spot_img
Homeeuro-2016ເຢຍລະມັນແນ່ນອນກວ່າ ເຕະຈຸດໂທດຊະນະອິຕາລີ 6-5 ເຂົ້າສູ່ຮອບຕັດເຊືອກ ຢູໂຣ 2016

ເຢຍລະມັນແນ່ນອນກວ່າ ເຕະຈຸດໂທດຊະນະອິຕາລີ 6-5 ເຂົ້າສູ່ຮອບຕັດເຊືອກ ຢູໂຣ 2016

Published on

ເຢັນລະມັນຜ່ານເຂົ້າສູ່ຮອບຮອງຊະນະເລີດ ຢູໂຣ 2016 ໄດ້ສຳເລັດ ພາຍຫຼັງຈາກເຕະຈຸດໂທດເອົາຊະນະ ອິຕາລີ 6-5 ເຊິ່ງທັງ 2 ທີມ ຕ້ອງໃຊ້ຜູ້ຫຼິ້ນ 9 ຄົນ ໃນການຍີງເປົ້າຕັດສິນຊະຕາ ຈາກເກມທີ່ສະເໝີກັນມາ 1-1 ໃນເວລາ 120 ນາທີ ມື້ຄືນນີ້ (ເສົາທີ 2 ມິຖຸນາ) ສົ່ງຜົນໃຫ້ທີມອິນຊີເຫຼັກເຂົ້າໄປລໍຖ້າພົບຜູ້ຊະນະລະຫວ່າງ ຝຣັ່ງກັບໄອຊ໌ແລນ ຕໍ່ໄປ .

ເກມນີ້ເປັນການສູ້ກັນດ້ວຍແທັກຕິກ ໂດຍສະເພາະໃນເຄິ່ງເວລາທຳອິດທີ່ບານມັກຈະວົນວຽນຢູ່ໃນແດນກາງ ເຮັດໃຫ້ໂອກາດລຸ້ນການຍີງປະຕູຂອງທັງສອງຝ່າຍມີຢ່າງຈຳກັດ ຈາກນັ້ນເຄິ່ງເວລາທີສອງ ຄວາມຜິດພາດເລັກໆ ນ້ອຍໆ ໃນກອງຫຼັງຂອງອິຕາລີກໍນຳມາເຊິ່ງປະຕູຂຶ້ນນຳຂອງເຢຍລະມັນ ດ້ວຍເກມທີ່ເປີດຫຼາຍຂຶ້ນເຮັດໃຫ້ທັງສອງທີມ ໄດ້ໂອກາດເຂົ້າເຮັດແບບຫວັງຜົນໄດ້ຢູ່ເລືື້ອຍໆ ຈົນຮອດຕອນທ້າຍເກມຕ້ອງຍອມຮັບວ່າທີມທີມອັດຊູຣີ່ຂ້ອນຂ້າງໂຊກດີທີ່ມາໄດ້ຈຸດໂຈດຈາກຄວາມບໍ່ລະມັດລະວັງຂອງເຢໂຣມ ທີ່ໄປອ້າແຂນຈົນເສຍແຮນບອນ ກ່ອນທີີ່ຈະທວງປະຕູຄືນໄດ້ສຳເລັດ ຕ້ອງໄປສູ້ກັນຕໍ່ໃນອີກ 30 ນາທີ ເຊິ່ງໃນໄລຍະຕໍ່ເວລາພິເສດນີ້ຕ້ອງໃຫ້ເຄຣດິດກອງຫຼັງອິຕາລີ່ທີ່ຫລິ້ນໄດ້ຢ່າງມີວິໄນ ລວມທັງລູກຕຸກຕິກເລັກໆ ນ້ອຍໆ ຕາມສະຕາຍຂອງພວກເຂົາ ເຮັດໃຫ້ເຢຍລະມັນບໍ່ສາມາດຫາຊ່ອງທາງເຂົ້າຍີງປະຕູໄດ້ງ່າຍໆ ນອກຈາກຜ່ານບານຂວາງສະໜາມກັນໄປມາ ສຸດທ້າຍຈຶ່ງຕ້ອງມາຊີ້ຂາດດ້ວຍການສູ້ກັນດ້ວຍຈຸດໂທດ ຮອດບ່ອນນີ້ເປັນເລື່ອງຂອງໂຊກຊະຕາ ແລະກກໍເປັນເຢຍລະມັນທີ່ເຮັດບຸນມາຫຼາຍກວ່າ ຜ່ານເຂົ້າສູ່ຮອບຮອງຊະນະເລີດໄດ້ສຳເລັດ.

