ຖ້າຫາກວ່າຜູ້ທີ່ເປັນຜົວ ຫຼື ເມຍ ຫາກໄດ້ເສຍຊີວິດລົງ ແລະຜູ້ ທີ່ເສຍຊີວິດນັ້ນຊ້ຳພັດບໍ່ມີລູກ, ມີແຕ່ພໍ່ແມ່ ແລະເມຍ ຫຼື ຜົວ ແລະບໍ່ໄດ້ເຮັດພິໄນກຳເອົາໄວ້ໃນກໍລະນີ ນີ້ ເມຍ ຫຼື ຜົວ ຝ່າຍທີ່ຍັງມີຊີວິດຢູ່ ແລະ ພໍ່ແມ່ທີ່ຍັງມີຊີວິດຢູ່ນັ້ນຈະແບ່ງປັນມູນມໍລະດົກກັນຄືແນວໃດ? ໃຜຈະໄດ້ຊັບສິນສ່ວນໃດແດ່? ແລະໄດ້ໃນຈຳນວນເທົ່າໃດ? ຄຳ ຕອບໃນປະເດັ້ນນີ້ມີຢູ່ໃນມາດຕາ 13 ຂອງກົດໝາຍວ່າດ້ວຍການ ສືບທອດມູນມໍລະດົກຄືການແບ່ງປັນມູນມໍລະດົກລະຫວ່າງຜົວ ຫຼື ເມຍທີ່ຍັງມີຊີວິດຢູ່ ແລະຍາດສາຍ ຕັ້ງທີ່ໄດ້ລະບຸໄວ້ວ່າໃນກໍລະນີທີ່ຜົວ ຫຼື ເມຍ ຊຶ່ງບໍ່ມີລູກຫາກເສຍຊີ ວິດໄປຍັງເຫຼືອແຕ່ຜົວ ຫຼື ເມຍ ແລະຍາດສາຍຕັ້ງ, ການແບ່ງປັນມູນມໍລະດົກໃຫ້ປະຕິບັດດັ່ງນີ້: ເມຍ ຫຼື ຜົວ ທີ່ຍັງມີຊີວິດຈະໄດ້ຮັບສ່ວນແບ່ງປັນໜຶ່ງສ່ວນສາມຂອງຊັບ ເດີມຂອງຜູ້ທີ່ເສຍຊີວິດ ແລະອີກສອງສ່ວນສາມນັ້ນກໍ່ໃຫ້ແບ່ງປັນໃຫ້ແກ່ຍາດສາຍຕັ້ງເປັນພູດ ສະເໝີກັນ ນອກຈາກນີ້ຜົວ ຫຼື ເມຍຜູ້ທີ່ຍັງມີຊີວິດຢູ່ນັ້ນຈະໄດ້ຮັບສິນສົມສ້າງ ຊຶ່ງເປັນພູດຂອງຜູ້ທີ່ເສຍຊີວິດນັ້ນທັງໝົດ.
