ເຫລົ້າໂວດກາທີ່ຄໍເຫລົ້າຫລາຍທ່ານ ມັກປະສົມກັບບີສັດ ຫຼື ແມ່ນຫຍັງກໍແລ້ວແຕ່ເມື່ອປະສົມແລ້ວໃຫ້ປະໂຫຍດຫຍັງກໍບໍ່ແນ່ໃຈ ແຕ່ທີ່ແນ່ໆຄື ເມົາ,ໃນໂຕຈິງແລ້ວໂວດກາ ຍັງມີຄຸນປະໂຫຍດຫລາຍກວ່າຄຳວ່າເມົາ ເຊິ່ງໂວດກາຈະມີສັບພະຄຸນແນວໃດແນ່ເຮົາມາຮູ້ຈັກກັນເລີຍ
ຊ່ວຍຫລຸດກິ່ນອັບຕາມເສື້ອຜ້າ
ໂວດການັ້ນ ສາມາດຂ້າເຊື້ອແບັກທີເຣຍທີ່ຕົກຄ້າງຕາມເສື້ອຜ້າໄດ້ ແລະ ຍັງເຮັດໃຫ້ບໍ່ມີກິ່ນອີກດ້ວຍ ທ່ານຈິ່ງສາມາດໄປສີດພົ່ນໃສ່ເສື້ອຜ້າ ແລ້ວນຳໄປເບີຍໃນທີ່ທີ່ມີລົມລ່ວງ ຈາກນັ້ນກໍນຳມານຸ່ງໄດ້ຢ່າງສະບາຍ ແລະ ບໍ່ມີກິ່ນອັບ.
ຊ່ວຍໃຫ້ດອກໄມ້ສົດຊື່ນໄດ້ດົນ
ພຽງແຕ່ໃສ່ ໂວດກາ ຢອດດຽວ ກັບນໍ້າຕານຢິບນ້ອຍໆ 1ຢິບ ປົນລົງໄປໃນເຕົ້າດອກໄມ້ ຈະຊ່ວຍໃຫ້ດອກໄມ້ສົດຊື່ນສົດໃສໄດ້ດົນຂຶ້ນກວ່າເກົ່າ.
ສີດໄລ່ແມງວັນ
ຖ້າບໍ່ຄິດວ່າເປັນການລົງທຶນຫລາຍໂພດ ທ່ານອາດນຳເອົາໂວດກາມາໃສ່ຕຸກສະເປຣ ແລ້ວນຳໄປສີດພົ່ນໃສ່ຕາມຈຸດທີ່ຕ້ອງການຈະຊ່ວຍເປັນຢາໄລ່ແມງວັນ ແລະ ແມງໄມ້ອື່ນໆໄດ້.
ຊ່ວຍຂ້າສັດຕູພືດ
ນຳໂວດກາໜຶ່ງອອນຊ໌ ປົນກັບນໍ້າຢາລ້າງຖ້ວຍສອງສາມຢອດ ແລະ ນໍ້າລ້າ 2 ຖ້ວຍ ປະສົມເຂົ້າກັນ ສາມາດນຳໄປສີດພົ່ນເພື່ອຂ້າສິ່ງເຫລົ່ານັ້ນໄດ້.
ຮັກສາຜື່ນຈາກການຖືກແມງໄມ້ກັດ
ໃຫ້ຮວາດເຫລົ້າ ໂວດກາ ໃສ່ບ່ອນທີ່ຖິກແມງໄມ້ກັດ ຈະຊ່ວຍຫລຸດອາການແສບຮ້ອນ ແລະ ຜິວໜັງໃຄ່ບວມແດງໄດ້.
ລຶບຮອຍເປື້ອນໃນເສື້ອຜ້າ
ໃຊ້ ໂວດກາ ປົນກັບນໍ້າຢາກຳຈັດຄາບເປື້ອນ ແລ້ວນຳເຄື່ອງລົງໄປຊັກຄາບເປື້ອນກໍ່ຈະຫລຸດອອກໄດ້.
ເປັນນໍ້າຢາລີດຜ້າ
ຜອງໂວດກາປະມານ 3 ອອນຊ໌ ກັບນໍ້າມັນສະກັດຈາກ ລາເວັນເດີ12 ຢອດ ຄົນໃຫ້ເຂົ້າກັນ ປະໄວ້ 1 ມື້ ແລ້ວຈິ່ງຕື່ມນໍ້າບໍລິສຸດ 12 ອອນຊ໌ ສັ່ນໃຫ້ເຂົ້າກັນ ແລ້ວນຳມາສີດໃສ່ເສື້ອຜ້າ ກ່ອນນຳໄປລີດດ້ວຍເຕົາລີດໄຟຟ້າ ສູດນີ້ສາມາດເກັບມ້ຽນໃນຕູ້ເຢັນໄດ້ເຖິງ 6 ອາທິດ ກິ່ນລາເວັນເດີຈິ່ງຄ່ອຍເຫີຍ.
ຊ່ວຍຂັດເງົາ
ບໍ່ວ່າຈະເປັນໂລຫະ ເຄື່ອງແກ້ວ ຫຼື ດິນເຜົາ ຖ້າຕ້ອງການໃຫ້ກ້ຽງງາມຈົນເປັນເງົາ ພຽງແຕ່ເອົາຜ້າແພຈຸບ ໂວດກາ ແລ້ວນຳໄປຂັດສິ່ງດັ່ງກ່າວກໍ່ຈະເຮັດໃຫ້ເກີດຄວາມເງົາງາມໄດ້.
ລອກຮອຍກາວໜຽວຂອງສະຕິກເກີ
ຮອຍກາວໜຽວຈາກສະຕິກເກີທີ່ຕິດຕາມຝາ ຕິດຂ້າງຕູ້ເຢັນ ຫຼື ຕິດທີ່ແວ່ນລົດ ໃຊ້ຟອງນໍ້າຈຸ່ມໂວດກາ ນຳໄປຮຸກຖູຮອຍກາວອອກແລ້ວລ້າງດ້ວຍນໍ້າທີ່ປົນນໍ້າຢາລ້າງຖ້ວຍໜ້ອຍໜຶ່ງ ກໍບອກລາຮອຍເປື້ອນດັ່ງກ່າວໄດ້ເລີຍ.
ຄາບເຊື້ອຣາຕິດຝາພະໜັງໄດ້
ສີດໂວດກາລົງບໍລິເວນມີຄາບເຊື້ອຣາ ປະໄວ້ປະມານ 10-20 ນາທີ ແລ້ວໃຊ້ຜ້າເຊັດອອກ ຫຼື ໃຊ້ແປງຖູອອກ ກໍ່ຈະເຮັດໃຫ້ຄາບເຊື້ອຣາຫລຸດອອກໄດ້
ທີ່ມາ: http://www.girlsfriendclub.com/