spot_img
Homeຂ່າວທ້ອງຖິ່ນໂຄງການ​ກໍ່ສ້າງ​ສວນ​ອະນຸສາວະລີ ອົງ​ແກ້ວ ຄືບ​ໝ້າ​ກວ່າ 40%

ໂຄງການ​ກໍ່ສ້າງ​ສວນ​ອະນຸສາວະລີ ອົງ​ແກ້ວ ຄືບ​ໝ້າ​ກວ່າ 40%

Published on

ໂຄງ­ການກໍ່­ສ້າງສວນອະ­ນຸສາວະລີອົງແກ້ວ ເປັນໂຄງ­ການໜຶ່ງທີ່ມີຄວາມ ໝາຍສຳ­ຄັນຂອງແຂວງເຊກອງ ຊຶ່ງໄດ້ມີການເກັບກຳຂໍ້ມູນ, ສຳຫຼວດ, ສຶກສາຄົ້ນ­ຄວ້າຄວາມເປັນໄປໄດ້ ແລະດຳ­ເນີນການສຳຫຼວດອອກແບບໃນປີ 2012 ແລະໄດ້ເລີ່ມລົງ­ມືກໍ່­ສ້າງໃນກາງປີ 2014 ໂດຍມາຮອດປະ­ຈຸບັນ ໂຄງ­ການດັ່ງ­ກ່າວ ໍປະ­ຕິ­ບັດບັນ­ດາໜ້າວຽກໄດ້ 44% ຂອງໜ້າວຽກທັງໝົດ.

ໃນວັນທີ 17 ມີຖຸນາ 2016 ແຂວງເຊກອງ ຈິ່ງໄດ້ຈັດພິ­ທີວາງສີລາຈາ­ລຶກ ໂຄງ­ການກໍ່­ສ້າງສວນອະ­ນຸ­ສາ­ວະ­ລີທ່ານອົງແກ້ວ ວິ­ລະບູລຸດຂອງຊາດລາວ ຢ່າງ ເປັນທາງການໂດຍການເຂົ້າຮ່ວມຂອງ ທ່ານ ຄຳເຜີຍ ບຸດດາວຽງ ເຈົ້າ­ແຂວງເຊກອງ, ຕາງ­ໜ້າກະ­ຊວງ ຖວທ, ຄະ­ນະນຳ 4 ແຂວງພາກໃຕ້, ພະ­ນັກ­ງານອາວຸໂສປະ­ຕິ­ວັດ, ສອງກຳ­ລັງປະ­ກອບອາວຸດ ພ້ອມດ້ວຍປະ­ຊາ­ຊົນ 6 ບ້ານເທສະບານ ແຂວງເຊກອງເຂົ້າຮ່ວມ.

ທ່ານ ຄຳຫຼ້າ ແສງມະ­ນີ ຜູ້ອຳ­ນວຍການບໍ­ລິ­ສັດຈະ­ເລີນເຊກອງກໍ່­ສ້າງຄົບວົງຈອນ ຈຳ­ກັດຜູ້ດຽວ ລາຍງານໃນພິ­ທີວ່າ: ໂຄງ­ການກໍ່­ສ້າງສວນອະ­ນຸ­ສາ­ວະ­ລີ ອົງແກ້ວ ມີສະ­ຖານ­ທີ່ຕັ້ງອັນໂດດເດັ່ນສູງສະ­ຫງ່າຢູ່ໃຈ­ກາງເທ­ສະບານແຂວງເຊກອງ,ກວມເອົາເນື້ອ­ທີ່ການກໍ່­ສ້າງທັງໝົດ 4 ເຮັກ­ຕາ, ປະ­ກອບມີ 9 ໜ້າວຽກ, ລວມມູນຄ່າການກໍ່­ສ້າງທັງໝົດ 23,49 ຕື້ກວ່າກີບ ໂດຍແມ່ນພະແນກຖະ­ແຫຼງຂ່າວ, ວັດ­ທະ­ນະ­ທຳ ແລະທ່ອງທ່ຽວແຂວງເຊ ກອງເປັນເຈົ້າຂອງໂຄງ­ການ, ຊຶ່ງໂຄງ ການໄດ້ລິເລີ່ມກໍ່­ສ້າງມາແຕ່ເດືອນພຶດສະ ພາ 2014, ສັນ­ຍາການກໍ່­ສ້າງໄລ­ຍະ 3 ປີ (5 ມີ­ນາ 2015Œ5 ມີ­ນາ 2017), ຊຶ່ງບໍ­ລິ­ສັດຜູ້ຮັບເໝົາລົງ­ທຶນກ່ອນ 100%, ມາເຖິງປະ­ຈຸບັນປະ­ຕິ­ບັດບັນ­ດາໜ້າວຽກໂດຍລວມຂອງໂຄງ­ການໄດ້ 44% ຂອງ ໜ້າວຽກທັງໝົດ.

