spot_img
Homeສຸຂະພາບ ແລະ ສີ່ງແວດລ້ອມກະຊວງສາທາຯເຜີຍ ຈຳນວນຜູ້ຕິດເຊື້ອ-ເສຍຊີວິດ ຈາກພະຍາດເອດສ໌ຢູ່ລາວ ເພີ່ມຂຶ້ນ!

ກະຊວງສາທາຯເຜີຍ ຈຳນວນຜູ້ຕິດເຊື້ອ-ເສຍຊີວິດ ຈາກພະຍາດເອດສ໌ຢູ່ລາວ ເພີ່ມຂຶ້ນ!

Published on

ຂປລ. ປັດຈຸບັນລາວມີຈຳນວນຜູ້ຕິດເຊື້ອພະຍາດເຮໄອວີເພີ່ມຂຶ້ນຈາກຈຳນວນ 830 ກວ່າຄົນໃນປີ 2014 ມາເປັນ 1 ພັນກວ່າຄົນ ໃນປີ 2015 ​ໃນນີ້ເພດຊາຍ ກວມເອົາ 53,6%, ຍິງ 46,4%, ​ເຊັ່ນດຽວກັນ ຈຳນວນຜູ້ເສຍຊີວິດໄດ້ເພີ່ມຈາກ 107 ​ຄົນໃນປີ 2014 ມາເປັນ 130 ກວ່າຄົນໃນປີ 2015, ສຳລັບອັດຕາສ່ວນການຕິດເຊື້ອພະຍາດເຮໄອວີ ຫລາຍກວ່າໝູ່ແມ່ນຊາຍຮ່ວມເພດກັບຊາຍ ກວມເອົາ 6,4%, ຄົນເຈັບຈາກວັນນະໂລກ 3,2%, ປະຊາຊົນທົ່ວໄປ 3,1%, ຜູ້ເສບຢາເສບຕິດ 0,8%, ສາວບໍລິການ 0,5%, ສາມີແມ່ຍິງຖືພາ 0,4% ​ແລະແມ່ຍິງຖືພາ 0,2%.

ທ່ານ ດຣ ພູນທອນ ສຸດທາລັກ ຮອງຫົວໜ້າສູນຕ້ານເອດແລະ ພຕພ ກະຊວງສາທາລະນະສຸກໄດ້ກ່າວໃນກອງປະຊຸມ ສ້າງຄວາມເຂົ້າໃຈໃຫ້ການນຳ, ສື່ມວນຊົນ ໃນວຽກງານຕ້ານເອດໃນວັນທີ 13 ພຶດສະພານີ້ ຢູ່ນະຄອນຫລວງວຽງຈັນ ວ່າ: ​ເພື່ອຢຸດຕິການແຜ່ລະບາດ ຂອງເຊື້ອພະຍາດເຮສໄອວີແລະ ຫລຸດຜ່ອນຜົນກະທົບ ຈາກເຊື້ອເຮໄອວີແລະ ພະຍາດເອດໃນ ສປປ ລາວ ຕ້ອງໄດ້ເອົາໃຈໃສ່ການປ້ອງກັນ ໃນກຸ່ມທີ່ມີຄວາມສ່ຽງໂດຍສະເພາະການປ້ອງກັນ​​ເຮໄອວີໂດຍເຊື່ອມສານເຂົ້າໃນລະບົບສາທາລະນະສຸກ, ພັດທະນາກອບວຽກເຊື່ອມສານເຂົ້າໃນວຽກງານຂອງຂະແໜງການຕ່າງໆ ຮັບປະກັນໃຫ້ຊາວໜຸ່ມ ມີທັກສະພື້ນຖານ, ​ໃຫ້ຂໍ້ມູນຂ່າວສານກ່ຽວກັບການປ້ອງກັນຕິດເຊື້ອເຣສໄອວີປ້ອງກັນທີ່ຖືກຕ້ອງເໝາະສົມ (​ໃສ່ຖົງຢາງອານາໄມທຸກຄັ້ງໃນ​​ເວລາມີເພດສຳພັນ ທີ່ບໍ່ແມ່ນຄູ່ຜົວ​-ເມຍຕົນເອງ) ​ໃຫ້ຂໍ້ມູນຂ່າວສານດ້ານເພດສຳພັນແກ່ຊາວໜຸ່ມໂດຍອີງໃສ່ຂໍ້ມູນຕົວຈິງພາຍໃນປະເທດ, ຮັບປະກັນໃຫ້ມີຂໍ້ມູນຂ່າວສານ ກ່ຽວກັບການຕິດເຊື້ອພະຍາດດັ່ງກ່າວແລະ ການປ້ອງກັນຢູ່ສູນສຸຂະພາບ, ສູນໄວໜຸ່ມເຊິ່ງໃຊ້ພາສາທີ່ເໝາະສົມກັບຊາວໜຸ່ມ ກໍຄືການປິ່ນປົວດ້ວຍຢາ ARV  ​ແລະ ພະຍາດ​​ແຊກຊ້ອນ ( OI ) ​ໂດຍການຂະຫຍາຍການສະໜອງຢາປິ່ນປົວ ARV ​ແລະ ຢາ OI ​ໄປທຸກແຂວງໃນທົ່ວປະເທດໃນ ປີ 2020 ​ໄປຄ່ຽງຄູ່ກັບ ການປັບປຸງລະບົບປະສານງານ ລະຫວ່າງ ສູນປິ່ນປົວດ້ວຍຢາ ARV, ສະຖານທີ່ໃຫ້ຄຳປຶກສາກວດເລືອແລະ ຄູ່ຮ່ວມງານ ເພື່ອຫລຸດຜ່ອນການຕົກເຮ່ຍ.