ແລະຜູ້ອ່ານຢ່າລືມຊົມເຕະບານດ້ວຍຄວາມເບີກບານມ່ວນຊື່ນ!!

ບົດຄວາມຫຼ້າສຸດ

ສົ່ງເສີມການທ່ອງທ່ຽວທາງທຳມະຊາດໃນລາວ ໂອກາດການທ່ອງທ່ຽວໃນເຂດປ່າໄມ້ຂອງລາວແບບເປີດກວ້າງ ພ້ອມກັບສ້າງວຽກເຮັດງານທຳໃຫ້ກັບແມ່ຍິງເຖິງ 75,000 ຄົນ

ກະຊວງ ກະສິກໍາ ແລະ ສິ່ງແວດລ້ອມ ໄດ້ອອກຂໍ້ຕົກລົງ ສະບັບ ເລກທີ 1926/ກປ,ລົງວັນທີ 03 ມິຖຸນາ 2025. ຊຶ່ງຂໍ້ຕົກສະບັບດັ່ງກ່າວນີ້ໄດ້ເປັນປັດໃຈພື້ນຖານໃນການຊຸກຍູ້ ແລະ ສົ່ງເສີມການທ່ອງທ່ຽວທຳມະຊາດ...

ສະຫາຍນາງ ວຽງທອງ ສີພັນດອນ ໄດ້ຮັບເລືອກເປັນເລຂາຄະນະບໍລິຫານງານພັກ ສປສສ

ຂໍສະແດງຄວາມຊົມເຊີຍ ສະຫາຍນາງ ວຽງທອງ ສີພັນດອນ ໄດ້ຮັບເລືອກຕັ້ງເປັນເລຂາຄະນະບໍລິຫານງານພັກສານປະຊາຊົນສູງສຸດ (ສປສສ) ກອງປະຊຸມໃຫຍ່ສະມາຊິກພັກ ຄັ້ງທີ V ອົງຄະນະພັກສານປະຊາຊົນສູງສຸດ ປິດລົງດ້ວຍຜົນສຳ ເລັດຢ່າງຈົບງາມໃນວັນທີ 11 ກັນຍານີ້ ທີ່ນະຄອນຫຼວງວຽງຈັນ...

ຖືກກັກໂຕແລ້ວ ຈາກກໍລະນີແພດທຳຮ້າຍຮ່າງກາຍຄົນເຈັບ ຢູ່ຫວຽດນາມ ພົບເຄື່ອງມືບໍ່ໄດ້ມາດຕະຖານ ແລະ ບໍ່ມີໃບອະນຸຍາດ

ໃນວັນທີ 11 ກັນຍາ 2025 ທີ່ຜ່ານມາ, ເຈົ້າໜ້າທີ່ຕຳຫຼວດນະຄອນໂຮຈິມິນ ປະເທດຫວຽດນາມ ໄດ້ຈັບກຸມ ນາງ ຫວຽນ ຖິ ຕ່ວນ ຈິງ (Nguyen...

ຮູ້ຈັກກັບ Nepo Kids ກະແສຈາກລູກຫຼານນັກການເມືອງເນປານ ໃຊ້ຊີວິດອວດລວຍທ່າມກາງຄວາມລຳບາກຂອງປະຊາຊົນ

ເມື່ອບໍ່ດົນມານີ້ໄດ້ມີເຫດການປະທ້ວງລັດທະບານໃນປະເທດເນປານ ໃນວັນທີ 09/09/2025, ເຊິ່ງສາເຫດແມ່ນເກີດຈາກການອອກມາດຕະການຫ້າມປະຊາຊົນນໍາໃຊ້ສື່ສັງຄົມອອນລາຍ ແລະ ອີກໜຶ່ງສາເຫດຄືລັດຖະບານ ມີການສໍ້ລາດບັງຫຼວງ ເຮັດໃຫ້ຄົນນລຸ້ນໃໝ່ເກີດຄວາມບໍ່ພໍໃຈ. Nepo Kids ຫຼື ລູກເຈົ້າຫຼານເພິ່ນ ເຊິ່ງປະຊາຊົນວິພາກວິຈານລູກຫຼານນັກງານເມືອງ ເພາະພວກເຂົານັ້ນໄດ້ໃຊ້ຊີວິດຫຼູຫຼາ ແລະ...