ຍົກຕົວຢ່າງ, ທ້າວ ໂລກ ຫາກໍໄດ້ແຕ່ງດອງແລ້ວຫຼັງຈາກນັ້ນ ກໍໄດ້ເສຍຊີວິດລົງ ໂດຍທີ່ຍັງບໍ່ທັນ ໄດ້ມີລູກ ທ້າວ ໂລກ ມີຊັບເດີມຄື ເງິນສົດຈຳນວນຮ້ອຍຊາວລ້ານ ແລະມີສິນສົມສ້າງສ່ວນຍັງເຫຼືອ ຈາກການແບ່ງປັນໃຫ້ເມຍທີ່ຍັງມີ ຊີວິດຢູ່ນັ້ນແລ້ວ, ແມ່ນເຮືອນ ແລະດິນໜຶ່ງຕອນ ຊຶ່ງທ້າວ ໂລກ ມີພຽງແຕ່ເມຍ ແລະພໍ່ແມ່ທີ່ເປັນຍາດພີ່ນ້ອງ ດັ່ງນັ້ນໃນການແບ່ງ ປັນມູນມໍລະດົກຂອງທ້າວ ໂລກ ລະຫວ່າງຜູ້ເປັນເມຍ ແລະພໍ່ແມ່ ນັ້ນແມ່ນມີຄືດັ່ງນີ້:
ຜູ້ເປັນເມຍຈະໄດ້ຮັບມູນມໍລະດົກໜຶ່ງສ່ວນສາມໃນສ່ວນທີ່ເປັນ ຊັບເດີມຂອງທ້າວ ໂລກ ນັ້ນກໍຄື ເອົາຈຳນວນເງິນໜຶ່ງຮ້ອຍຊາວລ້ານກີບມາຫານສາມເທົ່າກັນສີ່ ສິບລ້ານກີບ, ຜູ້ເປັນເມຍຈະໄດ້ຮັບ ມູນໃນສ່ວນນີ້ຈຳນວນສີ່ສິບລ້ານກີບ, ສ່ວນທີ່ຍັງເຫຼືອຈຳນວນແປດສີບລ້ານກີບແມ່ນໃຫ້ຕົກເປັນຂອງ ພໍ່ແມ່ຂອງທ້າວ ໂລກ ໃນສ່ວນທີ່ ເປັນພູດສິນສົມສ້າງຂອງຜູ້ທີ່ເສຍຊີວິດນັ້ນ, ຕາມກົດໝາຍແລ້ວແມ່ນ ໃຫ້ຕົກເປັນຂອງຜົວ ຫຼື ເມຍ ຂອງຜູ້ທີ່ເສຍຊີວິດ, ດັ່ງນັ້ນຊັບສິນໃນ ສ່ວນນີ້ຄືເຮືອນ ແລະດິນໜຶ່ງຕອນ ແມ່ນຈະຕົກເປັນຂອງເມຍຂອງທ້າວ ໂລກ ໂດຍທີ່ພໍ່ແມ່ບໍ່ມີສິດທີ່ຈະໄດ້ຮັບໃນສິນສ່ວນນີ້.
ກົດໝາຍໄດ້ກຳນົດໃຫ້ເປັນແບບນີ້, ຜູ້ຂຽນຄິດວ່າຈຸດປະສົງຂອງກົດໝາຍແມ່ນເພື່ອໃຫ້ສິດແກ່ສາຍຜົວເມຍ ແລະອີກປະການໜຶ່ງກໍ່ ຄືສິນສົມສ້າງແມ່ນຊັບສິນທີ່ຫາມາໄດ້ຮ່ວມກັນລະຫວ່າງຜົວເມຍພາຍຫຼັງທີ່ໄດ້ແຕ່ງດອງເປັນຜົວເມຍກັນແລ້ວ, ດັ່ງນັ້ນ ຈິ່ງຖືວ່າຊັບສິນທຸກຢ່າງທີ່ໄດ້ມາພາຍຫຼັງການແຕ່ງດອງນັ້ນກໍ່ແມ່ນຜູ້ເປັນຜົວ ຫຼື ເມຍຜູ້ທີ່ມີຊີວິດຢູ່ນັ້ນມີກຳມະສິດນຳທຸກປະການ.
ທີ່ມາ: ເສດຖະກິດ-ສັງຄົມ
ຄຳຖາມ? ຖ້າທາ່ນຄິດວ່າບໍ່ເປັນການລົຍກວນກະລຸນາຕອບຄຳຖາມຂອງຂ້າພະເຈົ້າດັ່ງຕໍ່ລົງໄປນີ້ຈະເປັນພະຄຸນຍີ້ງ.
