Homeຄວາມງາມ7 ເຄັດລັບກະຕຸ້ນຂົນຕາໃຫ້ງອນຍາວຢ່າງເປັນທຳມະຊາດ

7 ເຄັດລັບກະຕຸ້ນຂົນຕາໃຫ້ງອນຍາວຢ່າງເປັນທຳມະຊາດ

Published on

ທຸກຄັ້ງທີ່ແມ່ຍິງເຮົາແຕ່ງໜ້າກໍ່ຍ່ອມປາດຖະໜາທີ່ຈະແຕ່ງໃຫ້ທຸກສ່ວນໃນໃບໜ້າອອກມາງາມສະກົດຕາຄົນເບິ່ງແມ່ນບໍ່ ແລະ ສຳລັບຂົນຕາກໍ່ຄືອີກໜຶ່ງສະເໜ່ຄວາມງາມຂອງແມ່ຍິງທີ່ເຮົາຢາກເນລະມິດໃຫ້ຂົນຕາງາມເປັນແພໜາ ແລະ ຍາວຢ່າງເປັນທຳມະຊາດເຊິ່ງວັນນີ້ ພວກເຮົາມີເຄັດລັບການເຮັດໃຫ້ຂົນຕາໜາງອນງາມມາຟາກສາວໆ

1. ປັດດ້ວຍມາສຄາລ່າທີ່ຊ່ວຍປັບຂັນຕາໃຫ້ຍາວຂຶ້ນ

ມາສຄາລ່າຄືຕົວຊ່ວຍອັນດີທີ່ສຸດທີ່ຈະຊ່ວຍປັບດວງຕາໃຫ້ງາມຄົມເປັນຕາເບິ່ງໂດຍສະເພາະສາວຄົນໃດປາດຖະໜາຢາກໃຫ້ຂົນຕາງອນງາມ ແລະ ຍາວເດັ້ງຕະຫຼອດມື້ພຽງເລືອກໃຊ້ມາສຄາລ່າສູດທີ່ຊ່ວຍປັບຂົນຕາໃຫ້ຍາວຂຶ້ນພຽງເທົ່ານີ້ກໍ່ຈະຊ່ວຍໃຫ້ຂົນຕາຍາວຂຶ້ນພາຍໃນພິບຕາໄດ້ແລ້ວ

2. ກິນໂປຣຕີນເສີມຢ່າງພຽງພໍ

ແມ່ນຢູ່ວ່າອາຫານດີໆຈະຊ່ວຍໃຫ້ການງອກຂອງຂົນຕາຍາວຂື້ນໄດ້ໂດຍສະເພາະຜັກໝາກໄມ້ແຕ່ການກິນໂປຣຕີນຢ່າງພຽງພໍເຊັ່ນໄຂ່, ຊີ້ນປາ ແລະ ນົມເປັນຕົ້ນກໍ່ຈະຊ່ວຍເລັ່ງໃຫ້ຂົນຕາຍາວຫຼາຍຂຶ້ນໄດ້ເຊັ່ນດຽວກັນ

3. ກິນໄບໂອຕິນ

ໄບໂອຕິນກໍ່ຄືອາຫານເສີມວິຕາມິນບີທີ່ສາວໆມັກນິຍົມກິນເພື່ອບຳລຸງຜົມໃຫ້ຍາວໄວພ້ອມກັນນີ້ມັນຍັງມີສ່ວນຊ່ວຍໃຫ້ຂົນຕາຂອງເຮົາຍາວຂຶ້ນໄວອີກດ້ວຍ

4. ແປງຂົນຕາກ່ອນປັດມາສຄາລ່າ

ກ່ອນທີ່ທ່ານຈະປັດມາສຄາລ່າທຸກຄັ້ງໃຫ້ແປງຂົນຕາດ້ວຍແປງອັນນ້ອຍໆເບົາໆກ່ອນ ວິທີນີ້ຈະຊ່ວຍກະຕຸ້ນໃຫ້ຂົນຕາຍາວໄວຂຶ້ນ ແລະ ງອນງາມຍິ່ງຂຶ້ນ

5. ທາດ້ວຍວາສລີນ

ກ່ອນນອນທຸກຄືນໃຫ້ສາວໆໃຊ້ວາສລີນທາໃສ່ຂົນຕາພ້ອມກັບນວດບຳລຸງບໍລິເວນກົກຂົນຕາ ແລະ ເປືອກຕາຢ່າງເບົາໆເລັກໜ້ອຍເຮັດເປັນປະຈຳທຸກຄືນກ່ອນນອນແລ້ວທ່ານຈະພົບວ່າຂົນຕາຄ່ອຍໆຍາວ ແລະ ໜາຂຶ້ນທັງຍັງງອນເດັ້ງງາມຢ່າງເປັນທຳມະຊາດອີກດ້ວຍ

