spot_img
Homeຂ່າວທ້ອງຖິ່ນຍອດຜູ້ຫາຍສາບສູນຂອງທະຫານອາເມລິກາໃນປາງສົງຄາມ ຢູ່ ສປປ ລາວຍັງເຫລືອ 302 ຄົນ, ພົບແລ້ວ 271 ຄົນ

ຍອດຜູ້ຫາຍສາບສູນຂອງທະຫານອາເມລິກາໃນປາງສົງຄາມ ຢູ່ ສປປ ລາວຍັງເຫລືອ 302 ຄົນ, ພົບແລ້ວ 271 ຄົນ

Published on

ໃນລະຫວ່າງວັນທີ 10-12 ມິຖຸນາ 2016 ທີຜ່ານມາ, ຄະນະຊີ້ນຳຝ່າຍລາວຮັບຜິດຊອບວຽກງານການສຳຫຼວດ ແລະຂຸດຄົ້ນເພື່ອຊອກຫາຮ່ອງຮອຍ ແລະ ສິ່ງເສດເຫຼືອຂອງທະຫານອາເມລິກາທີ່ຫາຍສາບສູນໃນປາງສົງຄາມຢູ່ລາວ(MIA),ກະຊວງການຕ່າງປະເທດ ແລະ ກະຊວງປ້ອງກັນປະເທດນຳໂດຍທ່ານ ແສງເພັດ ຮຸ່ງບຸນຍວງ ຮອງລັດຖະມົນຕີກະຊວງການຕ່າງປະເທດ,ພ້ອມດ້ວຍຄະນະ,ໄດ້ເດີນທາງໄປຢ້ຽມຢາມການປະຕິບັດງານຮ່ວມລາວ-ອາເມລິກາຢູ່ພາກສະໜາມ, ຊຶ່ງຢູ່ໃນໄລຍະການສຳຫຼວດ ແລະຂຸດຄົ້ນໃນຄັ້ງທີ4 ປະຈຳສົກປີ2015-2016ຢູ່ຊຽງຂວາງ ແລະຫົວພັນ.

ໃນໂອກາດດັ່ງກ່າວ, ທ່ານຮອງລັດຖະມົນຕີກະຊວງການຕ່າງປະເທດພ້ອມດ້ວຍຄະນະໄດ້ເດີນທາງໄປຢ້ຽມຢາມການປະຕິບັດວຽກງານຕົວຈິງຂອງການຂຸດຄົ້ນຢູ່ຈຸດກໍລະນີ 1541 ຢູ່ເຂດບ້ານນາກູດ, ເມືອງຫ້ຽມ, ແຂວງຫົວພັນ ແລະຢ້ຽມຢາມການປະຕິບັດງານຂອງຄະນະວິຊາການຮ່ວມລາວ-ອາເມລິກາຢູ່ເມືອງຄຳ ແຂວງຊຽງຂວາງ,ໂດຍໄດ້ມີການພົບປະ ແລະ ໂອ້ລົມກັບບັນດາພະນັກງານວິຊາການປະຈຳພາກສະໜາມກະຊວງການຕ່າງປະເທດ, ກະຊວງປ້ອງກັນປະເທດ ແລະອຳນາດການປົກຄອງທ້ອງຖິ່ນ. ຈຸດປະສົງຂອງການລົງຢ້ຽມຢາມພາກສະໜາມໃນຄັ້ງນີ້ແມ່ນເພື່ອເປັນການກະຕຸກຊຸກຍູ້ໃຫ້ກຳລັງໃຈໃຫ້ແກ່ອ້າຍນ້ອງທີ່ກຳລັງປະຕິບັດໜ້າທີ່ ແລະ ທັງເປັນການສະແດງໃຫ້ເຫັນຄວາມຈິງໃຈຂອງລັດຖະບານ ແຫ່ງ ສ.ປປ ລາວ, ທີ່ມີຕໍ່ວຽກງານການສຳຫຼວດ ແລະຂຸດຄົ້ນເພື່ອຊອກຫາຮ່ອງ ຮອຍ ແລະ ສິ່ງເສດເຫຼືອຂອງທະຫານອາເມລິກາທີ່ຫາຍສາບສູນໃນປາງສົງຄາມຢູ່ລາວ(MIA).

