Homeຄວາມງາມວິທີທົດສອບເຄື່ອງສຳອາງວ່າສິ່ງໃດອັນຕະລາຍ ຫຼື ບໍ່ອັນຕະລາຍ

ວິທີທົດສອບເຄື່ອງສຳອາງວ່າສິ່ງໃດອັນຕະລາຍ ຫຼື ບໍ່ອັນຕະລາຍ

Published on

ສຳລັບເຄື່ອງສຳອາງທີ່ວາງຂາຍເຕັມຕາມຕະຫຼາດ ຈະມີທັງເຄື່ອງສຳອາງທີ່ເປັນອັນຕະລາຍ ແລະ ບໍ່ເປັນອັນຕະລາຍ ປະປົນກັນຢູ່ ສາວໆອາດຈະບໍ່ຮູ້ເລີຍວ່າເຄື່ອງສຳອາງທີ່ຊື້ມາໃຊ້ນັ້ນອັນໃດເປັນອັນຕະລາຍ ແລະ ບໍ່ອັນຕະລາຍ ເພາະສາວຫຼາຍຄົນໜ້າພັງຍ້ອນເຄື່ອງສຳອາງກໍ່ເຫັນມີຫຼາຍຄົນແລ້ວ ວັນນີ້ພວກເຮົາເລີຍມີວິທີທົດສອບເຄື່ອງສຳອາງວ່າສິ່ງໃດອັນຕະລາຍ ຫຼື ບໍ່ອັນຕະລາຍ ມາແນະນຳໃຫ້ຮຸ້ຈັກ ເພື່ອທ່ານຈະໄດ້ລອງໄປເຮັດເບິ່ງ

ວິທີກວດສອບເຄື່ອງສຳອາງດ້ວຍຕົວເອງ
1. ສານໄຮໂດຣຄຣິໂນນ 
ກວດສອບໄດ້ໂດຍການຕ້ອຍເຄື່ອງສຳອາງລົງໃສເຈ້ຍອະນາໄມ (ທິດຊູ້) ຫຼັງຈາກນັ້ນໃຫ້ຢອດນ້ຳແຟັບໃນປະລິມານເຂັ້ມຂຸ້ນລົງໄປ ກັບປະໄວ້ປະມານ 5-10 ນາທີ ແລ້ວກັບມາເບິ່ງອີກຄັ້ງ ຫາກຄຣີມທາໜ້າ ຫຼື ເຄື່ອງສຳອາງປ່ຽນສີ ເປັນສີນ້ຳຕານເກືອບດຳສະແດງວ່າເຄື່ອງສຳອາງນັ້ນອັນຕະລາຍ ເພາະມີສານໄຮໂດຣຄຣິໂນນ ເຈືອປົນຢູ່ນຳ ສານນີ້ສາມາດເຮັດໃຫ້ໜ້າຂາວຂຶ້ນໄວແຕ່ຖ້າຢຸດໃຊ້ຈະເຮັດໃຫ້ຜິວໜ້າດຳລົງກວ່າເກົ່າ ແລະ ຜົນຂ້າງຄຽງຈາກການໃຊ້ແມ່ນຈະເຮັດໃຫ້ຜິວລະຄາຍເຄືອງ ແລະ ເປັນຝ້າຖາວອນ

2. ສານປຣອດ ແລະ ແອມໂມເນຍ 
ການໃຊ້ເຄື່ອງສຳອາງທີ່ມີສານປຣອດ ແລະ ແອມໂມເນຍໄປດົນໆ ຈະເກີດການສະສົມໃນຜິວໜັງແລະຮ່າງກາຍ ເພາະສານນີ້ອາດຖືກດູດຊຶມສູ່ກະແສເລືອດເຊິ່ງອາດເປັນອັນຕະລາຍເຖິງແກ່ຊີວິດໄດ້ ຈິ່ງຄວນກວດຫາສາເຫດກ່ອນນຳມາໃຊ້ລົງກັບຜິວໜ້າ, ຜິວກາຍຂອງຕົນເອງ ເຊິ່ງວິທີກວດສອບແມ່ນ ຕ້ອຍຄຣີມທາຜິວ ຫຼື ຄຣີມທາໜ້າທີ່ຊື້ມາລົງໄປບໍລິເວນແຂນຄວາມກ້ວາງປະມານເທົ່ານີ້ວມືນີ້ວຊີ້ ຈາກນັ້ນກໍ່ເອົາພລາສເຕີ້ຕິດບາດມາຕິດທັບຈຸດທີ່ຕ້ອຍຄຣີມໄວ້ ແລະ ເອົາພລາສເຕີ້ອີກອັນໜຶ່ງ ມາຕິດໄວ້ທາງຂ້າງບ່ອນທີ່ບໍ່ໄດ້ທາຄຣີມທາຜິວນັ້ນ ປະໄວ້ 12 ຊົ່ວໂມງແລ້ວມາແກະພລາສເຕີ້ທັງສອງນັ້ນອອກ ປຽບທຽບກັນເບິ່ງຖ້າບໍລິເວນທາຄຣີມມັນເປັນສີຂາວຊີດກວ່າບ່ອນບໍ່ໄດ້ທາຄຣີມກໍ່ສະແດງວ່າສ່ວນປະສົມຂອງຄຣີມທີ່ເຮົາຊື້ມາທານັ້ນມີສານ ປຣອດ ແລະ ແອມໂມເນຍ ປະສົມຢູ່ນຳ

