spot_img
Homeຂ່າວການສຶກສາໄພລິນ ບໍລິບູນ ຊັ້ນ ປ 5 ໂຮງຮຽນສິນໄຊ ນັກຮຽນເກັ່ງ ວິຊາພາສາລາວ-ວັນນະຄະດີ ຂອງປະເທດ!

ໄພລິນ ບໍລິບູນ ຊັ້ນ ປ 5 ໂຮງຮຽນສິນໄຊ ນັກຮຽນເກັ່ງ ວິຊາພາສາລາວ-ວັນນະຄະດີ ຂອງປະເທດ!

Published on

ຄົນເຮົາບໍ່ແມ່ນວ່າຈະມີຄວາມຮູ້, ຄວາມສາມາດມາແຕ່ກໍາເນີດ, ຕ້ອງໄດ້ມີການຝຶກຝົນ ຫລໍ່ຫລອມຕົນເອງຢູ່ສະເໜີ ດ້ວຍການຄົ້ນຄວ້າຮໍ່າຮຽນ ເຊິ່ງນອກຈາກຈະຮຽນນໍາຄູອາຈານແລ້ວ ກໍຕ້ອງເປັນຄົນທີ່ມີຄວາມດຸໝັ່ນ ຊອກຫາຄວາມຮູ້ຮໍ່າດ້ວຍຕົນເອງ ຈາກການອ່ານປຶ້ມຕໍາລາຮຽນ, ບົດເລື່ອງ ແລະ ສາລະໜ້າຮູ້ຕ່າງໆ ເໝືອນກັບ ນາງ ໄພລິນ ບໍລິບູນ ນັກຮຽນ ຊັ້ນ 5 ຂອງໂຮງຮຽນສິນໄຊ ທີ່ມີຄວາມຕັ້ງໃຈ ແລະ ເອົາໃຈໃສ່ຕໍ່ການຮຽນເປັນພິເສດ ແລະ ໝັ່ນຄົ້ນຄວ້າຫາຄວາມຮູ້ໃຫ້ຕົນເອງ ຈົນກາຍເປັນນັກຮຽນເກັ່ງ ທີ່ຍາດໄດ້ອັນດັບໜຶ່ງຂອງ ວິຊາພາສາລາວວັນນະຄະດີ ໃນການສອບເສັງ ນັກຮຽນເກັ່ງທົ່ວປະເທດ ທີ່ຈັດຂຶ້ນໃນ ວັນທີ 26-29 ເມສາ 2016 ນີ້.

ນາງ ໄພລິນ ບໍລິບູນ ເວົ້າໃຫ້ຟັງວ່າ: ສິ່ງທີ່ເຮັດໃຫ້ຕົນເອງສາມາດເສັງໄດ້ອັນດັບທີໜຶ່ງ ຂອງການສອບເສັງ ນັກຮຽນເກັ່ງທົ່ວປະເທດ ແມ່ນຍ້ອນຕົນເອງມີຄວາມຕັ້ງໃຈສູງ ແລະ ມີຄວາມດຸໝັ່ນຄົ້ນຄວ້າຮໍ່າຮຽນ ບໍ່ວ່າໃນໂຮງຮຽນ ຫລື ນອກໂຮງຮຽນກໍຕາມ, ເມື່ອເວລາຂຶ້ນຫ້ອງຮຽນ ຕົນຈະມີຄວາມຕັ້ງໃຈຟັງ ຄໍາຄູອະທິບາຍທຸກຄັ້ງ ເມື່ອບໍ່ເຂົ້າໃຈກໍເຂົ້າໄປຖາມຄູດ້ວຍຕົນເອງທັນທີ  ແລະ ເວລາຢູ່ບ້ານຕົນເອງ ກໍເຮັດບົດເຝິກຫັດທີ່ຄູຝາກໃຫ້ຈົນແລ້ວ ຫລັງຈາກນັ້ນກໍອ່ານທົບທວນຄືນ ເພື່ອໃຫ້ເຂົ້າໃຈຫົວຂໍ້ນັ້ນໆ. ໃນມື້ໃກ້ຈະເສັງນັກຮຽນເກັ່ງທົ່ວປະເທດ ຕົນເອງມີຄວາມຕື່ນເຕັ້ນຫລາຍ ເພາະຢ້ານບໍ່ໄດ້ຕາມຄວາມ ຄາດຫວັງທີ່ຕັ້ງໄວ້ ສະນັ້ນ, ຈຶ່ງໄດ້ອ່ານບົດຮຽນທຸກໆມື້ ແລະ ໝັ່ນຖາມບົດຮຽນນໍາຄູ ກ່ຽວກັບຫົວຂໍ້ ຫລື ເນື້ອໃນທີ່ຕົນຍັງບໍ່ເຂົ້າໃຈຂອງບົດຮຽນນັ້ນ ດັ່ງນັ້ນ, ຈຶ່ງເຮັດໃຫ້ຕົນໄດ້ເປັນນັກຮຽນເກັ່ງ ອັນດັບໜຶ່ງ ຂອງການສອບເສັງທົ່ວປະເທດ.

