Homeຂ່າວການພັດທະນານັກທຸລະກິດລາວຈົກຖົງຕົນເອງປູກໄມ້ໃຫ້ໄດ້ 4 ລ້ານຕົ້ນເພື່ອຄືນຄວາມອຸດົມສົມບູນໃຫ້ທໍາມະຊາດ

ນັກທຸລະກິດລາວຈົກຖົງຕົນເອງປູກໄມ້ໃຫ້ໄດ້ 4 ລ້ານຕົ້ນເພື່ອຄືນຄວາມອຸດົມສົມບູນໃຫ້ທໍາມະຊາດ

Published on

 ໃນວັນທີ 17 ມິຖຸນາ 2016 ນີ້, ທ່ານ ຄໍາໄພ ສົມຊະນະ ນັກທຸລະກິດລາວ, ປະທານກຸ່ມບໍລິສັດຄໍາໄຊະນະກໍ່ສ້າງ, ປະທານສະມາ ຄົມເຟີນີເຈີລາວໄດ້ບອກວ່າໄດ້ຕັດສິນໃຈຈົກເງິນຈາກຖົງຂອງຕົນເອງເພື່ອປູກໄມ້ໃຫ້ໄດ້ 4 ລ້ານຕົ້ນໃນເນື້ອທີ່ 10 ເຮັກຕາໃນສະຖານທີ່ທ່ອງທ່ຽວທໍາມະຊາດນ້ຳຕົກຕາດຊອນ, ແດນຫົງພູສູງ, ສວນພຶກສາຊາດອຸທິ ຍານຊຸມຊົນສະມາຄົມອາຊຽນ ບ້ານນາຍາງ, ເມືອງນາຊາຍທອງ, ນະຄອນຫລວງວຽງຈັນ ເຊິ່ງການປູກຄັ້ງນີ້ແມ່ນຄວາມຕັ້ງໃຈ ແລະ ການອຸທິດແຮງຊັບພ້ອມກໍາລັງວັງຊາຂອງຕົນທີ່ມີຢູ່ເພື່ອຄືນຄວາມອຸດົມສົມບູນໃຫ້ທໍາມະຊາດ.
ການຈັດກິດຈະກຳປູກໄມ້ດັ່ງກ່າວນີ້ແມ່ນສ່ວນໜຶ່ງຂອງສະເຫລີມສະຫລອງວັນປູກຕົ້ນໄມ້ແຫ່ງຊາດ, ວັນເດັກນ້ອຍສາກົນໂດຍເປັນກຽດເຂົ້າຂອງທ່ານ ທອງລຸນ ສີສຸລິດ, ນາຍົກລັດຖະມົນຕີແຫ່ງ ສປປ ລາວ, ມີບັນດາການນຳພັກ-ລັດຈາກກະຊວງ, ອົງການ, ທູດປະຈຳລາວ, ຊາວຕ່າງປະເທດ, ທະຫານ-ຕຳຫລວດ, ພະນັກງານ, ນັກຮຽນ-ນັກສຶກສາ ແລະ ພໍ່ແມ່ປະຊາຊົນເຂົ້າຮ່ວມ.

ທ່ານ ຄໍາໄພ ສົມຊະນະໄດ້ກ່າວວ່າ: ການຈັດກິດຈະກຳປູກໄມ້ຄັ້ງນີ້ ເພື່ອປະກອບສ່ວນສະ ເຫລີມສະຫລອງວັນປູກຕົ້ນໄມ້ແຫ່ງຊາດ ແລະ ວັນເດັກນ້ອຍສາກົນ ທັງເປັນການຈັດ ຕັ້ງປະຕິບັດເນື້ຶ້ອໃຈຈິດໃຈວິໃສທັດຮອດປີ 2030 ທີ່ວ່າການພັດທະນາເສດຖະກິດຕາມທິດສີຂຽວ ແລະ ຍືນຍົງທີ່ມະຕິກອງປະຊຸມໃຫຍ່ຄັ້ງທີ X ຂອງພັກ, ແຜນຍຸດທະສາດປ່າໄມ້ຄື: ຍົກລະດັບຄວາມປົກຫຸ້ມປ່າໄມ້ໃຫ້ໄດ້ 70% ໃນປີ 2020 ນັ້ນ, ປີ 2016 ນີ້ ກຸ່ມ ບໍລິສັດພວກເຮົາມີແຜນປູກຕົ້ນໄມ້ຈຳນວນ 4 ລ້ານຕົ້ນ ໃນນັ້ນມີໄມ້ຂະຍຸງ, ໄມ້ດູ່, ໄມ້ດູ່ລາຍ, ໄມ້ຄຳພີ ແລະ ໄມ້ອື່ນໆໃນເນືື້ອທີ່ 10 ເຮັກຕາ ຢູ່ບໍລິເວນສະຖານທີ່ທ່ອງທ່ຽວທໍາມະຊາດນ້ຳຕົກຕາດຊອນ, ແດນຫົງພູສູງ, ສວນພຶກສາຊາດອຸທິຍານຊຸມຊົນສະມາຄົມອາຊຽນ.

