spot_img
Homeຂ່າວການພັດທະນາ2 ເດືອນຜ່ານມາ ລັດຖະບານສາມາດແກ້ໄຂບັນຫາເຄັ່ງຮ້ອນຫລາຍດ້ານ

2 ເດືອນຜ່ານມາ ລັດຖະບານສາມາດແກ້ໄຂບັນຫາເຄັ່ງຮ້ອນຫລາຍດ້ານ

Published on

ໃນໂອກາດກ່າວເປີດກອງປະຊຸມຮ່ວມລະຫວ່າງຄະນະລັດຖະບານ ແລະ ເຈົ້າແຂວງຂອງທ່ານນາຍົກລັດຖະມົນຕີ ທອງລຸນ ສີລຸສິດ ໄດ້ຊີ້ໃຫ້ເຫັນວ່າ: ຫລັງຈາກຄະນະລັດຖະບານຊຸດໃໝ່ (ຊຸດທີ VIII) ໄດ້ສຳເລັດການວາງແຜນດຳເນີນງານໄລຍະ 5 ປີ (2016-2020) ຂອງລັດຖະບານ, ການແບ່ງຄວາມຮັບຜິດຊອບລະຫວ່າງນາຍົກລັດຖະ ມົນຕີ ແລະ ຮອງນາຍົກລັດຖະມົນຕີ, ພ້ອມມອບຄວາມຮັບຜິດ ຊອບໃຫ້ບັນດາລັດຖະມົນຕີປະຈຳສຳນັກງານນາຍົກລັດຖະມົນຕີ, ປັບປຸງແບບແຜນວິທີເຮັດວຽກຂອງລັດຖະບານ ແລະ ອື່ນໆ ເຊິ່ງເຫັນໄດ້ວ່າພຽງໄລຍະສອງເດືອນ ລັດຖະບານສາມາດສຸມໃສ່ແກ້ໄຂບັນຫາເສດຖະກິດ-ສັງຄົມເປັນບູລິມະສິດ ໂດຍສະເພາະການປຶກສາຫາລືບັນຫາຕ່າງໆກ່ຽວກັບການຈັດເກັບລາຍຮັບງົບປະມານໃຫ້ໄດ້ຕາມຄາດໝາຍທີ່ສະພາແຫ່ງຊາດດັດແກ້, ພ້ອມທັງອອກຂໍ້ຕົກລົງແຕ່ງຕັ້ງຄະນະສະເພາະກິດຄຸ້ມຄອງຕິດຕາມການເກັບລາຍຮັບເຂົ້າງົບປະມານ ແລະ ແຕ່ງຕັ້ງທີມງານເສດຖະກິດຂອງລັດຖະບານ, ໄດ້ອອກຄຳສັ່ງ

ເລກທີ 15/ນຍ, ລົງວັນທີ 13 ພຶດສະພາ 2016 ວ່າດ້ວຍການເພີ່ມທະວີຄວາມເຂັ້ມງວດໃນການຄຸ້ມຄອງ ແລະ ກວດກາການຂຸດຄົ້ນໄມ້, ການເຄື່ອນຍ້າຍໄມ້ ແລະ ທຸລະກິດໄມ້ ເຊິ່ງລັດຖະບານຖືເປັນວຽກງານບູລິມະສິດທີ່ຕ້ອງພ້ອມກັນແກ້ໄຂຢ່າງຈິງຈິງ, ເດັດຂາດບໍ່ໃຫ້ມີການຝ່າຝືນ. ຄຽງຄູ່ກັນນັ້ນ ກໍໄດ້ມີການແກ້ໄຂບັນຫາຫາງສຽງຈົ່ມວ່າຂອງສັງ ຄົມກ່ຽວກັບລາຄາກະແສໄຟຟ້າຂຶ້ນຜິດປົກກະຕິ ໂດຍໄດ້ອອກຄຳສັ່ງໃຫ້ກະຊວງກ່ຽວຂ້ອງຮີບຮ້ອນກວດກາຄືນລາຄາກະແສໄຟຟ້າ ແລະ ແກ້ໄຂຄວາມເດືອດຮ້ອນຂອງຜູ້ຊົມໃຊ້ໃຫ້ທັນເວລາ, ໄດ້ຊີ້ນຳວຽກງານປ້ອງກັນຊາດ-ປ້ອງກັນຄວາມສະຫງົບ, ແກ້ໄຂປາກົດການຫຍໍ້ທໍ້ໃນສັງຄົມ, ບັນຫາອຸປະ ຕິເຫດບົນທ້ອງຖະໜົນ, ການຈອດລົດຊະຊາຍ,ບັນຫາຕ້ານແລ້ງຕ້ານຖ້ວມ. ສະຫລຸບແລ້ວເຫັນວ່າໄດ້ມີຜົນສຳເລັດໃນຫລາຍດ້ານ, ປະເທດຊາດສືບຕໍ່ມີສະຖຽນລະພາບໝັ້ນຄົງ, ເສດຖະກິດມະຫາພາກມີຄວາມໝັ້ນທ່ຽງ ແລະ ສືບຕໍ່ຂະຫຍາຍຕົວ, ການລົງທຶນພາຍໃນ ແລະ ຕ່າງປະເທດຍັງຢູ່ໃນບັນຍາກາດທີ່ດີ, ຂົງເຂດການຜະລິດກໍມີຫລາຍວຽກພົ້ນເດັ່ນ, ຊີວິດການເປັນຢູ່ຂອງປະຊາຊົນບັນດາເຜົ່າສືບຕໍ່ໄດ້ຮັບການປັບປຸງ ແລະ ຍົກສູງຂຶ້ນເປັນກ້າວໆ.