80

ພ້ອມນີ້ທ່ານ ນາງ ແສນລະວີ ໄຊຍະລາດ ຄູສອນ ວິຊາພາສາລາວວັນນະຄະດີ ກໍໄດ້ຢືນຢັນວ່າ: ນາງ ໄພລິນ ບໍລິບູນ ເປັນນັກຮຽນທີ່ມີຄວາມດຸໝັ່ນ ແລະ ມີພິກໄຫວໃນການຮຽນ, ມີຄວາມຮັບຜິດຊອບ ແລະ ຄວາມຕື່ນຕົວສູງ ບວກກັບພອນສະຫວັນ ທີ່ມີແຕ່ຕອນຮຽນຢູ່ ຫ້ອງ 1 ດັ່ງນັ້ນທາງໂຮງຮຽນ ຈຶ່ງໃຫ້ການສະໜັບສະໜູນ ໂດຍການສອນບໍາລຸງ ໃຫ້ລາວເປັນພິເສດ ແລະ ກໍສົມດັ່ງຄວາມປາຖະໜາ ຂອງໂຮງຮຽນ ກໍຄືຄູອາຈານໝົດທຸກຄົນ ທີ່ລາວສາມາດສອບເສັງ ໄດ້ອັນດັບໜຶ່ງຂອງປະເທດ ເຊິ່ງຖືວ່າ ເປັນຄວາມພາກພູມໃຈ ຂອງຄູທີ່ເຫັນນັກຮຽນຂອງຕົນ ປະສົບຜົນສໍາເລັດ ແລະ ສ້າງຊື່ສຽງໃຫ້ແກ່ໂຮງຮຽນ.

 

ແຫລ່ງຂ່າວ:

ຂປລ

ຕິດຕາມເລື່ອງດີດີ ວິທະຍາສຶກສາ ກົດໄລຄ໌ເລີຍ!

ບົດຄວາມຫຼ້າສຸດ

ເຫດການຄາຕະກຳ! ເຂີຍໂຫດບໍ່ພໍໃຈເມຍແຊຣໂພສລົງເຟສບຸກ ໃຊ້ອາວຸດປືນຍິງຄອບຄົວ ພ້ອມຈົບຊີວິດຕົນເອງ ລວມທົງໝົດ 5 ສົບ

ເຂີຍໂຫດບໍ່ພໍໃຈເມຍ ທີ່ແຊຣລົງເຟສບຸກ ຈຶ່ງກໍ່ເຫດຄາຕະກຳ ແລ້ວຈົບຊີວິດຕົນເອງຕາມ ປກສ ແຂວງຊຽງຂວາງ ລາຍງານວ່າ: ວັນທີ 15 ກໍລະກົດ 2025 ຜ່ານມານີ້, ເຈົ້າໜ້າທີ່ກອງບັນຊາການ ປ້ອງກັບຄວາມສະຫງົບ ແຂວງຊຽງຂວາງໄດ້ຮັບລາຍງານ...

ເດັກນ້ອຍອາຍຸ 11 ປີ ຊາວບຣາຊິນ ມີແຂ້ວ 81 ເຫຼັ້ມ

ແພດສຸດອຶ້ງ! ເດັກນ້ອຍຜູ້ຍິງອາຍຸ 11 ປີ ຊາວບຣາຊິນ ໄປຖອນແຂ້ວຢູ່ຄລີນິກ ແຕ່ຜົນສະແກນພົບວ່າມີແຂ້ວຫຼາຍເຖິງ 81 ເຫຼັ້ມ. ສຳນັກຂ່າວຕ່າງປະເທດລາຍງານໃນວັນທີ 16 ກໍລະກົດ 2025 ຜ່ານມາ, ກ່ຽວກັບເລື່ອງລາວສຸດອຶ້ງເມື່ອມີເດັກນ້ອຍຜູ້ຍິງຊາວບຣາຊິນ...

ນາຍົກລັດຖະມົນຕີ ຕ້ອນຮັບທິມນັກກິລາ ສະໂມສອນບານເຕະ WIG Naga

ນາຍົກລັດຖະມົນຕີ ຕ້ອນຮັບ ການເຂົ້າຢ້ຽມຂໍ່ານັບຄູຝຶກ ແລະ ນັກກິລາ ຈາກສະໂມສອນ WIG Naga ທີ່ຄວ້າແຊັມບານເຕະ ລາຍການ IBER Cup 2025 ຮຸ່ນອາຍຸບໍ່ເກີນ...

ໂຄສົກທຳນຽບຂາວ ອອກຖະແຫຼງການຢືນຢັນວ່າ: ຜູ້ນຳສະຫະລັດມີອາການປ່ວຍເປັນ ໂຣກຫຼອດເລືອດດຳບົກພ່ອງຊຳເຮື້ອ

ໂດນັລ ທຣຳ ປະທານາທິບໍດີ ສະຫະລັດ ອາຍຸ 79 ປີ ມີອາການປ່ວຍເປັນ ໂຣກຫຼອດເລືອດດຳບົກພ່ອງຊຳເຮື້ອ ສຳນັກຂ່າວຕ່າງປະເທດລາຍງານໃນວັນທີ 18 ກໍລະກົດ 2025 ນີ້ວ່າ: ໂຄສົກທຳນຽບຂາວສະຫະລັດ...