ຫຼ້າສຸດນີ້ມີຂໍ້ມູນຂອງສະເປັກເຄື່ອງ Vivo X7 ອອກມາຜ່ານເວັບໄຊ GFXBench ຫຼັງຈາກທີ່ໄດ້ຮັບການຢືນຢັນຢ່າງເປັນທາງການຜ່ານ TENAA. ເຊິ່ງຂໍ້ມູນທີ່ຫຼຸດອອກມາແມ່ນເປັນຂໍ້ມູນກ່ຽວກັບໂຕເຄື່ອງ ແລະສາມາດຢືນຢັນສະເປັກໄດ້ເລີຍວ່າຈະເປີດໂຕອອກມາເປັນສະເປັກນີ້ແນ່ນອນ.
ສຳລັບຂໍ້ມູນດັ່ງກ່າວນີ້ເຜີຍໃຫ້ເຫັນວ່າ Vivo X7 ແມ່ນມາພ້ອມໜ້າຈໍຂະໜາດ 5.2 ນິ້ວ, ຄວາມລະອຽດ FHD (1920 x 1080 ພິກເຊວ), ໃຊ້ງານຊິບປະມວນຜົນ Snapdragon 652 ຄວາມແຮງຢູ່ທີ່ 1.8GHz ມາພ້ອມກັບ GPU Adreno 510, RAM 4GB, ພື້ນທີ່ຈັດເກັບ 64GB, ໃນສ່ວນຂອງກ້ອງ ກ້ອງໜ້າຈະມີຄວາມລະອຽດຫຼາຍກວ່າກ້ອງຫຼັງຄື: 16 ລ້ານພິກເຊວ ແລະກ້ອງຫຼັງ 13 ລ້ານພິກເຊວ. (ເວົ້າໄດ້ວ່າເອົາໃຈຄົນມັກເຊວຟີ້ດີດີນີ້ເອງ)
ຖືວ່າສະເປັກນັ້ນຈັດມາເຕັມເລີຍສຳລັບສະມາດໂຟນລະດັບກາງລຸ້ນນີ້, ແຕ່ສິ່ງດຽວທີ່ໜ້າເສຍດາຍສຳລັບ Vivo X7 ນັ້ນກໍຄືຍັງໃຊ້ງານລະບົບ Android 5.1.1 Lollopop ຢູ່ຖືວ່າເກົ່າແລ້ວສຳລັບປີ 2016. ເພາະວ່າປີນີ້ກໍເປັນປີທີ່ຫຼາຍໆບໍລິສັດເລີ່ມຫັນອັບເກຣດມາເປັນ Android 6 ກັນແລ້ວ ແລະຕອນນີ້ Google ພັດທະນາ Android N ໄປໄດ້ລະດັບໜຶ່ງແລ້ວ. ແຕ່ເຖິງຢ່າງໃດກໍຕາມລາຄາໂຕເຄື່ອງຄາດວ່າຈະອອກມາປະມານບໍ່ເກີນ 3.500.000 ກີບ ເພາະລາຄາລະດັບນີ້ຍັງມີອີກລຸ້ນໜຶ່ງຂອງ Vivo ຄື V3 Max ທີ່ສະເປັກຢູ່ໃນລະດັບດຽວກັນ.
ທີ່ມາ:gizmochina,ເດັກລາວ