ຄຳຖາມທີນື່ງ: ຂ້າພະເຈົ້າເປັນຄົນອົະຄຍົບໜິຈາກບ້ານເກີດໄປຕັ້ງຖີ່ນຖານຢູ່ USA ແຕ່ຕົ້ນປີ 1984 ຕອນນັ້ນແມ່ຂ້າພະເຈົ້າຍັງມີຊີວິດຢູ່ພ້ອມເອື້ອຽ ສອງ ຄົນ ພໍຕົກມາປີ 1990 ຂ້າພະເຈົ້າມີໂອກາດໄປເມືອງໄທຈັງຫວັດອູບົນເລີຽຕິດຕໍ່ໄຫ້ຄົນໄປຮັບເອົາແມ່ແລະເອື້ອຍມານອນຢາມຢູ່ຈັງຫວັດອູບົນແລະກໍ່ໃດ້ ຕົກລົງກັນເລື້ອງການແບ່ງປັນມູນຂອງພໍ່ແມ່ທີ່ມີປະຈຸບັນຊອ້ງໜ້າ ແມ່, ເອື້ອຽຜູ້ທີສອງ ສ່ວນຜູ້ເອື້ອຽໄຫ່ຽມີທຸລະບໍ່ສາມາດມາຮວ່ມໃດ້. ການຕົກລົງແບ່ງ ປັນດັ່ງນິ້ຄື: ເຮືອນຢູ່ປະຈຸບັນມອບໄຫ້ເອື້ອຽຜູ້ຢູ່ນຳ, ສ່ວນນານື່ງຜັ່ນນັ້ນໄຫ້ແບ່ງປັນເປັນສີ່ສວ່ນຄືໄຫ້ ເອື້ອຽກົກ, ເອ້ືອຽຜູ້ທີສອງ, ຜົວເອື້ອຽຜູ້ທີ່ສອງ, ແລະຂ້າພະເຈົ້ານອ້ງຊາຽຄົນດຽວ. ແຕ່ການຕົກລັງກັນຍໍ່ໃດ້ມີໜັງສືຢັ້ງຢືນຫຍັງຍອ້ນ ນື່ງຊອ້ງໜ້າແມ່ ສອງໄນນາມເອື້ອຽນອ້ງ ຮວ່ມອຸທອນດຽວກັນ. ຕໍ່ມາ ແມ່ໃດ້ເສັຽຊີວິດໄປ ເອື້ອຍຜູ້ທີ່ສອງຜູ້ເພີ່ນຢູ່ນຳແມ່ແບ່ງປັນມູນ ແຕ່ເພີ່ນເອົາຜູ້ດຽວໝົດແລະເພີ່ນກໍ່ຂາຽສ່ວນນື່ງເອົາເງິນ ມາແບ່ງໄຫ້ລູກເພີ່ນ. ຢາກຮູ້ວ່າກົດໝາຽບ້ານເຮົາຖ້າຮື້ຟື້ນຄືນເອື້ອຽກົກແລະຂ້າພະເຈົ້າພໍມີຫົນຈະໃດ້ຍໍມູນນາຈາກແມ່?
ຂໍໄຫ້ທາ່ນຕອບຜ່ານອີແມວຂອງຂ້າພະເຈົ້າຈະເປັນພະຄຸນຍິ້ງຄື:
ກົດໝາຍລະຫ່ວາງຄອບຄົວ ການຍ່າຮ້າງສິນສົມສ້າງຈະປັນລູກເຮົາຄົນ1ແລະລູກນ້າເດຈະເຮັດແບບໃດ
ມິດຈີ່ຫຼີ່
ຢາກສອບຖາມ ເພື່ອທ່ານຜູ້ຮູ້ຊ່ວຍຕອບ
ໃນກໍລະນີທ້າວ ກ ມີລູກຕິດ 2ຄົນ ມາແຕ່ງງານກັບນາງ ຂ ແລ້ວມີລູກນຳກັນ2ຄົນ ໄດ້ສ້າງທຸລະກິດຂື້ນມາຮ່ວມກັນ ມີລາຍຮັບຈຳນວນຫລາຍ ຕໍ່ມາທ້າວ ກ ໄດ້ເສຍຊິວິດລົງ ຢາກຖາມວ່າຈະແບ່ງຊັບສີນກັນແນວໃດ
Comments are closed.