spot_img
HomeມູມໄອທີລາວOnePlus 3 ສະມາດໂຟນສະເປັກແຮງທີ່ຈະມາຂ້າເຮືອທຸງຄ່າຍອື່ນ

OnePlus 3 ສະມາດໂຟນສະເປັກແຮງທີ່ຈະມາຂ້າເຮືອທຸງຄ່າຍອື່ນ

Published on

OnePlus ປະກາດເປີດໂຕສະມາດໂຟນເຮືອງທຸງລຸ້ນໃໝ່ນາມວ່າ OnePlus 3 ຢ່າງເປັນທາງການແລ້ວຜ່ານແອັບ Loop VR!!. ສຳລັບສະເປັກຂອງໂຕເຄື່ອງແລະລາຄານັ້ນເຮັດອອກມາເພື່ອຂ້າໂທລະສັບເຮືອທຸງລຸ້ນອື່ນອີຫຼີ່ເພາະລາຄາພຽງແຕ່ $399 ເທົ່ານັ້ນ.

image

ສຳລັບໂຕເຄື່ອງຂອງ OnePlus 3 ແມ່ນເຮັດດ້ວຍວັດສະດຸອະລູມີນ້ຽມ, ຕິດຕັ້ງເຊັນເຊີ້ສະແກນນິ້ວມືໄວ້ທີ່ປຸ່ມໂຮມດ້ານໜ້າໂຕເຄື່ອງ, ສ່ວນໜ້າຈໍນັ້ນແມ່ນໃຊ້ຈໍ Optic AMOLED ຂະໜາດ 5.5 ນິ້ວ, ຄວາມລະອຽດ Full HD (1920 x 1080 ພິກເຊວ), 401PPI ແລະປ້ອງກັນດ້ວຍແກ້ວ Gorilla Glass 3.

image

ດ້ານຮາດແວຣ໌ພາຍໃນແມ່ນມາພ້ອມກັບຊິບປະມວນຜົນ Snapdragon 820 ຄວາມແຮງ 2.15GHz, ແຕ່ບໍລິສັດເຄລມວ່າສາມາດບູດຄວາມແຮງສູງສຸດ 2.2GHz ແລະ ມາພ້ອມກັບ GPU Adreno 530 GPU. RAM 6GB ແລະພື້ນທີ່ຈັດເກັບ 64GB UFS 2.0 ບໍ່ສາມາດເພີ່ມ microSD ໄດ້

ດ້ານຫຼັງຂອງ OnePlus 3 ຕິດຕັ້ງກ້ອງມາ 16 ລ້ານພິກເຊວ ໃຊ້ເຊັນເຊີ້ຂອງ Sony IMX298, ຄ່າ f/2.0 ມາພ້ອມກັບ OIS, EIS ແລະ PDAF, ຮອງຮັບການຖ່າຍວີດີໂອ 4K ທີ່ 30fps ແລະ ໂໝດສະໂລໂມຊັ່ນ HD ທີ່ 120fps. ສ່ວນກ້ອງໜ້ານັ້ນໃຫ້ມາ 8 ລ້ານພິກເຊວ ໃຊ້ເຊັນເຊີ້ຂອງ Sony IMX179 ພ້ອມກັບ f/2.0 ແລະ EIS.

image

ສຳລັບແບັດເຕີຣີນັ້ນໃຫ້ມາ 3000mAh ພ້ອມກັບເທັກໂນໂລຢີ DASH Charge ທີ່ສາມາດສາກແບັດໂທລະສັບໃຫ້ໄດ້ 60% ພຽງ 30 ນາທີ. ດ້ານຄຸນສົມບັດອື່ນໆກໍມີ NFC, Wi-Fi ac, ພອຣດ USB Type-C, ໄຟແຈ້ງເຕືອນ RGB, ເລື່ອນການແຈ້ງເຕືອນ, ຮອງຮັບ 2 ຊິມ, ຮອງຮັບ 4G LTE Cat. 6, ລະບົບສຽງ Dirac HD sound ແລະໄມໂຄຣໂຟນສອງອັນ ພ້ອມລະບົບຕັດສຽງລົບກວນ. ໂຕເຄື່ອງແມ່ນໃຊ້ງານລະບົບ Android 6.0 Marshmallow ທັບດ້ວຍ OxygenOS.

