spot_img
Homeຂ່າວການພັດທະນາຍີ່ປຸ່ນສະໜອງທຶນ 24 ຕື້ກວ່າກີບ ຊ່ວຍພັດທະນາຊັບພະຍາກອນມະນຸດ ຢູ່ປະເທດເຮົາ!

ຍີ່ປຸ່ນສະໜອງທຶນ 24 ຕື້ກວ່າກີບ ຊ່ວຍພັດທະນາຊັບພະຍາກອນມະນຸດ ຢູ່ປະເທດເຮົາ!

Published on

ຂປລ. ລັດຖະບານ​ຍີ່ປຸ່ນ ສະໜອງ​ທຶນ 308 ລ້ານ​ເຢັນ ຫລື ປະມານ 24 ຕື້​ກວ່າ​ກີບ ໃຫ້​ລັດ ຖະບານ ​ແຫ່ງ ສປປ ລາວ ​ເຂົ້າ​ໃນ​ໂຄງ​ການ​ ພັດທະນາ​ ຊັບພະຍາກອນ​ມະນຸດ ​ເຊິ່ງພິທີ​ລົງນາມ​ເອກະສານ ​ແລກປ່ຽນ​ໂຄງການ​ ຊ່ວຍ​ເຫລືອ​ດັ່ງກ່າວ ​ໄດ້​ມີ​ຂຶ້ນ​ ໃນ​ວັນ​ທີ 4 ກໍລະກົດ ​ນີ້, ລະຫວ່າງ​ ທ່ານ ​ນາງ ຄຳ​ເພົາ ​ເອີນ​ທະ​ວັນ ຮອງ​ລັດຖະມົນຕີ​ ກະຊວງ​ການ​ຕ່າງປະ​ເທດ ​ແຫ່ງ ສປປ ລາວ ​ແລະ ທ່ານ ຕາ​ເກ​ຊິ ຮິ​ກິ​ຮາຣາ ​ເອກອັກຄະ​ລັດຖະທູດ​ ວິສາມັນ​ ຜູ້​ມີ​ອຳນາດ​ເຕັມ ​ແຫ່ງ ​ປະ​ເທດ​ຍີ່ປຸ່ນ ປະຈຳ​ລາວ ​ໂດຍ​ມີ​ພາກສ່ວນ ​ກ່ຽວ​ຂ້ອງ​​ສອງ​ຝ່າຍ ​ເຂົ້າ​ຮ່ວມ​ເປັນ​ ສັກ​ຂີພິຍານ.

ໂຄງການ​ດັ່ງກ່າວ​, ແມ່ນ ​ໜຶ່ງ​ໃນ​ວຽກ​ງານ​ ບູລິ​ມະ​ສິດ​ ທີ່​ລັດຖະບານ​ແຫ່ງ ສປປ ລາວ ​ໃຫ້​ຄວາມສຳຄັນ​ທີ່​ສຸດ ​ໃນ​ປັດຈຸບັນ ​ແລະ ອະນາຄົດ ​ເພື່ອ​ຍົກ​ລະດັບ​ ຂະ​ແໜງ​ການ​ສຶກສາ ​ໂດຍ​ສະ​ເພາະ ​ສ້າງ​ຂີດ​ຄວາມ​ສາມາດ ​ ຂອງ​ນັກ​ຮຽນ-ນັກ​ສຶກສາ ຂອງ ສປປ ລາວ ​ແລະ ລະບົບ​ການ​ສຶກສາ​ເພື່ອ​ໃຫ້​ສາມາດ​ ຕອບ​ສະໜອງ​ ໄດ້​ຕາມ​ມາດຕະຖານ​ ແຫ່ງ​ຊາດ, ຂົງ​ເຂດ ​ແລະ ສາກົນ.

