ສະກາຍສະປອດ ສື່ດັງ ອັງກິດ ລາຍງານຂ່າວດ່ວນວ່າ ຫຼຸຍ ຟານກັລ ຜູ້ຈັດການທີມ ແມນເຊັດສະເຕີ ຢູໄນເຕັດ ຖຶກນັກຂ່າວຖາມເລື່ອງກ່ຽວກັບອະນາຄົດ ລາວຕອບດ້ວຍຄຳເວົ້າສັ້ນໆ ມັນຈົບແລ້ວ ລະຫວ່າງການເດີນທາງອອກໂຮງແຮມທີ່ພັກໃນ ລອນດອນ ຊ່ວງເຊົ້າວັນອາທິດ 22 ພຶດສະພາທີ່ຜ່ານມາຕາມເວລາທ້ອງຖິ່ນ.
ທີມ ແມນເຊັດສະເຕີ ຢູໄນເຕັດ ພັກທີ່ລອນດອນຫຼັງຄວ້າແຊ໋ມ ເອຟເອ ຄັບ ສະໄໝທີ 12 ໄດ້ດ້ວຍການເອົາຊະນະ ຄຣິສຕັລ ພາເລຊ 2-1 ເມື່ອວັນເສົາທີ່ຜ່ານມາ ທ່າມຂ່າວລືກັນ ວ່າ ຜູ້ຈັດການທີມຖູືກແທນທີ່ດ້ວຍ ໂຊເຊ ມູຣິນໂຢ ອະດີດຜູ້ຈັດການທີມ ເຊວຊີ ໃນອີກບໍ່ດົນນີ້.
ເມື່ອຖຶກນັກຂ່າວສະຖານີສະກາຍສະປອດ ຖາມເຖິງຄວາມຄິດເຫັນທີ່ມີຕໍ່ຂ່າວລືຊ່ວງທີ່ຜ່ານມາລະຫວ່າງການເດີນທາງອອກຈາກໂຮງແຮມທາງດ້ານ ແອລວີຈີ ຫຼຸດປາກອອກມາວ່າ ບໍ່ໆ ມັນຈົບແລ້ວ.
ທັງມີຂ່າວວ່າ ຟານກັລ ກຽມອອກຈາກຕຳແໜງໃນວັນຈັນນີ້ ເຖິງວ່າເຫຼືອສັນຍາອີກ 1 ປີ ກໍ່ຕາມຂະນະທີ່ ມູຣິນໂຢ ຈະໄດ້ຮັບການແຕ່ງຕັ້ງວັນອັງຄານດ້ວຍເວລາ 3 ປີ ລວມມູນຄ່າ 34,8 ລ້ານປອນ.
ຂ່າວຈາກ: ເສດຖະກິດ-ສັງຄົມ