ປະຕິເສດບໍ່ໄດ້ວ່າທຸກມື້ນີ້ ແອບພລິເຄເຊິນລາຍ (LINE) ເປັນເຄື່ອງມືສົນທະນາເທິງສະ ມາດໂຟນທີ່ບໍ່ວ່າເດັກນ້ອຍໄວ ຮຽນໄວຮຸ່ນ ໄວເຮັດວຽກໄປຈົນ
ເຖິງຮຸ່ນພໍ່ ແມ່ ແລະໃນທຸກໆໄວ ຕ່າງຍົກໃຫ້ເປັນຕົວເລືອກລຳດັບຕົ້ນໆ ສຳລັບການແຊດ ແຕ່ເຖິງ ຄາວຈຳເປັນຕ້ອງປ່ຽນສະມາດ ໂຟນຫຼືຕ້ອງລ້າງເຄື່ອງໃໝ່ຈະ ດ້ວຍບັນຫາໃດກໍ່ຕາມແຕ່ ສິ່ງທີ່ ຄົນໃຊ້ LINE ມັກກັງວົນນັ້ນ ຄືບົດສົນທະນາ ຫຼື ແຊດທີ່ໂອ້ລົມກັບໝູ່ຈະຫາຍໄປຊຶ່ງບັນຫານີ້ແກ້ໄດ້ບໍ່ຍາກ ໂດຍມື້ນີ້ ຄໍລຳຜ່າໂລກ ໄອທີມີວິທີບັນທຶກແຊດ LINE ສຳລັບຜູ້ໃຊ້ສະມາດໂຟນແອນດຣອຍ (Android ) ມາແນະນຳ.
- ເລີ່ມຕົ້ນຈາກເປີດແອັບ ພລິເຄເຊິນ LINE ແລະເຂົ້າໄປທີ່ໜ້າແຊດຂອງໝູ່ທີ່ສົນທະນານຳ
- ຈາກນັ້ນສັງເກດທີ່ມຸມ ຂອງໜ້າແຊດຈະມີລູກສອນຊີ້ລົງ ໃຫ້ເລືອກທີ່ລູກສອນນັ້ນ ພ້ອມກັບ ໄປທີ່ເມນູ “ຕັ້ງຄ່າແຊດ”
- ເມື່ອເຂົ້າມາທີ່ໜ້າຕັ້ງຄ່າ ແຊດໃຫ້ເລືອກທີ່ເມນູ “ສຳຮອງຂໍ້ ມູນປະຫວັດການແຊດ”
- ທັນທີທີ່ເລືອກຈະສະແດງ ປ໊ອບອັບໃຫ້ເລືອກອີກ 2 ເມນູ ໄດ້ແກ່ສຳຮອງຂໍ້ມູນເປັນຟາຍຂໍ້ ຄວາມກັບສຳຮອງຂໍ້ມູນທັງໝົດ ຊຶ່ງຕົວເລືອກທຳອິດຈະບັນທຶກ ສະເພາະຂໍ້ຄວາມ ສ່ວນຕົວເລືອກ ທີສອງຈະບັນທຶກທັງຂໍ້ຄວາມ ຮູບພາບ ລວມໄປເຖິງສະຕິກເກີທີ່ສົ່ງກັນໃນແຊດນຳ ໂດຍໃນທີ່ນີ້ແອັດມິນຈະເລືອກສຳຮອງຂໍ້ມູນ ທັງໝົດ
- ທັນທີທີ່ໂຫຼດຂໍ້ມູນສຳ ເລັດ ຮຽບຮ້ອຍຈະມີປ໊ອບອັບສະແດງ ຂຶ້ນມາອີກເທື່ອໜຶ່ງ ແຕ່ເທື່ອນີ້ຈະ ບອກວ່າແຊດທີ່ບັນທຶກໄວ້ຈະໄປຢູ່ ບ່ອນໃດໃນສະມາດໂຟນ ໂດຍໃນ ຂໍ້ຄວາມຈະເຫັນແຊດຂອງເຮົາ ຖືກບັນທຶກໄວ້ໃນໂຟນເດີ LINE_Backupໃນຊື່ LINE_And roid-backup-chat1584xxxxx.zip