ເຊື້ອ​ພະຍາດເອດ (AIDS) ​ແມ່ນກຸ່ມອາການພູມຕ້ານທານເຊື່ອມ ໝາຍເຖິງເຊື້ອເຮສໄອວີ (HIV) ​ໄດ້ທຳລາຍພູມຕ້ານທານຂອງຮ່າງກາຍ ແລ້ວ​​ເກີດມີການຕິດເຊື້ອພະຍາດແຊກຊ້ອນຕ່າງໆເຊັ່ນ: ພະຍາດວັນນະໂລກ, ຖອກທ້ອງ, ຕຸ່ມ​​ເປື່ອຍແລະ ອື່ນໆແຕ່ສາມາດປິ່ນປົວພະຍາດແຊກຊ້ອນຕ່າງໆ ໃຫ້ຫາຍດີໄດ້.

 

ແຫລ່ງຂ່າວ:

ຂປລ

ສຳຫຼັບທ່ານທີ່ຮັກສຸຂະພາບ ຕິດຕາມເລື່ອງດີດີ ກົດໄລຄ໌ເລີຍ!

ບົດຄວາມຫຼ້າສຸດ

ລາວປະເຊີນບັນຫາພລາສຕິກລົ້ນຕະຫຼາດທ່າມກາງລາຄາຕົກຕໍ່າ

ເສດຖົງຢາງທີ່ເກົ່າໝອງຈົນເກືອບແຍກສີບໍ່ອອກ ບວກກັບຕຸກນໍ້າພລາສຕິກທີ່ຖືກຖິ້ມຊະຊາຍເປັນວົງກວ້າງໃນນະຄອນຫຼວງວຽງຈັນ ເປັນພຽງສ້ຽວໜຶ່ງຂອງເລື່ອງເລົ່າກ່ຽວກັບພລາສຕິກຂອງເມືອງຫຼວງແຫ່ງນີ້. ພາຍໃຕ້ມົນລະມິດທີ່ສາມາດເບິ່ງເຫັນໄດ້ດ້ວຍຕາເປົ່ານີ້ ລ້ວນແຕ່ເຊື່ອງຊ້ອນວິກິດການຂັ້ນຮ້າຍແຮງກວ່າທີ່ຄິດໄວ້. ເນື່ອງຈາກສິ່ງດັ່ງກ່າວໄດ້ກາຍເປັນໄພຂົ່ມຂູ່ຕໍ່ສິ່ງແວດລ້ອມທາງທໍາມະຊາດຂອງລາວ ທັງເປັນໄພຂົ່ມຂູ່ຕໍ່ສຸຂະພາບຂອງຜູ້ຄົນຫຼາຍຮ້ອຍ ທີ່ຕ້ອງເພິ່ງພາການຊື້-ຂາຍສິ່ງເສດເຫຼືອປະເພດພລາສຕິກ. ໃນລະຫວ່າງວັນທີ 5 ຫາ 14 ສິງຫາ, ບັນດາຜູ້ນໍາຈາກຫຼາຍປະເທດໃນໂລກຈະມາເຕົ້າໂຮມກັນທີ່ ເຈນີວາ, ປະເທດສະວິດເຊີແລນ...

