spot_img
Homeຂ່າວທ້ອງຖິ່ນໄຊຍະບູລີ ສູ້ຊົນຮອດປີ 2020 ໃຫ້ໄດ້ 3.710 ໂດລາຕໍ່ຄົນຕໍ່ປີ

ໄຊຍະບູລີ ສູ້ຊົນຮອດປີ 2020 ໃຫ້ໄດ້ 3.710 ໂດລາຕໍ່ຄົນຕໍ່ປີ

Published on

ກອງປະຊຸມຄັ້ງປະຖົມມະລືກຂອງສະພາປະຊາຊົນແຂວງໄຊຍະບູລີໄດ້ສຳເລັດລົງຫວ່າງບໍ່ດົນມານີ້ ໃນວາລະທີ່ສຳຄັນໃນກອງປະຊຸມແມ່ນການຮັບຮອງເອົາວິໄສທັດຮອດປີ 2030 ຍຸດທະສາດການພັດທະນາເສດຖະກິດ-ສັງຄົມໄລຍະ 10 ປີ (2016-2025) ແລະແຜນພັດທະນາເສດຖະກິດສັງຄົມແຂວງໄຊຍະບູລີ 5 ປີ ຄັ້ງທີ VIII (2016-2020) ໂດຍລວມແລ້ວແຜນພັດທະນາເສດຖະກິດ-ສັງຄົມຂອງແຂວງ ໄຊຍະບູລີ 5 ປີຄັ້ງທີ VIII (2016-2020) ສະພາແຂວງໄດ້ຮັບຮອງເອົາ 8 ທິດທາງ ລວມ 4 ມາດຕະການໃນການຈັດຕັ້ງປະຕິບັດຢູ່ໃນ 4 ເປົ້າໝາຍຮັບປະກັນໃຫ້ເສດຖະກິດຂະຫຍາຍຕົວຢ່າງມີຄຸນນະພາບຕໍ່ເນື່ອງໝັ້ນທ່ຽງ. ຮັບປະກັນການດຸ່ນດ່ຽງລະຫວ່າງການພັດທະນາ ແລະການສະໜອງທຶນ ໂດຍສອດຄ່ອງກັບເງື່ອນໄຂໃໝ່ ຕາມທິດຫັນເປັນອຸດສາຫະກຳ ແລະທັນສະໄໝເພື່ອຍົກສູງລາຍໄດ້ຂອງປະຊາຊົນສູງຂຶ້ນ.

ໃນ 5 ປີຂ້າງໜ້າລວມຍອດມູນຄ່າຜະລິດຕະພັນພາຍໃນ GDP ຂະຫຍາຍຕົວສະເລ່ຍບໍ່ໃຫ້ ຫຼຸດ 9% ຕໍ່ປີ ໃນນັ້ນຂະແໜງກະສິກຳ-ປ່າໄມ້ເພີ່ມຂຶ້ນ 3,5% ກວມເອົາປະມານ 26% ຂອງ GDP ໃນປີ 2020 ຂະແໜງອຸດສາຫະກຳເພີ່ມຂຶ້ນ 13% ກວມເອົາ 37% ຂອງ GDP ໃນປີ 2020 ຂະແໜງບໍລິການເພີ່ມຂຶ້ນ 12,6% ກວມ ເອົາ 35% ຂອງ GDP ໃນປີ 2020 ລວມຍອດມູນຄ່າຜະລິດຕະພັນພາຍໃນສະເລ່ຍໃສ່ຫົວຄົນໜຶ່ງໃຫ້ໄດ້ 3.710 ໂດລາ ໃນປີ 2020 ສ້າງລາຍຮັບເຂົ້າງົບປະມານ 2016-2020 ທົ່ວແຂວງບໍ່ໃຫ້ຫຼຸດ 4.026,15 ຕື້ກີບກວມເອົາ 15% ຂອງ GDP ດ້ານລາຍຈ່າຍບໍ່ໃຫ້ເກີນ 3.246,4 ຕື້ກີບກວມເອົາ 4%, ດ້ານການລົງທຶນສະເລ່ຍແຕ່ລະປີຢູ່ໃນປະມານ 3.426 ຕື້ກີບເທົ່າກັບ 36%. ສູ້ຊົນໃຫ້ມູນຄ່າການສົ່ງອອກສິນຄ້າສະເລ່ຍ 15% ຕໍ່ປີ ແລະການນຳເຂົ້າສິນຄ້າສະເລ່ຍ 10% ຕໍ່ປີ. ເຂັ້ມງວດແກ້ໄຂໜີ້ສິນທຸກປະເພດຜ່ານມາໃຫ້ຫຼຸດລົງ 80% ຂອງຈຳນວນໜີ້ທັງໝົດ, ສ້າງບ້ານພັດທະນາໃຫ້ໄດ້ 80%, ບ້ານວັດທະນະທຳໃຫ້ໄດ້ 95% ຂອງຈຳນວນບ້ານທັງໝົດສິ່ງສຳຄັນຮອດປີ 2020 ແຂວງໄຊຍະບູລີ ຈະລົບລ້າງຄອບຄົວທຸກຍາກໂດຍພື້ນຖານ.
ທີ່ມາ: ເສດຖະກິດ-ສັງຄົມ

ບົດຄວາມຫຼ້າສຸດ

ຍີ່ປຸ່ນກຽມຮັບມື! ສຶນາມິສູງເຖິງ 3 ແມັດ ຫຼັງຈາກເກີດເຫດແຜ່ນດິນໄຫວລະດັບ 8.7 ຣິກເຕີ.