ນອກຈາກນີ້ ຂໍ້ຄວາມຕໍ່ທ້າຍ ຈະລະບຸອີກວ່າທ່ານຕ້ອງການສົ່ງ ຟາຍນີ້ໄປທາງອີເມລ ຫຼື ໃໝ່ຫາ ຕ້ອງການໃຫ້ກົດໃຊ້
- ຫາກຕ້ອງການກວດວ່າ ຟາຍທີ່ເຮົາບັນທຶກຢູ່ໃນສະມາດ ໂຟນ ຫຼື ບໍ່ ໃຫ້ໄປທີ່ແອັບຟາຍສ່ວນ ຕົວຈາກນັ້ນເລືອກໄປຍັງບ່ອນ ເກັບມ້ຽນໃນເຄື່ອງ “LINE_Backup”ຈະພົບກັບໂຟນເດີ ເມື່ອ ກົດເຂົ້າໄປຈະພົບກັບຊື່ຟາຍແຊດທີ່ບັນທຶກໄວ້ກ່ອນໜ້ານີ້
- ໃນກໍລະນີທີ່ຕ້ອງການ ຍ້າຍໄປໃຊ້ສະມາດໂຟນແອນ ດຣອຍໜ່ວຍໃໝ່ແນະນຳວ່າຄວນ ນຳສະມາດໂຟນແອນດຣອຍມາ ຕໍ່ກັບຄອມພິວເຕີ ແລະເຂົ້າໄປທີ່ ຄວາມຈຳຕົວເຄື່ອງ ພ້ອມກັບບັນ ທຶກໂຟນເດີ LINE_Backup ມາໄວ້ໃນຄອມພິວເຕີກ່ອນ
- ເມື່ອສຳເລັດຮຽບຮ້ອຍ ໃຫ້ນຳສະມາດໂຟນແອນດຣອຍ ເຄື່ອງໃໝ່ຕໍ່ເຂົ້າກັບຄອມພິວເຕີ ພ້ອມກ໋ອບປີ້ໂຟນເດີ LINE_ Backupມາໄວ້ໃນຄວາມຈຳ ຕົວເຄື່ອງ
- ຫາກຕ້ອງການນຳປະຫວັດແຊດຂອງໝູ່ຜູ້ໃດກັບມາໃຫ້ເຂົ້າໄປທີ່ໜ້າແຊດຂອງເພື່ອຄົນ ນັ້ນແລ້ວເລືອກໄປທີ່ຕັ້ງຄ່າແຊດ ເລືອກທີ່ເມນູ “ນຳເຂົ້າຂໍ້ມູນປະ ຫວັດແຊດ” ຈາກນັ້ນລະບົບຈະ ທຳການຊິ້ງຂໍ້ມູນຈາກ LINE_Backup ແລະສະແດງບົດສົນ ທະນາຮູບພາບ ແລະສະຕິກເກີທີ່ ເຄີຍລົມກັນກັບແອັບ LINE ຂອງ ສະມາດໂຟນເຄື່ອງເກົ່າມາຍັງໜ້າແຊດໃນສະມາດໂຟນແອນດຣອຍເຄື່ອງໃໝ່ແລ້ວ.
ຫຼື ໃນກໍລະນີທີ່ບັນທຶກຟາຍ ແຊດລົງໃນຄອມພິວເຕີອາດຫຍຸ້ງຍາກເກີນໄປເຮົາສາມາດບັນທຶກ ແລະສົ່ງໄປຍັງອີເມລສ່ວນຕົວ ຂອງເຮົາໄດ້ ເມື່ອຕ້ອງການນຳປະຫວັດແຊດມາທີ່ສະມາດໂຟນ ເຄື່ອງໃໝ່ພຽງເຂົ້າໄປທີ່ອີເມລ ແລະດາວໂຫຼດຟາຍຂອງ LINE ທີ່ທຳການ Backupໄດ້.
ຈາກນັ້ນ ໃຫ້ທຳຕາມຄືກັນ ກັບຂັ້ນຕ້ອນທີ 9 ທຸກປະການເທົ່າ ນີ້ເຮົາກໍຈະຮຽກປະຫວັດການສົນ ທະນາຂອງໝູ່ເຮົາມາໃສ່ແອັບ LINE ໃນສະມາດໂຟນແອນດ ຣອຍເຄື່ອງໃໝ່ໄດ້ແລ້ວ.