​ໃນ​ໄລຍະ​ຜ່ານ​ມາ ລັດຖະບານ​ຍີ່ປຸ່ນ ໄດ້​​ໃຫ້ການ​ຊ່ວຍ​ເຫລືອ​ ສປປ ລາວ ​ເພື່ອ​ການ​ພັດທະນາ  ​ ໃນ​ຫລາຍ​ຂົງ​ເຂດ ​ເປັນ​ຕົ້ນ ພື້ນຖານ​ໂຄງ​ລ່າງ, ການ​ສຶກສາ, ສາທາລະນະ​ສຸກ, ກະສິກຳ ​ແລະ ອື່ນໆ ​ເຊິ່ງ​ເປັນ​ການ ​ປະກອບສ່ວນ​​ເຂົ້າ​ໃນ​ ການ​ພັດທະນາ​ ເສດຖະກິດ​-ສັງຄົມ ຂອງ ສປປ ລາວ ​ແລະ ຍັງ​ເປັນ​ການ ​ສະໜັບສະໜູນ​ ແຜນ​ພັດທະນາ ​ເສດຖະກິດ​ສັງຄົມ ​ແຫ່ງຊາດ 5 ປີ ຄັ້ງ​ທີ 8 ​ແຕ່​ປີ2016-2020.

 

ແຫລ່ງຂ່າວ:

ຂປລ

ຕິດຕາມເລື່ອງດີດີ ວິທະຍາສຶກສາ ກົດໄລຄ໌ເລີຍ!

ບົດຄວາມຫຼ້າສຸດ

ຜູ້ນຳຄົນໃໝ່ ອີ ແຈມະຢອງ ຄວ້າຕຳແໜ່ງປະທານາທິບໍດີ ຄົນທີ 14 ສ.ເກົາຫຼີ

ອີ ແຈມະຢອງ ຄວ້າໄຊຊະນະການເລືອກຕັ້ງປະທານາທິບໍດີ ສ.ເກົາຫຼີ ພາຍຫຼັງ ຍຸນຊ໋ອກຍອນ ຖືກຖອດອກກຈາກຕໍາແໜ່ງ. ສຳນັກຂ່າວຕ່າງປະເທດລາຍງານໃນວັນທີ 3 ມິຖຸນາ 2025 ຜ່ານມານີ້ວ່າ: ເກົາຫຼີໃຕ້ຈັດການເລືອກຕັ້ງປະທານາທິບໍດິຄັ້ງພິເສດ ເພື່ອຫາຜູ້ນຳຄົນໃໝ່ແທນ ທ່ານ...

ຈີນປະກາດ ເປີດບໍລິການວີຊາພິເສດ “ASEAN visa”

ຈີນປະກາດເປີດຕົວ ວີຊ່າອາຊຽນ ໄຟຂຽວນັກທຸລະກິດ 10 ບັນປະເທດອາຊຽນລວມເຖິງ ຕີມໍແລັດສະແຕ ເດີນທາງເຂົ້າອອກສະດວກ ສຳນັກຂ່າວຕ່າງປະເທດລາຍງານໃນວັນທີ 4 ມິຖຸນາ 2025, ຈີນປະກາດເປີດຕົວ  "ASEAN Visa" ຫຼື...

ມອບ-ຮັບໜ້າທີ່ລະຫວ່າງເຈົ້ານະຄອນຫຼວງພະບາງ ຜູ້ເກົ່າ ແລະ ຮັກສາການເຈົ້ານະຄອນຫຼວງພະບາງ ຜູ້ໃໝ່

ແຕ່ງຕັ້ງທ່ານ ທ່ານ ສະເຫວີຍ ສີລາວັນ ຮັກສາການເຈົ້ານະຄອນ ຫຼວງພະບາງ ຜູ້ໃໝ່ ໃນວັນທີ 4 ມິຖຸນາ 2025 ທີ່ຫ້ອງປະຊຸມໃຫຍ່ຫ້ອງວ່າການນະຄອນຫຼວງພະບາງ ບ້ານຄອຍ ໄດ້ຈັດພິທີ ມອບ-ຮັບໜ້າທີ່ລະ...

ທ່ານ ອານຸພາບ ວົງໜໍ່ແກ້ວ ເປັນຮອງລັດຖະມົນຕີກະຊວງການຕ່າງປະເທດຄົນໃໝ່

ປະກາດແຕ່ງຕັ້ງ ທ່ານ ອານຸພາບ ວົງໜໍ່ແກ້ວ ເປັນຮອງລັດຖະມົນຕີກະຊວງການຕ່າງປະເທດຄົນໃໝ່ ຢ່າງເປັນທາງການ ວັນທີ 4 ມິຖຸນາ 2025 ຢູ່ກະຊວງການຕ່າງປະເທດ ໄດ້ຈັດພິທີປະກາດການ ຈັດຕັ້ງຕຳແໜ່ງບໍລິຫານຮອງລັດຖະມົນຕີ, ຫົວໜ້າກົມ ແລະ...