ປະກາດ-ແຕ່ງຕັ້ງ ສະຫາຍ ພົນຈັດຕະວາ ແປ້ນຄໍາ ບຸດຈັດແພງ ຮັກສາການແທນເຈົ້າແຂວງ ແຂວງບໍ່ແກ້ວ (ຜູ້ໃໝ່)

ມອບ-ຮັບ ໜ້າທີ່ ລະຫວ່າງ ເລຂາຄະນະບໍລິຫານງານພັກແຂວງ, ເຈົ້າແຂວງ ແຂວງບໍ່ແກ້ວ (ຜູ້ເກົ່າ) ກັບ ຮັກສາການແທນເລຂາຄະນະບໍລິຫານງານພັກແຂວງ, ຮັກສາການເຈົ້າແຂວງ ແຂວງບໍ່ແກ້ວ (ຜູ້ໃໝ່) ປະກາດ ແລະ ມອບ-ຮັບ...

ຍີ່ປຸ່ນກຽມຮັບມື! ສຶນາມິສູງເຖິງ 3 ແມັດ ຫຼັງຈາກເກີດເຫດແຜ່ນດິນໄຫວລະດັບ 8.7 ຣິກເຕີ.

ຍີ່ປຸ່ນສັ່ງອົບພະຍົບປະຊາຊົນຫຼາຍພັນຄົນ ພາຍຫຼັງພົບຄຶ້ນສຶນາມິພັດເຂົ້າຝັ່ງ ເຈົ້າໜ້າທີ່ຄາດວ່າຄຶ້ນອາດຈະສູງເຖິງ 3 ແມັດ. ສຳນັກຂ່າວໃນປະເທດຍີ່ປຸ່ນລາຍງານໃນວັນທີ 30 ກໍລະກົດ 2025 ຜ່ານມາ, ຍີ່ປຸ່ນກຍມຮັບມືກັບສຶນາມິທີ່ເລີ່ມພັດເຂົ້າຊາຍຝັ່ງອີກຮອບ ໂດຍຄາດການວ່າ: ຄຶ້ນອາດຈະສູງເຖິງ 3 ແມັດ,...

ລາຄານໍ້າປະປາ ຢູ່ແຂວງວຽງຈັນເພີ່ມຂຶ້ນ ເນື່ອງຈາກລາຄານຳເຂົ້າອຸປະກອນ ເພີ່ມຂຶ້ນເທົ່າຕົວ

ປັບລາຄາຂຶ້ນຄັ້ງທຳອິດ! ລາຄານໍ້າປະປາ ຢູ່ແຂວງວຽງຈັນເພີ່ມຂຶ້ນ ເນື່ອງຈາກລາຄານຳເຂົ້າອຸປະກອນ ເພີ່ມຂຶ້ນເທົ່າຕົວ. ແຫຼ່ງຂ່າວຈາກ ແຂວງວຽງຈັນ ໃຫ້ຮູ້ວ່າ: ປັດຈຸບັນ ໄດ້ເກີດມີຫາງສຽງຈົ່ມວ່າ ຈາກພໍ່ແມ່ປະຊາຊົນ ກໍຄືສື່ສັງຄົມອອນລາຍ ກ່ຽວກັບການປັບຂຶ້ນລາຄາຄ່ານ້ຳປະປາ ຢູ່ພາຍໃນແຂວງວຽງຈັນ, ຕໍ່ກັບບັນຫາດັ່ງກ່າວ,...