3. ສານສະເຕຍຣອຍ (Steroids)
ສາມາດກວດສອບໄດ້ໂດຍການໃຊ້ເຄື່ອງສຳອາງທາບໍລິເວນແຂນຈາກນັ້ນໃຊ້ພລາສເຕິ້ຕິດທັບບໍລິເວນທີ່ທາຄຣີມໄວ້ ຫຼັງຈາກນັ້ນປະໄວ້ 6 ຊົ່ວໂມງ ໃຫ້ແກະພລາສເຕີທີ່ຕິດອອກຫາກຜິວເປັນສີຊີດຫຼາຍກວ່າບໍລິເວນອື່ນ ສະແດງວ່າມີສານສະເຕຍຣອຍປົນຢູ່ ເຊິ່ງສານນີ້ຖືເປັນສານຕ້ອງຫ້າມໃນເຄື່ອງສຳອາງອີກຊະນິດໜຶ່ງ ເພາະຫຼັງຈາກທີ່ໃຊ້ເຄື່ອງສຳອາງທີ່ປະສົມສານສະເຕຍຣອຍເປັນເວລາດົນຈະເຮັດໃຫ້ ຜິວໜ້າບາງໄວຕໍ່ແສງແດດ ເປັນສິວ ບວມນ້ຳ ແລະ ຜິວໜັງອັກເສບໄດ້

ສາມສານທີ່ກ່າວມາຂ້າງເທິງນີ້ຖ້າທ່ານກວດພົບໃນເຄື່ອງສຳອາງທີ່ຊື້ມາຄວນຢຸດໃຊ້ທັນທີ ເພື່ອຄວາມປອດໄພຂອງທ່ານເອງ

ບົດຄວາມຫຼ້າສຸດ

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...

ສປປ ລາວ ເຂົ້າຮ່ວມເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ (OAC)

ໃນວັນທີ 5 ພະຈິກ 2026 ທີ່ຜ່ານມາ, ສປປ ລາວ ໄດ້ເຂົ້າຮ່ວມການເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ ຫຼື One Asia Communications (OAC) ໃນເວທີປຶກສາຫາລືດ້ານການສື່ສານ...

ແກ້ໄຂຫຼາຍບັນຫາ ນະຄອນຫຼວງວຽງຈັນ ແກ້ໄຂບັນຫາຄວາມທຸກຍາກ ການຂາດແຄນຄູສອນ ການບໍລິຫານຈັດການຂີ້ເຫຍື້ອ

ກອງປະຊຸມສະໄໝສາມັນ ເທື່ອທີ 2 ຂອງສະພາປະຊາຊົນ ນະຄອນຫຼວງວຽງຈັນ ຊຸດທີ V ໄດ້ດໍາເນີນມາຮອດວັນທີ 13 ພະຈິກ 2026 ໄດ້ປິດລົງດ້ວຍຜົນສໍາເລັດອັນຈົບງາມ ພາຍໃຕ້ການເປັນປະທານຂອງ ທານ...

ກົດລະບຽບພາຍໃນ, ບໍ່ຈອດຊ້ອນຄັນ ຫຼື ກີດຂວາງທາງເຂົ້າ-ອອກ, ບໍ່ຈອງບ່ອນຈອດລົດສາທາລະນະດ້ວຍວັດຖຸ ແລະ ບໍ່ຫຼົບຫຼີກການຊຳລະຄ່າບໍລິການ.

ການຊອກຫາບ່ອນຈອດລົດໃນຕົວເມືອງຍັງກາຍເປັນບັນຫາທີ່ສ້າງຄວາມຫຍຸ້ງຍາກໃຫ້ແກ່ຜູ້ຂັບຂີ່ ໂດຍສະເພາະ ການຈອດລົດບໍ່ເປັນລະບຽບ, ທັງກີດຂວາງການສັນຈອນ ແລະ ສ່ຽງຕໍ່ການເກີດອຸບັດຕິເຫດ ເພື່ອແກ້ໄຂບັນຫາດັ່ງກ່າວ. ດັ່ງນັ້ນນະຄອນຫຼວງວຽງຈັນ (ນວ) ຈຶ່ງໄດ້ຮ່າງຂໍ້ຕົກລົງວ່າດ້ວຍ ການຄຸ້ມຄອງ ແລະ ພັດທະນາສະຖານທີ່ຈອດລົດ ເພື່ອວາງລະບຽບການຈອດລົດໃຫ້ເປັນລະບົບ...