ເມື່ອໃດທີ່ເປັນໄຂ້ ແລະ ຮູ້ສຶກສົງໃສວ່າເປັນໄຂ້ເລືອດອອກ ອາການຂອງໄຂ້ເລືອດອອກບໍ່ແມ່ນຈະມີອາການຕາຍຕົວເທົ່ານັ້ນ ເຊິ່ງອາການອາດມີຫຼາຍຢ່າງເກີດຂຶ້ນ ເດັກນ້ອຍບາງຄົນເມື່ອເວລາເປັນໄຂ້ຈະມີອາການພຽງເປັນໄຂ້ ແລະ ຜື່ນຂຶ້ນ ສ່ວນຜູ້ໃຫຍ່ອາດມີໄຂ້ສູງ, ປວດຫົວ, ປວດຕາມຕົນຕົວ, ປວດແຖວກະບອກຕາ, ປວດກ້າມເນື້ອ ເຊິ່ງລັກສະນະອາການທີ່ສຳຄັນຂອງໄຂ້ເລືອດອອກທີ່ທ່ານຈະຕ້ອງສັງເກດມີ:
1.ມີໄຂ້ສູງກະທັນຫັນ 2-7 ວັນ, ຈະມີໄຂ້ສູງເຖິງ 38.5 ອົງສາ, ເປັນໄຂ້ສູງລອຍ ໄຂ້ບໍ່ຫລຸດ
- ເບື່ອອາຫານ ໜ້າແດງ ປວດຫົວ ຮ່ວມກັບອາຫານປວດຮາກ, ຮາກ ແລະ ມີອາການປວດທ້ອງ ກົດເຈັບກ້ອງຊາຍໂຄງຂວາເນື່ອງຈາກຕັບໃຫຍ່
- ບາງຄົນອາດມີຈຸດເລືອດແດງໆຂຶ້ນຕາມລຳຕົວ ແຂນ, ຂາ ອາດມີເລືອດດັງອອກ ຫຼື ເລືອດອອກຕາມເຟັນແຂ້ວ ແລະ ຈະຖ່າຍອອກມາເປັນສີດຳເນື່ອງຈາກເລືອດອອກ ຈະເກີດໃນວັນທີ 3-4 ຂອງການເປັນໄຂ້
- ສຳລັບຄົນທີ່ເກີດອາການຊັອກຈະສັງເກດໄດ້ຈາກການທີ່ໄຂ້ຫລຸດລົງແຕ່ຜູ້ປ່ວຍຍັງມີອາການຊຶມລົງ ຕົວເຢັນ ເຊິ່ງຈະເຮັດໃຫ້ຜູ້ປ່ວຍໝົດສະຕິ ແລະ ເສຍຊີວິດໄດ້
ການດູແລເມື່ອສົງໃສວ່າເປັນໄຂ້ເລືອດອອກ
- ໄລຍະທີ່ມີໄຂ້ສູງໃຫ້ໝັ່ນເຊັດຕົວຫລຸດໄຂ້ ແລະ ໃຫ້ໃຊ້ຢາຫລຸດໄຂ້ ເຊັ່ນ: ຢາພາຣາເຊຕາມໍເທົ່ານັ້ນ ຫ້າມໃຊ້ຢາຈຳພວກແອສໄພຣິນ ເພາະຈະເຮັດໃຫ້ເລືອດອອກໄດ້ງ່າຍຂຶ້ນ
- ໃຫ້ດື່ມນ້ຳໝາກໄມ້ ຫຼື ສານລະລາຍຜົງນ້ຳຕານເກືອແຮ່ ( ໂອ ອາຣ ເອສ) ສຳລັບຄົນທີ່ຮາກຄວນດື່ມຄັ້ງລະໜ້ອຍໆ ແລະ ດື່ມເລື່ອຍໆ
- ສັງເກດເບິ່ງອາການປວດຮາກ, ຮາກ ການຂັບຖ່າຍໜັກ ແລະ ປັດສະວະ
ເມື່ອຮູ້ສຶກວ່າຕົວເອງມີອາການໄຂ້ແບບທີ່ກ່າວມາຂ້າງເທິງນີ້ໃຫ້ຟ້າວໄປພົບແພດເພື່ອທຳການຮັກສາດ່ວນ ກ່ອນທີ່ມັນຈະສາຍເກີນໄປ