ຫຼາຍໆຄົນອາດຈະຮູ້ກັນແນ່ແລ້ວກ່ຽວກັບຄຸນປະໂຫຍດ ແລະ ສັບພະຄຸຂອງນ້ຳໝາກພ້າວ ແຕ່ມື້ນີ້ເຮົາໄດ້ມີຂໍ້ມູນເພີ່ມເຕີມອີກຫຼາຍຢ່າງທີ່ຫຼາຍຄົນອາດຈະບັງບໍ່ທັງຮູ້ເທື່ອ. ດັ່ງນັ້ນ, ເຮົາຈຶ່ງມີຂໍ້ມູນບາງສ່ວນທີ່ອາດຈະເປັນປະໂຫຍດກັບຫຼາຍໆທ່ານໄດ້ຮູ້ໄວ້ກໍ່ບໍ່ເສຍຫາຍຫຍັງ.
ນ້ຳໝາກພ້າວແມ່ນຊ່ວຍຫຼຸດອາການກ່ອນມີປະຈຳເດືອນຂອງແມ່ຍິງທຸກຄົນ ເຊິ່ງເປັນເລື່ອງທຳມະຊາດ ແລະ ບໍ່ສາມາດຫຼີກລ້ຽງໄດ້ເປັນຕົ້ນແມ່ນອາການເຈັບຫົວ, ເຈັບທ້ອງນ້ອຍ ຫຼື ມີອາລົມທີ່ປ່ຽນແປງຢູ່ຕະຫຼອດເວລາ. ກາດື່ມນ້ຳໝາກພ້ອມພ້ອມກັບກິນເນື້ອອ່ອນນັ້ນຮ່າງກາຍຈະໄດ້ທັງ (Estrogen) ແລະ (Progesterone). ເຊິ່ງຈະໄປອອກລິດຕ້ານຮໍໂມນ (androgen) ເຮັດໃຫ້ສິວຫຼຸດລົງ, ຜິວພັນລຽບນຽນ ແລະ ມີສຸຂະພາບຜິວດີຂຶ້ນເໝາະກັບຜູ້ມັກມີບັນຫາກັບການເປັນສິວ.
ຊ່ວຍຕັບທຳລາຍສານ (estrone) ເຊິ່ງເປັນສານທີ່ຖືກປ່ຽນໄປເປັນຮໍໂມນ (Estrogen) ໃຫ້ກາຍເປັນສານ (estriol) ທີ່ຖືວ່າເປັນຮູບຮ່າງຂອງ (Estrogen) ທີ່ປອດໄພທີ່ສຸດ. ຜູ້ທີ່ດື່ມນ້ຳໝາກພ້າວເປັນປະຈຳຈະສາມາດປ້ອງກັນມະເຮັງເຕົ້ານົມໄດ້ ເພາະໃນນ້ຳໝາກພ້າວຈະມີສານທີ່ຊ່ວຍຮັກສາສົມດຸດ (Estrogen) ໄດ້ ແລະ ຍັງຊ່ວຍຫຼຸດອາການຮ້ອນຕົນຕົວ ຫຼື ເຫື່ອໄຫຼອອກກາງຄືນໃນຜູຍິງໄວໝົດປະຈຳເດືອນອີກດ້ວຍ.
ນອກຈາກນີ້, ນ້ຳກໝາກພ້າວຍັງສາມາດນຳເອົາມາລ້າງໜ້າໄດ້ນຳເພື່ອໃຫ້ສົດໃສເປັ່ງປັ່ງ ເນື່ອງຈາກວ່າໃນນ້ຳໝາກພ້າວປະກອບໄປດ້ວຍເກືອແຮ່ ແລະ ຍັງເປັນກົດອ່ອນໆທີ່ຊ່ວຍຜັດປ່ຽນເຊລຜິວໃຫ້ສົດໃສຢູ່ສະເໝີນຳ. ສຳລັບທ່ານໃດທີ່ມັກສະປາ ຫຼື ອາບນ້ຳແຮ່ໃຊ້ເປັນນ້ຳໝາກພ້າວແທນກໍ່ໄດ້ ເພາະສາມາດຊຶມເຂົ້າຜິວໄດ້ດີເມື່ອອາບເລື້ອຍໆຈະເຮັດໃຫ້ຜິວພັນເຕັງຕຶງເປັນທຳມະຊາດ.
ຂໍ້ຄວນລະວັງ:
ສຳລັບໄວລຸ້ນຖ້າຈະດື່ມນ້ຳໝາກພ້າວບໍ່ຄວນດື່ມຂະນະທີ່ມີປະຈຳເດືອນ ເພາະອາດເຮັດໃຫ້ມີອາການໄຂ້ເນື່ອງຈາກນ້ຳໝາກພ້າວເປັນສານອາຫານທີ່ໃຫ້ພະລັງງານສູງ ແລະ ເຮັດໃຫ້ປະຈຳເດືອນມາຫຼາຍມື້ກວ່າເກົ່າຄວນງົດກ່ອນມີປະຈຳເດືອນປະມານ 5 ມື້.
ຂໍ້ມູນໂດຍ: ນັກຂ່າວເສດຖະກິດ-ການຄ້າ.