ທ່ານລັດຖະມົນຕີປະຈຳສຳນັກງານນາຍົກລັດຖະມົນຕີ, ທັງເປັນໂຄສົກລັດຖະບານ ຈະເລີນ ເຢຍປາວເຮີ ກ່າວວ່າ: ສຳລັບວຽກງານຮີບດ່ວນຂອງລັດຖະບານໃນຕໍ່ໜ້ານີ້ແມ່ນສຸມໃສ່ການຈັດຕັ້ງປະຕິ ບັດແຜນພັດທະນາເສດຖະກິດ-ສັງຄົມ, ແຜນງົບປະມານທ້າຍສົກປີ 2015-2016, ມາດຕະການເກັບລາຍຮັບ 3 ເດືອນທ້າຍປີ ແລະ 3 ເດືອນຂ້າມຜ່ານ, ແກ້ໄຂການເບີກຈ່າຍເງິນເດືອນ, ແກ້ໄຂສະພາບຄ່ອງດ້ານການເງິນ ແລະ ຟື້ນຟູລະບົບການຜະລິດ-ທຸລະກິດໃຫ້ມີພື້ນຖານເຂັ້ມແຂງ ລວມເຖິງການຕິດຕາມການປະຕິບັດຄຳສັ່ງເລກທີ 15/ນຍ ວ່າດ້ວຍການເພີ່ມທະວີຄວາມເຂັ້ມງວດໃນການຄຸ້ມຄອງ ແລະ ກວດກາການຂຸດຄົ້ນໄມ້, ການເຄື່ອນຍ້າຍໄມ້ ແລະ ທຸລະກິດໄມ້ຢ່າງໃກ້ຊິດ ນັບແຕ່ຢູ່ສູນກາງ ແລະ ທ້ອງຖິ່ນ.

ທີ່ມາ: ລາວພັດທະນາ

ບົດຄວາມຫຼ້າສຸດ

ລັດຖະບານຍີ່ປຸ່ນໃຫ້ທຶນການຊ່ວຍເຫຼືອ 96,600 ໂດລາ ເພື່ອຊ່ວຍຍົກລະດັບການສຶກສາໃນແຂວງອຸດົມໄຊ