image

ໂຕເຄື່ອງມີ 2 ສີໃຫ້ເລືອກໄດ້ແກ່ Graphite ແລະ Soft Gold. ສຳລັບລຸ້ນ Graphite ນີ້ຈະເປັນລຸ້ນທີ່ຈຳໜ່າຍໃນທົ່ວໂລກ ລາຄາຢູ່ທີ່ $399, ໃນຂະນະທີ່ລຸ້ນ Soft Gold ຍັງບໍ່ມີຂໍ້ມູນໃດໆ

ປິດທ້າຍຂ່າວດ້ວຍຮູບຈາກກ້ອງຫຼັງຂອງ OnePlus 3

ທີ່ມາ:1,2

ບົດຄວາມຫຼ້າສຸດ

ໄຂກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025 ຢ່າງເປັນທາງການ

ໄຂກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025. ກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025 ໄດ້ໄຂຂຶ້ນໃນຕອນເຊົ້າ ວັນທີ 9 ຕຸລາ 2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານ ຂອງທ່ານ ສອນໄຊ...

ລາວເສຍຫາຍໜັກ! ຜົນກະທົບຈາກພາຍຸບົວລອຍ ພັດຖະລົ່ມລາວ ເຮັດໃຫ້ມີຜູ້ເສຍຊີວິດທັງໝົດ 4 ຄົນ.

ພາຍຸບົວລອຍ ສົ່ງຜົນກະທົບຕໍ່ 34 ເມືອງໃນທົ່ວປະເທດ ມີຜູ້ເສຍຊີວິດ 4 ຄົນ ຮອງນາຍົກຊີ້ນຳໃຫ້ເລັ່ງໃຫ້ການຊ່ວຍເຫຼືອຜູ້ໄດ້ຮັບຜົນກະທົບໂດຍດ່ວນ. ໃນຕອນເຊົ້າວັນທີ 6 ຕຸລາ 2025, ທີ່ຫ້ອງວ່າການສໍານັກງານນາຍົກລັດຖະມົນຕີ ຄະນະກໍາມະການຄຸ້ມຄອງໄພພິບັດຂັ້ນສູນກາງ ໄດ້ຈັດກອງປະຊຸມ...

ແລກເມຍກັບງົວ 1 ໂຕ ເມື່ອໜຸ່ມອິນໂດເນເຊຍຖືກເມຍຄົບຊູ້ ຈຶ່ງສະເໜີການແລກປ່ຽນເພື່ອຈົບບັນຫາ

ໃນວັນທີ 07/10/2025 ລາຍງານຈາກສຳນັກຂ່າວໃນປະເທດອິນໂດເນເຊຍ ມີຄລິບເຫດການທີ່ເປັນກະແສເນື່ອງຈາກມີຊາຍຄົນໜຶ່ງຍອມໃຫ້ເມຍຕົນເອງໄປຄົບກັບຊູ້ ພ້ອມຍອມແລກເມຍກັບງົວ 1 ໂຕ, ແລະເງິນອີກປະມານ 5,000,000 ລູເປຍອິນໂດເນເຊຍ (ປະມານ 6,800,000 ກີບ) ຜ່ານການຕົກລົງຈາກທັງ 2...

14 ຂໍ້ຫ້າມພາຍໃນບຸນອອກພັນສາ ແລະ ຊ່ວງເຮືອປະເພນີ້່ ທີ່ທ່າວັດຈັນ ເມືອງຈັນທະບູລີ ນະຄອນຫຼວງວຽງຈັນ ຈັດຂຶ້ນໃນ ວັນທີ 04-08 ຕຸລາ 2025

ທ່ານ ແສງສາທິດ ພິມເມືອງ ຕາງໜ້າອົງການປົກຄອງເມືອງຈັນທະບູລີ ປະທານຄະນະກໍາມະການຈັດງານບຸນອອກພັນສາປະວໍລະນາ ແລະ ຊ່ວງເຮືອປະເພນີ ທີ່ທ່າວັດຈັນ ປະຈໍາປີ 2025 ໄດ້ຖະແຫຼງຂ່າວຕໍ່ສື່ມວນຊົນໃນການກະກຽມ ແລະ ຈັດງານບຸນ ລະຫວ່າງ...