ເວົ້າໄດ້ວ່າໃຜທີ່ກຳລັງວາງແຜນຈະຊື້ Galaxy S5 ໂທລະສັບເຮືອທຸງຈາກ Samsung ຫຼືໄດ້ຊື້ໄປແລ້ວກໍຄົງມີຕົວເລືອກການໃຊ້ງານແບັດເຕີຣີທີ່ໜ້າສົນໃຈໄວ້ພິຈາລະນາເພີ່ມຕື່ມ ໂດຍສະເພາະໃຜ ທີ່ບໍ່ມັກຊາຣດແບັດດຸຫຼືໃຊ້ແລ້ວແບັດຂະໜາດ 2800 ມິນລີແອັມທີ່ມີກັບຊຸດຂາຍມາດຕະຖານບໍ່ຄ່ອຍຈະພຽງພໍກັບຄວາມຕ້ອງການປານໃດ ແຕ່ວ່າມື້ນີ້ທາງ Mugen ບໍລິສັດຜະລິດແບັດເຕີຣີຊື່ດັງໄດ້ເຮັດແບັດຂະໜາດ 5900 ມິນລີແອັມໃຫ້ເປັນອີກໜຶ່ງໃນທາງເລືອກຮຽບຮ້ອຍແລ້ວ

ແຕ່ວ່າການໃຊ້ແບັດຈາກ Mugen ກ້ອນນີ້ຕ້ອງໄດ້ເສຍສະຫຼະໃນຄວາມບາງຂອງໂຕເຄື່ອງ 8 ມິນລີແມັດໜ້ອຍໜຶ່ງ ໄປເປັນຂໍ້ແລກປ່ຽນ ນອກຈາກນັ້ນແລ້ວຍັງຈຳເປັນຕ້ອງໄດ້ປ່ຽນຊຸດຝາຫຼັງທີ່ມີໃຫ້ເລືອກສີຂາວແລະດຳ ເຊິ່ງໄດ້ອອກແບບມາເປັນພິເສດເພື່ອໃຫ້ພໍດີກັບແບັດດັ່ງກ່າວນີ້ ນອກຈາກນັ້ນແລ້ວຝາຫຼັງຍັງຄົງມີຄວາມສາມາດໃນການໃຊ້ງານ NFC ແລະເພີ່ມຄຸນສົມບັດຮອງຮັບການຊາຣດແບບໄຮ້ສາຍເຂົ້າມາເປັນອີກທາງເລືອກຂອງຜູ້ໃຊ້ງານໄດ້ເຊັ່ນກັນ

ໂດຍແບັດເຕີຣີພິເສດສຳລັບ Galaxy S5 ນີ້ລາຄາປະມານ 89.50 ຫຼຽນສະຫະລັດ ສາມາດເບິ່ງລາຍລະອຽດໄດ້ທີ່ (Mugen) http://mugen.co/mugen-power-5900mah-extended-battery-for-samsung-galaxy-s5-with-battery-door.html

ທີ່ມາ: gsmarena