ໃນນີ້ ພາກ­ສ່ວນດິນຕັດŒຖົມ (ປັບໜ້າ­ດິນ) ປະ­ຕິ­ບັດໄດ້ 33%, ວຽກກັນ ເຈື່ອນ 72%, ອາ­ຄານŒຮ້ານອາ­ຫານ 92%, ຕົກ­ແຕ່ງນ້ຳ­ພຸທັງສອງຈຸດ 73%, ຕົກ­ແຕ່ງເດີ່ນລານອະ­ເນກປະ­ສົງ ແລະ ທາງຍ່າງ 48%, ຖານຕັ້ງອະ­ນຸ­ສາ­ວະ­ລີອົງແກ້ວ 83%, ຖານປະ­ຕິມະກຳທ່ານອົງແກ້ວ 12%, ຮູບປັ້ນຫຼໍ່ທ່ານອົງແກ້ວ ຂີ່ມ້າຢູ່ໃນໄລ­ຍະຜ່ານແບບຢູ່ສູນກາງ, ການເດີນຕາຂ່າຍໄຟ­ຟ້າ ຢູ່ໃນໄລ­ຍະລິ ເລີ່ມການ­ຈັດ­ຕັ້ງປະ­ຕິ­ບັດ.

ທ່ານ ຄຳຫຼ້າ ແສງມະ­ນີ ກ່າວຕື່ມອີກວ່າ: ຜ່ານການ­ຈັດ­ຕັ້ງປະ­ຕິ­ບັດມາເປັນເວ­ລາເກືອບ 2 ປີ ການກໍ່­ສ້າງບໍ່ບັນ­ລຸເຖິງ 50% ຍ້ອນວ່າ ມີອຸ­ປະ­ສັກຫຍຸ້ງ­ຍາກຫຼາຍຢ່າງເປັນ­ຕົ້ນ ການຍົກ­ຍ້າຍປະ­ຊາຊົນໃນພື້ນທີ່ໂຄງ­ການກໍ່­ສ້າງ ແລະເຂດ ຜົນກະ­ທົບອອກຈາກໂຄງ­ການ, ອີກດ້ານໜຶ່ງເຂດໂຄງ­ການກໍ່­ສ້າງເປັນສັນ­ພູສູງສົມ­ຄວນ ຊຶ່ງມີຄວາມຈຳ­ເປັນໃນການ ເຈາະລະ­ເບີດຫີນ  ແລະຕັດດິນມີປະ­ລິ­ມານຫຼາຍສົມ­ຄວນ, ນອກນັ້ນ ກໍມີຄວາມຫຍຸ້ງຍາກ ເນື່ອງຈາກມີການປ່ຽນ­ແປງໂຄງຮ່າງຈັດຕັ້ງຂອງບໍ­ລິ­ສັດ ດັ່ງ­ນັ້ນ ການກໍ່ສ້າງຈິ່ງໄດ້ຢຸດການກໍ່­ສ້າງຊົ່ວ­ຄາວໄລຍະໜຶ່ງ.

ອີກບັນ­ຫາໜຶ່ງຍ້ອນການກໍ່­ສ້າງເບື້ອງຕົ້ນເປັນວຽກທີ່ໜັກ ແລະລະ­ອຽດອ່ອນ ຕ້ອງດຳ­ເນີນງານຢ່າງລະ­ມັດ­ລະ­ວັງເພື່ອບໍ່ໃຫ້ມີຜົນກະ­ທົບຕໍ່ສະ­ພາບແວດລ້ອມ ກໍຄືປະ­ຊາ­ຊົນທີ່­ຢູ່ໃກ້ຄຽງ, ປະ­ຈຸບັນ ທາງບໍລິສັດກໍໄດ້ສືບ­ຕໍ່ດຳ­ເນີນງານ ແລະປະກອບກົນຈັກເຄື່ອງ­ມືເຂົ້າໃນການດຳ­ເນີນວຽກເປັນປົກ­ກະ­ຕິ ແລະຕໍ່ຈາກນີ້ໄປຈະ ເປັນການປັ້ນຫຼໍ່ທ່ານອົງແກ້ວຂີ່ມ້າ ແລະ ວຽກຕົກ­ແຕ່ງປະ­ດັບປະ­ດາ ແລະຄາດວ່າ ໂຄງ­ການກໍ່­ສ້າງດັ່ງ­ກ່າວຈະສຳ­ເລັດໂດຍໄວ ແລະຮັບ­ປະ­ກັນມາດ­ຕະ­ຖານໃນການກໍ່­ສ້າງໃຫ້ມີຄວາມປາ­ນີດສວຍງານພ້ອມທັງຮັບ­ປະ­ກັນຄຸນນະພາບອີກດ້ວຍ.

