ໂດຍເປັນກຽດເຂົ້າຮ່ວມຂອງທ່ານ ສາສິລິພົງ ຮອງຫົວໜ້າກົມສົ່ງເສີມວິສາຫະກິດຂະໜາດໜ້ອຍ ແລະຂະໜາດກາງ, ທ່ານ ແກ້ວ ແສນວິໄລ ຫົວໜ້າຫ້ອງການສຶກສາເມືອງນາຊາຍທອງ, ມີຮອງຜູ້ອໍານວຍການວິທະຍາໄລເສດຖາບໍລິຫານທຸລະກິດ, ຜູ້ອໍານວຍການ, ຮອງຜູ້ອໍານວຍການ ສລດ ຜູ້ປະກອບກິດຈະການທີ່ປະສົບຜົນສໍາເລັດໃນການດໍາເນີນທຸລະກິດ, ພ້ອມດ້ວຍຄູອາຈານຈາກ ສລ-ດ ແລະສໍາມະນາກອນຈາກແຕ່ລະພາກສ່ວນເຂົ້າຮ່ວມ.

ການແຂ່ງຂັນຂຽນແຜນທຸລະກິດດີເດັ່ນປະຈໍາປີ 2015-2016 ແມ່ນຈັດຂຶ້ນໂດຍການຮ່ວມມືກັນລະຫວ່າງສູນພັດທະນາຜູ້ປະກອບກິດຈະການລາວ-ອິນເດຍ, ກະຊວງສຶກສາທິການ-ກີລາ, ກົມສົ່ງເສີມວິສາຫະກິດຂະໜາດໜ້ອຍ ແລະຂະໜາດກາງກະຊວງອຸດສາຫະກໍາ ແລະການຄ້າ, ຈຸດປະສົງໃນການຈັດແຂ່ງຂັນດັ່ງກ່າວກໍເພື່ອສົ່ງເສີມຜູ້ປະກອບກິດຈະການໃໝ່.

ສໍາລັບການແຂ່ງຂັນນັ້ນມີສໍາມະນາກອນຈາກພາກສ່ວນຕ່າງໆ ເຂົ້າຮ່ວມແຂ່ງຂັນທັງໝົດ 30 ຄົນ ຊຶ່ງທັງໝົດນີ້ແມ່ນໄດ້ຮັບການຝຶກ ອົບຮົມກ່ຽວກັບໂຄງການກໍ່ສ້າງຜູ້ ປະກອບກິດຈະການໃໝ່ໃນລະຫວ່າງວັນທີ 3-13 ພຶດສະພາ 2016 ຜ່ານການຂຽນແຜນທຸລະກິດຜົນປາກົດວ່າທຸລະກິດຟາມປານິນຄໍາຂອງ ທ່ານ ວິພອນ ເພົ້າພອນດີ, ທຸລະກິດໂຕ້ຟາມລ້ຽງແບ້ຂອງທ່ານ ພູຊະນະ ພິຈິດຕະວົງ ແລະທຸລະກິດນໍ້າເຕົ້າຮູ້ແຟນຊີຂອງ ທ່ານ ນາງ ສຸກສະຫວັນ ວົງສະຫວ່າງ ໄດ້ຮັບລາງວັນຊະນະເລີດ.

ແນວໃດກໍດີ ຜູ້ຊະນະການຂຽນທັງ 3 ທ່ານນັ້ນແມ່ນໄດ້ຮັບລາງວັນເປັນເງິນທຶນຈໍານວນ 10 ລ້ານກີບຈາກສູນພັດທະນາຜູ້ປະກອບກິດຈະການລາວ-ອິນເດຍ, ສ່ວນຜູ້ທີ່ຂຽນບໍ່ຊະນະກໍໄດ້ຮັບລາງວັນຊົມເຊີຍເປັນເສື້ອຈໍານວນ 1 ໂຕ.

ທີ່ມາ: