໃນລະດັບສາກົນ ຈັດຂຶ້ນຢູ່ນະຄອນບຣູດເຊວ, ປະເທດເບວຢຽ

ບໍລິສັດ ເບຍລາວ ໄດ້ຮັບການຮັບຮອງດ້ານຄຸນນະພາບໃນລະດັບສາກົນອີກຄັ້ງ ເມື່ອສອງຜະລິດຕະພັນຂອງບໍລິສັດຄື: ເບຍລາວ ແລະ ເບຍລາວກຣີນ ຄວ້າລາງວັນຫຼຽນຄຳດ້ານຄຸນນະພາບໃນງານ Monde Selection ຄັ້ງທີ 64 ເຊິ່ງເປັນງານມອບລາງວັນດ້ານຄຸນນະພາບລະດັບໂລກ ທີ່ໄດ້ຈັດຂຶ້ນຢູ່ນະຄອນບຣູດເຊວ,...

ພາກເໜືອ-ກາງ ກຽມຮັບມືກັບຝົນຕົກໃນໄລຍະວັນທີ 12 ຫາ 17 ເມສາ 2025

ຝົນຕົກ ຟ້າຮ້ອງ ຟ້າເຫຼື້ອມ, ຫມາກເຫັບຕົກ ແລະ ລົມພັດແຮງ ໃນໄລະຍະວັນທີ 12 ຫາ 17 ເມສາ 2025 ຄວາມກົດດັນສູງອາກາດເຢັນທີ່ປະເທດຈີນຈະແຜ່ລົງມາປົກຄຸມຢູ່ເຂດພາກເຫນືອ ແລະ ພາກກາງ...