ລັດຖະບານຍີ່ປຸ່ນ ຊ່ວຍຍົກລະດັບການສຶກສາຊັ້ນອະນຸບານ ແລະ ປະຖົມໃນແຂວງອຸດົມໄຊ ລັດຖະບານຍີ່ປຸ່ນໄດ້ໃຫ້ການຊ່ວຍເຫຼືອເປັນມູນຄ່າປະມານ 89,600 ໂດລາ ໃນການສະໜັບສະໜູນໂຄງການດ້ານການສຶກສາໃນແຂວງອຸດົມໄຊ ພາຍໃຕ້​ໂຄງ​ການ​ເສີມ​ສ້າງ​ຄວາມ​ໝັ້ນ​ຄົງ​ຂອງ​ມະ​ນຸດ​ຂັ້ນ​ຮາກ​ຖານ (GGP); ພິທີລົງນາມການຊ່ວຍເຫຼືອດັ່ງກ່າວຈັດຂຶ້ນໃນຫວ່າງບໍ່ດົນມານີ້ ທີ່ນະຄອນຫຼວງວຽງຈັນ. ໂຄງການຈະໃຫ້ການສະໜັບສະໜູນທຶນຮອນເພື່ອກໍ່ສ້າງອາຄານຮຽນ ແລະ ຫ້ອງນໍ້າໃໝ່ ພ້ອມທັງສະໜອງສິ່ງອຳນວຍຄວາມສະດວກທີ່ຈຳເປັນ...

ຊົມເຊີຍທີມແພດຈີນ-ລາວ ສໍາເລັດການຜ່າຕັດກະດູກຫັກມອນເຕກຽຍ (Monteggia) ຂອງເດັກນ້ອຍ

ຊ່ຽວຊານແພດຈີນ ແລະ ລາວ ສໍາເລັດການຜ່າຕັດກະດູກຫັກມອນເຕກຽຍ(Monteggia) ຂອງເດັກນ້ອຍ ເມື່ອບໍ່ດົນນີ້, ພາຍໃຕ້ການຊີ້ນໍາຂອງຄະນະຊ່ຽວຊານການແພດທະຫານຈີນຊຸດທີ 12 ປະຈໍາລາວ (ມາຈາກໂຮງໝໍຊີຈິ່ງ ຂອງມະຫາວິທະຍາໄລການແພດທະຫານອາກາດຈີນ) ຮ່ວມກັບພະແນກກະທົບຜ່າຕັດ-ກະດູກຂອງໂຮງໝໍ ສູນກາງ103 ກອງທັບປະຊາຊົນລາວ ໄດ້ສໍາເລັດການຜ່າຕັດກະດູກຫັກມອນເຕກຽຍ(Monteggia)...

ກັບຄືສູ່ບ້ານເຮົາແລ້ວ! ທາງການໄທສົ່ງມອບພຣະພຸດທະຮູບບູຮານຄືນສູ່ປະເທດລາວ

ທາງການໄທສົ່ງມອບພຣະພຸດທະຮູບບູຮານ ທີ່ສູນຫາຍໃນສະໄໝສົງຄາມອິນດູຈີນຄືນໃຫ້ແກ່ ສປປ ລາວ ໃນວັນທີ 7 ມີນາ 2025, ທ່ານອຸປະກິດ ປາຈະລີຍາງກຸນ ອະດີດສະມາຊິກວຸດທິສະພາ, ຫົວໜ້າຜູ້ແທນທຳມະທູດຂອງໄທ ໄດ້ເຂົ້າພົບ ທ່ານ ຄຳພັນ...

ຊາຍໜຸ່ມກໍ່ເຫດໃຊ້ມີດບຸກແທງຄໍແຟນສາວເສຍຊີວິດ ຄາຫ້ອງເຊົ່າ ຍ້ອນຫຶງທີ່ແຟນສົ່ງຍິ້ມໃຫ້ຊາຍອື່ນ

ຊາຍໜຸ່ມຫຶງໂຫດ! ບຸກແທງຄໍແຟນສາວເສຍຊີວິດ ຄາຫ້ອງເຊົ່າ ຍ້ອນຫຶງທີ່ແຟນສົ່ງຍິ້ມໃຫ້ຊາຍອື່ນ ສຳນັກຂ່າວໄທລັດລາຍງານໃນວັນທີ 6 ມີນາ 2025 ຜ່ານມາ ເຈົ້າໜ້າທີ່ຕຳລວດໄດ້ຮັບແຈ້ງເຫດວ່າມີຄົນຖືກແທງເສຍຊີວິດ ຢູ່ຫ້ອງເຊົ່າແຫ່ງໜຶ່ງ ທີ່ຈັງຫວັດຣາຊະບູລີ ປະເທດໄທ. ຕາມການລາຍງານ: ຜູ້ກໍ່ເຫດຊື່ທ້າວ ຊາຍ...