ໃນຕໍ່ໜ້າກຸ່ມ ບໍລິສັດ ຄຳໄພ ຊະນະ ຍັງຈະໄດ້ສືບຕໍ່ປູກໄມ້ຕື່ມອີກ ເພື່ອຟື້ນຟູປ່າ ໂດຍຈະຈັດເປັນເຂດແຕ່ລະເຂດຊະນິດພັນໄມ້ລວມທັງໄມ້ປ່ອງ ແລະ ເຄື່ອງປ່າຂອງດົງ ເພື່ອໃຫ້ໂຄງສ້າງຂອງປ່າໄມ້ມີຄວາມອຸດົມສົມບູນ ແລະ ມີຄວາມຫລາກຫລາຍດ້ານຊະນິດພັນໄມ້, ຊີວະນາໆພັນ ແລະ ເຮັດໃຫ້ລະບົບນິເວດມີຄວາມອຸດົມສົມບູນ.

 ຂ່າວຈາກ: ສຳນັກຂ່າວສານປະເທດລາວ

ບົດຄວາມຫຼ້າສຸດ

ນາຍົກລັດຖະມົນຕີລາວ ພົບປະກັບ ປະທານສະພາແຫ່ງຊາດຫວຽດນາມ ໃນໂອກາດເດີນທາງຢ້ຽມຢາມ ສສ ຫວຽດນາມ ແລະ ເຂົ້າຮ່ວມກອງປະຊຸມເວທີອະນາຄົດອາຊຽນ ຄັ້ງທີ 3

ໃນຕອນບ່າຍວັນທີ 8 ມິຖຸນາ 2026, ທີ່ ນະຄອນຫຼວງຮ່າໂນ້ຍ ສສ ຫວຽດນາມ, ສະຫາຍ ສອນໄຊ ສີພັນດອນ ກໍາມະການກົມການເມືອງສູນກາງພັກ, ນາຍົກລັດຖະມົນຕີ ແຫ່ງ...

ແຈ້ງການມອດໄຟຟ້າຊົ່ວຄາວ ລັດວິສາຫະກິດໄຟຟ້າລາວ ນວ 2 ໄດ້ອອກແຈ້ງການງົດຈ່າຍກະແສໄຟຟ້າຊົ່ວຄາວ ເລີ່ມແຕ່ວັນທີ 9-14 ມິຖຸນາ 2026

​ລັດວິສາຫະກິດໄຟຟ້າລາວ (EDL) ຝ່າຍຄຸ້ມຄອງລະບົບໄຟຟ້າພາກກາງ ສາຂານະຄອນຫຼວງວຽງຈັນ 2 ໄດ້ອອກແຈ້ງການງົດຈ່າຍກະແສໄຟຟ້າຊົ່ວຄາວ (ມອດໄຟ) ເພື່ອປັບປຸງ, ສ້ອມແປງລະບົບຕາໜ່າງໄຟຟ້າ ແລະ ຕິດຕັ້ງເສົາໄຟຟ້າໃໝ່ ໃຫ້ມີຄວາມປອດໄພ ແລະ ກຽມພ້ອມຮອງຮັບການຊົມໃຊ້ທີ່ດີຂຶ້ນ....

ກຽມໄປແຂ່ງຕໍ່ທີ່ຍີ່ປຸ່ນ MAZDA GB FC U12 ຄວ້າແຊ້ມ ບານເຕະເຍົາວະຊົນທີ່ອິນໂດເນເຊຍ ພ້ອມໄດ້ໄປແຂ່ງຕໍ່ຮອບສຸດທ້າຍທີ່ປະເທດຍີ່ປຸ່ນ

ເກັ່ງຫຼາຍ MAZDA GB FC ຢູ 12 ຄວ້າແຊ້ມບານເຕະເຍົາວະຊົນ ທີ່ອິນໂດເນເຊຍ ພ້ອມໄດ້ສິດບິນລັດຟ້າໄປແຂ່ງຂັນທີ່ປະເທດຍີ່ປຸ່ນ. ນ້ອງໆເຍົາວະຊົນຈາກສະໂມສອນ Mazda Laos GB FC ໂຊຊຟອງເກັ່ງຄວ້າແຊ້ມລາຍການແຂ່ງຂັນບານເຕະເຍົາວະຊົນລະດັບພາກພື້ນ...

ນາຍົກລັດຖະມົນຕີລາວ ສົ່ງຈົດໝາຍເຖິງນາຍົກລັດຖະມົນຕີໄທ ເພື່ອສະແດງຄວາມຂອບໃຈຕໍ່ການຊ່ວຍເຫຼືອຄົ້ນຫາ ແລະ ກອບກູ້ເອົາຊິວິດປະຊາຊົນທີ່ຕິດຄ້າງຢູ່ໃນຖໍ້າ

ວັນທີ 7 ມິຖຸນາ 2026 ທີ່ນະຄອນຫຼວງວຽງຈັນ, ທ່ານ ສອນໄຊ ສີພັນດອນ ນາຍົກລັດຖະມົນຕີລາວ ໄດ້ສົ່ງຈົດໝາຍຂອບໃຈເຖິງທ່ານ ອະນຸທິນ ຊານວີຣະກູນ, ນາຍົກລັດຖະມົນຕີ ແຫ່ງ...