ທີ່ມາ: ນສພ ເສດຖະກິດ-ສັງຄົມ

ບົດຄວາມຫຼ້າສຸດ

ຍີ່ປຸ່ນທຸບສະຖິຕິໃໝ່! ກວດພົບຄື້ນຄວາມຮ້ອນ ອຸນຫະພູມ 41.8 ອົງສາ ພ້ອມເຕືອນໄພປະຊາຊົນໃຫ້ອອກຈາກພື້ນທີ່ສ່ຽງ

ຍີ່ປຸ່ນທຸບສະຖິຕິອາກາດຮ້ອນສູງສຸດ 41.8 ອົງສາ ເຈົ້າໜ້າທີ່ເລັ່ງອົບພະຍົບປະຊາຊົນ ພ້ອມເຕືອນໂຣກລົມແດດ 44 ແຂວງໃນຍີ່ປຸ່ນ ຂະນະດຽວກັນພາກເໜືອຮັບມືຝົນຕົກໜັກ-ສ່ຽງນ້ຳຖ້ວມຊຸ. ສຳນັກຂ່າວຕ່າງປະເທືດລາຍງານໃນວັນທີ 7 ສິງຫາ 2025 ສຳນັກງານອຸຕຸນິຍົມວິທະຍາຂອງປະເທດຍີ່ປຸ່ນ (Japan Meteorological...

ຄະນະບໍລິຫານງານພັກກະຊວງປ້ອງກັນຄວາມ ສະຫງົບ ສະໄໝທີ VI ປະກອບມີ 27 ສະຫາຍ ຍິງ 1 ສະຫາຍ

ຊົມເຊີຍ ຜົນສຳເລັດກອງປະຊຸມຄັ້ງປະຖົມມະລຶກກອງປະຊຸມໃຫຍ່ຜູ້ແທນ ຄັ້ງທີ VI ອົງຄະນະພັກກະຊວງປ້ອງກັນຄວາມສະຫງົບ ໃນຕອນເຊົ້າວັນທີ 6 ສິງຫາ 2025, ສະຫາຍ ພົອ ວິໄລ ຫຼ້າຄຳຟອງ ໄດ້ລາຍງານຜົນຂອງກອງປະຊຸມຄັ້ງປະຖົມມະລຶກຄະນະບໍລິຫານງານພັກກະຊວງປ້ອງກັນຄວາມສະຫງົບ ສະໄໝທີ...

ລາວປະເຊີນບັນຫາພລາສຕິກລົ້ນຕະຫຼາດທ່າມກາງລາຄາຕົກຕໍ່າ

ເສດຖົງຢາງທີ່ເກົ່າໝອງຈົນເກືອບແຍກສີບໍ່ອອກ ບວກກັບຕຸກນໍ້າພລາສຕິກທີ່ຖືກຖິ້ມຊະຊາຍເປັນວົງກວ້າງໃນນະຄອນຫຼວງວຽງຈັນ ເປັນພຽງສ້ຽວໜຶ່ງຂອງເລື່ອງເລົ່າກ່ຽວກັບພລາສຕິກຂອງເມືອງຫຼວງແຫ່ງນີ້. ພາຍໃຕ້ມົນລະມິດທີ່ສາມາດເບິ່ງເຫັນໄດ້ດ້ວຍຕາເປົ່ານີ້ ລ້ວນແຕ່ເຊື່ອງຊ້ອນວິກິດການຂັ້ນຮ້າຍແຮງກວ່າທີ່ຄິດໄວ້. ເນື່ອງຈາກສິ່ງດັ່ງກ່າວໄດ້ກາຍເປັນໄພຂົ່ມຂູ່ຕໍ່ສິ່ງແວດລ້ອມທາງທໍາມະຊາດຂອງລາວ ທັງເປັນໄພຂົ່ມຂູ່ຕໍ່ສຸຂະພາບຂອງຜູ້ຄົນຫຼາຍຮ້ອຍ ທີ່ຕ້ອງເພິ່ງພາການຊື້-ຂາຍສິ່ງເສດເຫຼືອປະເພດພລາສຕິກ. ໃນລະຫວ່າງວັນທີ 5 ຫາ 14 ສິງຫາ, ບັນດາຜູ້ນໍາຈາກຫຼາຍປະເທດໃນໂລກຈະມາເຕົ້າໂຮມກັນທີ່ ເຈນີວາ, ປະເທດສະວິດເຊີແລນ...

ປະກາດ-ແຕ່ງຕັ້ງ ສະຫາຍ ພົນຈັດຕະວາ ແປ້ນຄໍາ ບຸດຈັດແພງ ຮັກສາການແທນເຈົ້າແຂວງ ແຂວງບໍ່ແກ້ວ (ຜູ້ໃໝ່)

ມອບ-ຮັບ ໜ້າທີ່ ລະຫວ່າງ ເລຂາຄະນະບໍລິຫານງານພັກແຂວງ, ເຈົ້າແຂວງ ແຂວງບໍ່ແກ້ວ (ຜູ້ເກົ່າ) ກັບ ຮັກສາການແທນເລຂາຄະນະບໍລິຫານງານພັກແຂວງ, ຮັກສາການເຈົ້າແຂວງ ແຂວງບໍ່ແກ້ວ (ຜູ້ໃໝ່) ປະກາດ ແລະ ມອບ-ຮັບ...