ເລື່ອງການມີລູກແມ່ຍິງຈະມີຢູ່ 3 ປະເພດຄື: ປະເພດຢາກມີລູກແຮງ, ບໍ່ຢາກມີລູກເລີຍ ຫຼື ປະເພດມີກໍ່ໄດ້ບໍ່ມີກໍ່ໄດ້ ແຕ່ຖ້າສະເລ່ຍແລ້ວກໍ່ມີແມ່ຍິງສ່ວນໜ້ອຍຫຼາຍທີ່ຈະບໍ່ຢາກມີລູກ ເພາະດ້ວຍສັນຊາດຕະຍານຄວາມເປັນແມ່ທີ່ມີຢູ່ໃນຕົວແມ່ຍິງມາແຕ່ກຳເນີດຈິ່ງເຮັດໃຫ້ແມ່ຍິງມີຄວາມຕ້ອງການມີລູກຫຼາຍເປັນພິເສດ ແຕ່ກໍ່ມາບາງກຸ່ມຄົນທີ່ບໍ່ຢາກມີລູກ ເຊິ່ງພວກເຂົາກໍ່ມີເຫດຜົນຕ່າງໆໃນຕົວຂອງພວກເຂົາ ແລະ ວັນນີ້ເຮົາຈະມາຮູ້ກ່ຽວກັບແນວຄິດຂອງພວກເຂົາວ່າເປັນຍ້ອນຫຍັງພວກເຂົາຈິ່ງບໍ່ຢາກມີລູກ

1. ຢາກໄປທ່ຽວໃສກໍ່ໄປໄດ້ຢ່າງສະບາຍໃຈແບບຜູ້ບ່າວຜູ້ສາວບໍ່ມີລູກໄປນຳ ແລະ ບໍ່ຫ່ວງໜ້າຫ່ວງຫຼັງ

2. ສຸຂະພາບບໍ່ອຳນວຍມີລູກບໍ່ໄດ້ ເຖິງມີໄດ້ກໍ່ສ່ຽງກັບຊີວິດຕົວເອງ ເລີຍຄິດວ່າບໍ່ມີລູກກໍ່ບໍ່ເປັນຫຍັງ

3. ຍັງບໍ່ພ້ອມທີ່ຈະມີລູກ ເພາະຢາກສ້າງຖານະຄວາມໝັ້ນຄົງໃຫ້ຊີວິດກວ່ານີ້

4. ປະສົບການທີ່ເຄີຍດູແລເດັກນ້ອຍເຮັດໃຫ້ຮູ້ສຶກບໍ່ຢາກມີລູກເລີຍ

5. ຄິດວ່າຄຸນຄ່າຂອງຄວາມເປັນແມ່ຍິງບໍ່ໄດ້ຢູ່ກັບການມີລູກພຽງຢ່າງດຽວເທົ່ານັ້ນ

6. ເປັນຄົນຮັກເດັກນ້ອຍ ແຕ່ກໍ່ບໍ່ໝາຍຄວາມວ່າພ້ອມຈະຮັບຜິດຊອບ

7. ການບໍ່ມີລູກເຮັດໃຫ້ຮູ້ສຶກບໍ່ສະບາຍໃຈ ບໍ່ມີແນວໃຫ້ຫ່ວງບໍ່ມີສິ່ງໃຫ້ຄິດວ່າວັນໜຶ່ງຈະມີເລື່ອງຮ້າຍເກີດຂຶ້ນກັບລູກຕົນ

8. ຖ້າຕົນເອງມີບໍ່ໄດ້ກໍ່ບໍ່ຢາກເອົາລູກຄົນອື່ນມາລ້ຽງ ບໍ່ຢາກເອົາໝ້ຽງເຂົາມາອົມ

9. ເວລາເບິ່ງຄົນອື່ນເກີດລູກໃນຄລິບຕ່າງໆແລ້ວຮູ້ສຶກຢ້ານ ຈົນບໍ່ກ້າມີລູກ

ເຫດຜົນທີ່ກ່າວມາຂ້າງເທິງນີ້ມັນກໍ່ເປັນພຽງທິດສະດີໜຶ່ງ ເຊິ່ງການມີລູກນັ້ນ ມັນກໍ່ຂຶ້ນກັບຄວາມສະໝັກໃຈຂອງຝ່າຍຍິງເຊັ່ນດຽວກັນ ຫາກຝ່າຍຍິງບໍ່ຕ້ອງການທີ່ຈະມີລູກໃນຕອນນີ້ ຫຼື ບໍ່ຢາກມີລູກເລີຍຕະຫຼອດຊີວິດ ມັນກໍ່ແມ່ນສິດທິສ່ວນຕົວຂອງແມ່ຍິງຄົນນັ້ນ ແຕ່ແມ່ຍິງສ່ວນຫຼາຍກໍ່ຢາກມີລູກ ເພື່ອມາຕື່ມເຕັມສິ່ງທີ່ຂາດໃນຊີວິດ ແລະ ມີຄວາມເຊື່ອທີ່ວ່າ ລູກເປັນເໝືອນດັ່ງໂສ້ທອງຄ້ອງໃຈໃຫ້ພໍ່ກັບແມ່ (ຜົວເມຍ) ໃຫ້ຮັກກັນຕະຫຼອດໄປ ແລະ ລູກກໍ່ປຽບເໝືອນສາຍໃຍຄອບຄົວທີ່ສົມບູນນັ້ນເອງ.

ທີ່ມາ: sanook.com