ສຳນັກຂ່າວເອເອັບຟີລາຍງານວ່າ ການປະທ້ວງຜົນງານຂອງພະນັກງານລົດໄຟ ແລະ ເຄື່ອງບິນເປັນໄພຄຸກຄາມທີ່ຈະນຳຄວາມວຸ້ນວາຍມາສູ່ຝຣັ່ງໃນຊ່ວງການແຂ່ງຂັນບານເຕະຊິງແຊັ໋ມແຫ່ງຊາດຢູໂຣບ ຫຼື ຢູໂຣ 2016 ສະຫະພາບແຮງງານຫຼາຍແຫ່ງຍັງຄົງມີຈຸດຢືນໝັ້ນຄົງໃນການຮຽກຮ້ອງໃຫ້ລົ້ມເລີກຮ່າງກົດໝາຍປະຕິຮູບແຮງງານທີ່ເປັນຂໍ້ຜິດຖຽງໂຕ້ແຍ້ງຢ່າງສູງ
ລາຍການແຂ່ງຂັນບານຢູໂຣ 2016 ໄດ້ເລີ່ມຂຶ້ນໃນວັນທີ 10 ມິຖຸນາ 2016ທີ່ຜ່ານມາ ຂະນະທີ່ສະຫະພາບແຮງງານນັກບິນແອຣຟຣ້ານປະກາດປະທ້ວງໃນວັນທີ 11 ມິຖຸນາ 2016 ວານນີ້ ໂດຍສະຫະພາບດັ່ງກ່າວລະບຸວ່າບໍ່ໄດ້ຕ້ອງການໃຫ້ກະທົບຕໍ່ບານຢູໂຣ 2016 ແຕ່ປະທ້ວງລັດຖະບານທີ່ປະຕິເສດການເຈລະຈາຕໍ່ລອງ
ຄະນະກຳມະການການທ່ອງທ່ຽວອອກມາກ່າວຫາສະຫະພາບແຮງງານວ່າທຳຕົວເໝືອນ “ຜູ້ກໍ່ການຮ້າຍ” ໂດຍການກໍ່ຄວາມບໍ່ສະຫງົບໃນພາກອຸດສະຫະກຳຕ່າງໆ ຈະສົ່ງຜົນກະທົບຕໍ່ການຄົມມະນາຄົມຂົນສົ່ງໃນຊ່ວງເວລາທີ່ແຟນບານຈຳນວນມະຫາສານກຳລັງຈະເດີນທາງມາຊົມການແຂ່ງຂັນບານເຕະຢູໂຣ 2016 ທີ່ຝຣັ່ງເປັນເຈົ້າພາບ ພ້ອມສະແດງຄວາມກັງວົນວ່າການປະທ້ວງຫຼາຍຄັ້ງກາຍເປັນຄວາມຮຸນແຮງເຊິ່ງຖືກນຳສະເໜີຂ່າວໄປທົ່ວໂລກ ຈະສ້າງຄວາມຢ້ານກົວໃຫ້ແກ່ນັກທ່ອງທ່ຽວ
ຂ່າວຈາກ: http://www.matichon.co.th/news/157863 ແລະ http://www.matichon.co.th/news/154828
ພາບຈາກ: ສຳນັກຂ່າວ BBC