ສູດມັນຝຣັ່ງ ຫຼຸດຮ້ອຍຊໍ້າກ້ອງຕາ ບໍ່ຢາກເປັນຕາໝີແພນດ້າ ຟ້າວທຳຕາມສູດນີ້
ຊີວິດຂອງແມ່ຍິງ ນອກຈາກຈະຕ້ອງເຮັດວຽກແລ້ວ ກໍ່ຍັງຕ້ອງງາມໄປພ້ອມກັນກັບການເຮັດວຽກຕະຫຼອດໝົດມື້
ບາງມື້ກໍ່ຕ້ອງເລີຍໄປຫຼິ້ນກັບໝູ່ເພື່ອນອີກດ້ວຍ ງານໄປທ່ຽວແມ່ນໄປຮອດເດິກ ຕືນເຊົ້າແບບນີ້ ໝີແພນດ້າກ້ອງຕາຕ້ອງຖາມຫາກັນແນ່ນອນ ແຖມຍັງບໍ່ແມ່ນໝີແພນດ້າທີ່ໜ້າຮັກອີກດ້ວຍ ເປັນຕາອຸກໃຈ ແຕ່ບໍ່ຕ້ອງອຸກໃຈແລ້ວ ເພາະມື້ນີ້ເຮົາມີສູດຫຼຸດຮອຍຊໍ້າກ້ອງຕາມາຝາກໃຫ້ກັບແມ່ຍິງ ໄດ້ກັບມາເບິ່ງແຍງດວງຕາໃຫ້ໃສງາມແບບບໍ່ຕ້ອງຊື້ຢາ ຫຼຸດຮອຍຊໍ້າກ້ອງຕາແບບບໍ່ເປືອງເງິນເລີຍ ເປັນສູດທຳມະຊາດຈາກ ມັນຝຣັ່ງ.
ວິທີເຮັດ
1. ປອກມັນຝຣັ່ງດິບ 1 ຫົວ ປອກເອົາເປືອກມັນຝຣັ່ງອອກ ແລ້ວລ້າງໃຫ້ສະອາດ ຫຼັງຈາກນັ້ນນຳໄປຊອຍເປັນແຜ່ນນ້ອຍໆ ກ່ອນຈະເອົາມາຄັ້ນເອົານໍ້າ.
2. ຫຼັງຈາກນັ້ນກໍ່ເອົາສຳລີແຜ່ນລົງໄປຈຸບໃຫ້ຊຸ່ມນໍ້າມັນຝຣັ່ງ ກ່ອນຈະເອົາມາປິດຮອບດວງຕາ ເອົາໄວ້ປະມານ 15 ນາທີແລ້ວຈິ່ງລ້າງອອກໃຫ້ສະອາດ.
3. ເຮັດຊໍ້າໆ ອາທິດລະ 2-3 ຄັ້ງ ຮອບດວງຕາຂອງແມ່ຍິງ ຈະໃສ ແລະງາມຂຶ້ນມາໃຫ້ເຫັນໄດ້ຊັດເຈນ.
ທີ່ມາ: ເສດຖະກິດ-ສັງຄົມ