ຍີ່ປຸ່ນສັ່ງອົບພະຍົບປະຊາຊົນຫຼາຍພັນຄົນ ພາຍຫຼັງພົບຄຶ້ນສຶນາມິພັດເຂົ້າຝັ່ງ ເຈົ້າໜ້າທີ່ຄາດວ່າຄຶ້ນອາດຈະສູງເຖິງ 3 ແມັດ. ສຳນັກຂ່າວໃນປະເທດຍີ່ປຸ່ນລາຍງານໃນວັນທີ 30 ກໍລະກົດ 2025 ຜ່ານມາ, ຍີ່ປຸ່ນກຍມຮັບມືກັບສຶນາມິທີ່ເລີ່ມພັດເຂົ້າຊາຍຝັ່ງອີກຮອບ ໂດຍຄາດການວ່າ: ຄຶ້ນອາດຈະສູງເຖິງ 3 ແມັດ,...

ລາຄານໍ້າປະປາ ຢູ່ແຂວງວຽງຈັນເພີ່ມຂຶ້ນ ເນື່ອງຈາກລາຄານຳເຂົ້າອຸປະກອນ ເພີ່ມຂຶ້ນເທົ່າຕົວ

ປັບລາຄາຂຶ້ນຄັ້ງທຳອິດ! ລາຄານໍ້າປະປາ ຢູ່ແຂວງວຽງຈັນເພີ່ມຂຶ້ນ ເນື່ອງຈາກລາຄານຳເຂົ້າອຸປະກອນ ເພີ່ມຂຶ້ນເທົ່າຕົວ. ແຫຼ່ງຂ່າວຈາກ ແຂວງວຽງຈັນ ໃຫ້ຮູ້ວ່າ: ປັດຈຸບັນ ໄດ້ເກີດມີຫາງສຽງຈົ່ມວ່າ ຈາກພໍ່ແມ່ປະຊາຊົນ ກໍຄືສື່ສັງຄົມອອນລາຍ ກ່ຽວກັບການປັບຂຶ້ນລາຄາຄ່ານ້ຳປະປາ ຢູ່ພາຍໃນແຂວງວຽງຈັນ, ຕໍ່ກັບບັນຫາດັ່ງກ່າວ,...

ຣັດເຊຍເກີດແຜ່ນດິນໄຫວຮຸນແຮງລະດັບ 8.7 ຣິກເຕີ ທາງດ້ານຍີ່ປຸ່ນກຽມຮັບມືກັບຄຶ້ນໃຫຍ່ສຶນາມິ

ທາງການຣັດເຊຍເປີດເຜີຍ: ຄຶ້ນສຶນາມິສູງ 3-4 ແມັດ ພັດເຂົ້າສູ່ແຄມຝັ່ງທາງຕາເວັນອອກ ຫຼັງເກີດແຜ່ນດິໄຫວລະດັບ 8.7 ຣິກເຕີ ເບື້ອງຕົ້ນບໍ່ມີລາຍງານຜູ້ເສຍຊີວິດ ແລະ ບາດເຈັບ. ອີງຕາມສຳນັກຂ່າວຕ່າງປະເທດລາຍງານໃນວັນທີ 30 ກໍລະກົດ 2025,...

ເສຍຫາຍຫຼາຍສົມຄວນ! ປະເມີນຜົນກະທົບຈາກໄພພິບັດ ແລະ ແນວທາງການຊ່ວຍເຫຼືອຟື້ນຟູ

ລາວໄດ້ຮັບຜົນກະທົບທັງໝົດ 34 ເມືອງ ແລະ ເສຍຊີວິດ 4 ຄົນ ຈາກຜົນກະທົບຈາກພາຍຸວິພາ ຄະນະກຳມະການຄຸ້ມຄອງໄພພິບັດຂັ້ນສູນກາງ ຈັດກອງປະຊຸມເພື່ອປຶກສາຫາລືກ່ຽວກັບການປະເມີນຜົນກະທົບ, ຜົນເສຍຫາຍ ແລະ ແນວທາງຟື້ນຟູສຸກເສີນ ບັນດາແຂວງທີ່ໄດ້ຮັບຜົນກະທົບຈາກພາຍຸວິພາ ໃນວັນທີ...