6. ລູບດ້ວຍນ້ຳມັນໝາກກອກກ່ອນນອນ

ວິທີນີ້ເຮັດລັກສະນະດຽວກັນກັບການທາດ້ວຍວາສລີນເລີຍພຽງໃຊ້ນ້ຳມັນໝາກກອກທາເບົາໆທີ່ຂົນຕາກ່ອນນອນທຸກຄືນວິຕາມິນແຮ່ທາດຈາກນ້ຳມັນໝາກກອກອາດຈະຊ່ວຍບຳລຸງ ແລະ ກະຕຸ້ນໃຫ້ຂົນຕາຍາວຂຶ້ນໄດ້ເຊັ່ນກັນ

7. ໂລຊັ່ນວິຕາມິນອີກໍ່ຊ່ວຍໄດ້

ນອກຈາກວາສລີນ ແລະ ນ້ຳມັນໝາກກອກແລ້ວສາວໆຍັງສາມາດຊອກຫາໂລຊັ່ນບຳລຸງຜິວທີ່ມີສ່ວນປະສົມຈາກວິຕາມິນອີເຂັ້ມຂຸ້ນມາທາກົກຂົນຕາແລ້ວນວດເບົາໆເລັກໜ້ອຍເພື່ອໃຫ້ເນື້ອຄີມຊືມຊາບໄປບຳລຸງຢ່າງລ້ຳເລິກຍິ່ງຂຶ້ນ ໝັ່ນເຮັດແບບນີ້ເປັນປະຈຳຈະຊ່ວຍເລັ່ງໃຫ້ຂົນຕາຍາວໄດ້ເຊັ່ນກັນ

ບົດຄວາມຫຼ້າສຸດ

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...

ສປປ ລາວ ເຂົ້າຮ່ວມເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ (OAC)

ໃນວັນທີ 5 ພະຈິກ 2026 ທີ່ຜ່ານມາ, ສປປ ລາວ ໄດ້ເຂົ້າຮ່ວມການເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ ຫຼື One Asia Communications (OAC) ໃນເວທີປຶກສາຫາລືດ້ານການສື່ສານ...

ແກ້ໄຂຫຼາຍບັນຫາ ນະຄອນຫຼວງວຽງຈັນ ແກ້ໄຂບັນຫາຄວາມທຸກຍາກ ການຂາດແຄນຄູສອນ ການບໍລິຫານຈັດການຂີ້ເຫຍື້ອ

ກອງປະຊຸມສະໄໝສາມັນ ເທື່ອທີ 2 ຂອງສະພາປະຊາຊົນ ນະຄອນຫຼວງວຽງຈັນ ຊຸດທີ V ໄດ້ດໍາເນີນມາຮອດວັນທີ 13 ພະຈິກ 2026 ໄດ້ປິດລົງດ້ວຍຜົນສໍາເລັດອັນຈົບງາມ ພາຍໃຕ້ການເປັນປະທານຂອງ ທານ...

ກົດລະບຽບພາຍໃນ, ບໍ່ຈອດຊ້ອນຄັນ ຫຼື ກີດຂວາງທາງເຂົ້າ-ອອກ, ບໍ່ຈອງບ່ອນຈອດລົດສາທາລະນະດ້ວຍວັດຖຸ ແລະ ບໍ່ຫຼົບຫຼີກການຊຳລະຄ່າບໍລິການ.

ການຊອກຫາບ່ອນຈອດລົດໃນຕົວເມືອງຍັງກາຍເປັນບັນຫາທີ່ສ້າງຄວາມຫຍຸ້ງຍາກໃຫ້ແກ່ຜູ້ຂັບຂີ່ ໂດຍສະເພາະ ການຈອດລົດບໍ່ເປັນລະບຽບ, ທັງກີດຂວາງການສັນຈອນ ແລະ ສ່ຽງຕໍ່ການເກີດອຸບັດຕິເຫດ ເພື່ອແກ້ໄຂບັນຫາດັ່ງກ່າວ. ດັ່ງນັ້ນນະຄອນຫຼວງວຽງຈັນ (ນວ) ຈຶ່ງໄດ້ຮ່າງຂໍ້ຕົກລົງວ່າດ້ວຍ ການຄຸ້ມຄອງ ແລະ ພັດທະນາສະຖານທີ່ຈອດລົດ ເພື່ອວາງລະບຽບການຈອດລົດໃຫ້ເປັນລະບົບ...