ໂດຍປົກກະຕິແລ້ວເກມແນວຕໍ່ສູ້ກັນທຸກເກມມັກຈະມີອາວຸດຕ່າງໆໃຫ້ເຮົາເລືອກໃຊ້ ເຊິ່ງຄຸນສົມບັດຂອງມັນກໍຈະແຕກຕ່າງກັນອອກໄປ ແຕ່ວ່າອາວຸດບາງຊະນິດກໍຈັດວ່າເປັນອາວຸດສຸດໂກງເພາະບໍ່ວ່າຈະເອົາອາວຸດໃດໄປສູ້ກໍທຽບບໍ່ໄດ້ເລີຍ.
1. ປືນພົກ ຈາກເກມ Halo:Combat Evolved
ເກມ FPS ໃນຕຳນານຂອງ PC ທີ່ອາວຸດທີ່ດີທີ່ສຸດໃນເກມນີ້ກໍຄືປືນພົກ ຈາກປົກກະຕິທີ່ປືນພົກໃນເກມສ່ວນໃຫຍ່ຈະມີບົດບາດເປັນພຽງປືນສຳຮອງ ແຕ່ໃນເກມນີ້ສາມາດເອົາມາໃຊ້ແທນປືນຫຼັກໄດ້ເລີຍເພາະວ່າ ຄວາມໄວໃນການຣີໂຫຼດ,ແຮງຖີບນ້ອຍ,ຄວາມແມ້ນ ແລະຄວາມສາມາດການການຊູມເລັກນ້ອຍທີ່ໃຊ້ຍິງຫົວຄົນໄດ້ງ່າຍໆ ເຮັດໃຫ້ຄົນທີ່ເຄີຍຫຼິ້ນຕ້ອງຮູ້ກັນແນ່ນອນວ່າໂກງຊ່ຳໃດ.
2. ຄ້ອນ ຈາກເກມ Super Smasah Bros.
ເກມຕໍ່ສູ້ທີ່ລວມໂຕລະຄອນຂອງ Nintendo ມາໄວ້ໃນເກມດຽວກັນ ພາຍໃນເກມຈະມີອາວຸດທີ່ເອີ້ນກັນວ່າ ເປັນຄ້ອນຂອງທໍເລີຍ ເພາະຄວາມແຮງຂອງຄ້ອນ ແລະຄວາມສາມາດສົ່ງຄົນບິນຂຶ້ນຟ້າໄດ້ເມື່ອຖືກທຸບ.
3. BFG ຈາກເກມ DOOM
ປືນທີ່ມີຊື່ເຕັມໆສຸດກວນແບບ Big Fragging Gun ທີ່ແຟນໆຕັ້ງຊື່ຫຼິ້ນວ່າ Big Fxxxing Gun ທີ່ຍິງລູກບານພະລັງງານຂະໜາດໃຫຍ່ທີ່ບໍ່ວ່າໂຕຫຍັງຖືກກໍຫາຍໄປ ຍົກເວັ້ນພຽງແຕ່ບອສເທົ່ານັ້ນ.
4. AWP ຈາກເກມ Counter-Strike
ປືນສະໄນເປີ້ໃນຕຳນານຂອງ Counter-Strike ຖ້າຫາກຫຼິ້ນກັບຄົນທີ່ຍິງແມ້ນແທ້ໆ ມັນຈະກາຍເປັນປືນທີ່ໂກງຫຼາຍເນື່ອງຈາກສາມາດຍິງຄົນຕາຍໄດ້ຈາກທຸກສ່ວນທີ່ຖືກຍິງໃນນັດດຽວຍົກເວັ້ນຂາ ເວົ້າໄດ້ວ່າເຖິງຈະມີພາກໃໝ່ໆ ອອກມາຊ່ຳໃດຜູ້ພັດທະນາກໍຍັງຄົງໃສ່ເຂົ້າມາຢູ່ຄືເກົ່າ ຕົວຢ່າງປືນກົນມືຍອດຮິດແບບ MP5 ກໍຖືກປ່ຽນໄປເປັນ MP7 ແລ້ວໃນ CSGO
5. ປືນທອງ ຈາກເກມ GoldenEye 007
ປືນຈາກເກມສາຍລັບ 007 ທີ່ໄດ້ຮັບຄວາມນິຍົມຢ່າງສູງໂດຍເປັນເກມແນວ FPS ທີ່ມີອາວຸດນີ້ເປັນອາວຸດພິເສດທີ່ໃສ່ລູກປືນໄດ້ເທື່ອລະລູກແຕ່ແລກດ້ວຍການຍິງຖືກແລ້ວຕາຍໃນນັດດຽວ ເວົ້າໄດ້ວ່າໂຄດໂກງເລີຍ.
6. Fat Man ຈາກເກມ Fallout 3&4 ແລະ New Vegas
ອາວຸດທີ່ສຸດຈະຊົງພະລັງຈາກຊີຣີ Fallout ທີ່ເປັນການຍິງອາວຸດນິວເຄຍຂະໜາດນ້ອຍ ເຊິ່ງຄວາມຮຸນແຮງຂອງອາວຸດນີ້ມີພຽງບອສບາງໂຕເທົ່ານັ້ນທີ່ທົນໄດ້ ແຕ່ເທົ່ານີ້ຍັງບໍ່ພໍຍັງມີເວີຊັ່ນທີ່ແຕກກະຈາຍເປັນລູກນ້ອຍໆອອກມາອີກ ເວົ້າໄດ້ວ່າອາວຸດໂກງເກມດີດີນີ້ເອງ.
ທີ່ມາ:online station,ເດັກລາວ