ສຳລັບຄຸນສົມບັດຊິງຮູບພາບ (Photo Sync) ເທິງແອັບພລິເຄຊັ່ນ Facebook, ເປັນຄຸນສົມບັດໜຶ່ງທີ່ເຮັດໃຫ້ເຮົາສາມາດເກັບຮູບພາບທີ່ສຳຄັນໄວ້ທີ່ເຟດບຸກໄດ້ງ່າຍໆ ໂດຍຜ່ານການຊິງ. ເຊິ່ງການຊິງຮູບພາບດັ່ງກ່າວນີ້ຈະເປັນແບບ “ສ່ວນໂຕ” ຫຼືເວົ້າງ່າຍໆກໍຄືຄົນອື່ນຈະບໍ່ເຫັນຮູບທີ່ເຮົາຊິງໄດ້ ນອກຈາກເຮົາຈະກົດແຊຣ໌ຮູບດັ່ງກ່າວເອງ.
ແຕ່ວ່າຂ່າວຮ້າຍກໍຄືຮູບພາບທີ່ເຮົາຊິງຜ່ານເຟດບຸກນັ້ນກຳລັງຈະຖືກລຶບໃນວັນທີ 7 ກໍລະກົດນີ້, ໂດຍທາງທີມງານເຟດບຸກໄດ້ສົ່ງຂໍ້ຄວາມຜ່ານອີເມວມາເຕືອນຜູ້ໃຊ້ກ່ຽວກັບເລື່ອງນີ້ແລ້ວ
ແຕ່ຍັງດທີ່ີມີທາງເລືອກສຳລັບໃຜທີ່ຕ້ອງການເກັບຮູບພາບທີ່ຊິງເອົາໄວ້ຕໍ່, ກໍຄືຕິດຕັ້ງແອັບພລິເຄຊັ່ນ Moments ແລະເຂົ້າສູ່ລະບົບກ່ອນວັນທີ 7 ກໍລະກົດນີ້ ແລະອີກທາງເລືອກໜຶ່ງກໍຄືໂຫຼດເອົາຮູບທີ່ເຮົາຊິງໄວ້ທັງໝົດລົງໃນຄອມ.
ສຳລັບຄຸນສົມບັດການຊິງຮູບພາບ (Photo Sync) ນີ້ຜູ້ຂຽນບໍ່ຮູ້ຄືກັນວ່າປະເທດລາວເຮົາຮອງຮັບຫຼືບໍ່? ເພາະຜູ້ຂຽນຈະໃຊ້ຜ່ານເວັບບຣາວເຊິ້ເປັນສ່ວນໃຫຍ່, ແຕ່ຫາກໃຜທີ່ໃຊ້ແອັບເຟດບຸກກໍລອງກວດສອບເບິ່ງເດີ້ວ່າໄດ້ຊິງຮູບພາບໄວ້ຫຼືບໍ່? ຖ້າຊິງກໍເລືອກວ່າຈະຕິດຕັ້ງແອັບ Moments ຫຼືວ່າຈະໂຫຼດເກັບໄວ້ເທິງຄອມ.
ສຳລັບແອັບ Moments ເລືອກຕິດຕັ້ງຕາມລິ້ງດ້ານລຸ່ມເລີຍ
ທີ່ມາ:phonearena