ເກີບເໝັນ ແມ່ນບັນຫາທີ່ພົບເປັນປະຈຳ ໂດຍສະເພາະຜູ້ຊາຍ ສາລະໜ້າຮູ້ວັນນີ້ເຮົາເລີຍຈະມາເວົ້າເຖິງ ວິທີກຳຈັດກິ່ນເກີບເຫມັນ ແບບງ່າຍໆ ເຊິ່ງຈະເຮັດໄດ້ແນວໃດນັ້ນເຮົາມາອ່ານກັນເລີຍ

1. ແສງແດດ
ນຳເກີບໄປຕາກແດດໄວ້ປະມານ 1-2 ວັນ ນອກຈາກຈະຊ່ວຍຂ້າເຊື້ອແບັກທີເຣຍໃນເກີບໄດ້ແລ້ວ ຍັງຊ່ວຍໃຫ້ຫລຸດກິ້ນເກີບເໝັນໄດ້ອີກ

2. ຜົງຟູ
ໂດຍການນຳຜົງຟູມາໂຮຍທີ່ເກີບ ຈາກນັ້ນກໍ່ປະໄວ້ 1 ວັນ ຜົງຟູຈະເຮັດໜ້າທີ່ດູດກິ່ນໃນເກີບໄດ້ເປັນຢ່າງດີ

3. ໜັງສີພຶມ
ໂດຍການນຳໜັງສືພິມມາກຳໆ ແລ້ວຍັດເຂົ້າໄປໃນເກີບປະໄວ້ປະມນ 1 ຄືນ ຈະຊ່ວຍກຳຈັດກິ່ນໃນເກີບໄດ້

4. ເກືອ
ນຳເກືອມາໂຮຍໃສ່ເກີບແລ້ວປະໄວ້ປະມານ 1 ຄືນ ເກືອຈະເຮັດຫນ້າທີ່ດູດຊັບເອົາຄວາມຊື້ນໃນເກີບ ແລະ ສົ່ງຜົນໃຫ້ກິ່ນອັບໝົດໄປ

ຫາກຕອນນີ້ທ່ານກຳລັງມີບັນຫາເລື່ອງເກີບມີກິ່ນຢູ່ ກໍ່ສາມາດເລືອກວິທີໃດໜຶ່ງໃນຂ້າງເທິງນັ້ນໄປລອງໃຊ້ເບິ່ງ ບາງເທື່ອມັນອາດຈະຊ່ວຍທ່ານໄດ້