ການຮ່ວມມືສອງຝ່າຍລາວ-ອາເມລິກາໃນຕະຫຼອດໄລຍະເວລາ 30 ກວ່າປີຂອງການດຳເນີນວຽກງານດັ່ງກ່າວ,ໄດ້ຮັບຜົນສຳເລັດຫຼາຍກວ່າ 50% ຂອງຈຳນວນຜູ້ຫາຍສາບສູນທັງໝົດ 573 ຄົນແລະ ໄດ້ຄົ້ນພົບຊີ້ນສ່ວນທີ່ໄດ້ຮັບການຢັ້ງຢືນໄປແລ້ວຈຳນວນ 271 ຄົນໂດຍທີ່ຍອດຜູ້ຫາຍສາບສູນຂອງທະຫານອາເມລິກາຢູ່ ສປປ ລາວຍັງເຫຼືອຈຳນວນ 302 ຄົນ. ລັດຖະບານລາວຢືນຢັນວ່າຈະສືບຕໍ່ໃຫ້ການຮ່ວມມືໃນວຽກງານດັ່ງກ່າວຕາມຄວາມອາດສາມາດຕົວຈິງເພື່ອນຳເອົາສິ່ງເສດເຫຼືອຂອງທະຫານອາເມລິກາທີ່ເສຍສາບສູນໃນປາງສົງຄາມຢູ່ລາວສົ່ງຄືນໃຫ້ຄອບຄົວຂອງເຂົາເຈົ້າ.

ເວົ້າລວມແລ້ວ, ການຮ່ວມມືໃນດ້ານນີ້ໄດ້ຮັບຜົນສຳເລັດອັນດີເປັນກ້າວໆມາກໍ່ຍ້ອນຄວາມເອົາໃຈໃສ່ຢ່າງຈິງໃຈຂອງລັດຖະບານ ແລະ ເຈົ້າໜ້າທີ່ຂອງລາວທຸກໆຂັ້ນແຕ່ສູນກາງຫາທ້ອງຖິ່ນ ແລະການຮ່ວມມືອັນດີຂອງພໍ່ແມ່ປະຊາຊົນບັນດາເຜົ່າ,ສິ່ງເຫຼົ່ານີ້ໄດ້ສະແດງໃຫ້ເຫັນເຖິງນະໂຍບາຍມະນຸດສະທຳອັນສະເໝີຕົ້ນສະເໝີປາຍຂອງລັດຖະບານແຫ່ງສາທາລະນະລັດປະຊາທິປະໄຕປະຊາຊົນລາວທີ່ມີຕໍ່ປະຊາຊົນອາເມລິກາ, ໂດຍສະເພາະຕໍ່ຄອບຄົວຍາດພີ່ນ້ອງຂອງຜູ້ທີ່ຫາຍສາບສູນໃນປາງສົງຄາມ.

ຂ່າວຈາກ: ສ

ບົດຄວາມຫຼ້າສຸດ

ທ່ານ ອານຸພາບ ວົງໜໍ່ແກ້ວ ເປັນຮອງລັດຖະມົນຕີກະຊວງການຕ່າງປະເທດຄົນໃໝ່

ປະກາດແຕ່ງຕັ້ງ ທ່ານ ອານຸພາບ ວົງໜໍ່ແກ້ວ ເປັນຮອງລັດຖະມົນຕີກະຊວງການຕ່າງປະເທດຄົນໃໝ່ ຢ່າງເປັນທາງການ ວັນທີ 4 ມິຖຸນາ 2025 ຢູ່ກະຊວງການຕ່າງປະເທດ ໄດ້ຈັດພິທີປະກາດການ ຈັດຕັ້ງຕຳແໜ່ງບໍລິຫານຮອງລັດຖະມົນຕີ, ຫົວໜ້າກົມ ແລະ...

ສປປ ລາວ ສົ່ງອອກໝາກມ່ວງສົດ ຂະບວນທໍາອິດ ໄປສູ່ ສປ ຈີນ ຈຳນວນ 90 ໂຕນ

ສົ່ງອອກສູ່ຕະຫຼາດສາກົນ ສປປ ລາວ ສົ່ງອອກໝາກມ່ວງສົດຂະບວນທຳອິດ ໄປສູ່ ສປ ຈີນ ຈຳນວນ 90 ໂຕນ ວັນທີ 30 ພຶດສະພາ 2025 ໄດ້ມີພິທີເປີດຂະບວນສົ່ງຫມາກມ່ວງສົດຂະບວນທຳອິດຈາກສປປ...

ຂ່າວດີ! ເປີດບໍລິການຄືນໃໝ່ແລ້ວ ຖ້ຽວບິນນະຄອນຫຼວງວຽງຈັນ-ຊຽງຂວາງ

ຖ້ຽວບິນນະຄອນຫຼວງວຽງຈັນ-ຊຽງຂວາງ ເປີດບໍລິການຄືນໃໝ່ແລ້ວ ເລີ່ມ 1 ມິຖຸນາ 2025 ເປັນຕົ້ນໄປ. ລັດວິສາຫະກິດການບິນລາວໄດ້ເປີດຖ້ຽວບິນລະຫວ່າງນະຄອນຫຼວງວຽງຈັນ ແລະ ແຂວງຊຽງຂວາງຄືນໃໝ່ ເລີ່ມແຕ່ວັນທີ 1 ມິຖຸນາເປັນຕົ້ນໄປດ້ວຍເຮືອບິນ ATR 72...

ກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025

ໄຂກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025 ຢ່າງເປັນທາງການ. ກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025 ໄຂຂຶ້ນໃນວັນທີ29 ພຶດສະພາ 2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານຂອງ ທ່ານ...