spot_img
Homeຂ່າວເຫດການຕົ້ນປີ 2016 ນະຄອນຫລວງວຽງຈັນເກີດອັກຄີໄພ 27 ຄັ້ງເສຍຫາຍມູນຄ່າ 700 ລ້ານກີບ

ຕົ້ນປີ 2016 ນະຄອນຫລວງວຽງຈັນເກີດອັກຄີໄພ 27 ຄັ້ງເສຍຫາຍມູນຄ່າ 700 ລ້ານກີບ

Published on

ພະແນກສະກັດກັ້ນ ແລະ ຕ້ານອັກຄີໄພນະຄອນຫລວງວຽງຈັນເປີດເຜີຍ 4 ເດືອນຕົ້ນປີ 2016 ພົບວ່າ ນະຄອນ ຫລວງວຽງຈັນໄດ້ເກີດອັກຄີໄພ 27 ຄັ້ງ ສ້າງຄວາມເສຍຫາຍ ທາງດ້ານຊັບສິນ ແລະ ວັດຖຸ ຂອງປະຊາຊົນ ຢ່າງຫລວງຫລາຍ ສາເຫດຕົ້ນຕໍແມ່ນຈາກສະພາບອາກາດຮ້ອນອົບເອົ້າບວກກັບການຂາດສະຕິໃນກວດກາ ແລະ ໃຊ້ໄຟຄອບຄົວ.

ທ່ານ ພັນໂທ ຈັນທະບູນ ມະນີວົງ ຫົວໜ້າພະແນກກສະກັດກັ້ນ ແລະ ຕ້ານອັກຄີໄພ ນະຄອນຫລວງວຽງຈັນ ໄດ້ໃຫ້ສຳພາດຕໍ່ນັກຂ່າວສຳນັກຂ່າວສານປະເທດລາວໃນວັນທີ 29 ເມສາ ນີ້ວ່າ: ໃນຕົ້ນປີ 2016 ນີ້(ນັບແຕ່ເດືອນມັງກອນ-ເມສາ ) ເຫັນວ່າ ນະຄອນຫລວງວຽງຈັນມີອັກຄີໄພເກີດຂຶ້ນ 27 ຄັ້ງ ລວມມູນຄ່າຜົນເສຍຫາຍຫລາຍກວ່າ 700 ລ້ານກີບ, ສາເຫດຫລັກຂອງການເກີດອັກຄີໄພ ແມ່ນຍ້ອນໄຟຟ້າລັດວົງຈອນ, ໄຕ້ທູບທຽນບູຊາ, ໄຟລາມປ່າ ແລະ ອື່ນໆ. ຕໍ່ກັບບັນຫາດັ່ງກ່າວ, ພະແນກສະກັດກັ້ນ ແລະ ຕ້ານອັກຄີໄພ ນະຄອນຫລວງ ໄດ້ເອົາໃຈໃສ່ເຝົ້າລະວັງ ແລະ ກະກຽມຄວາມພ້ອມໃນທຸກດ້ານ ຢ່າງເຕັມທີ່ ໂດຍໄດ້ມີການຈັດການເວນຢາມປະຈຳການ ຕະ ຫລອດ 24 ຊົ່ວໂມງ, ກຽມລົດບັນທຸກນໍ້າ ພ້ອມອຸປະກອນຕ່າງໆ ແລະ ໄດ້ປະສານສົມທົບກັບໄຟຟ້ານະຄອນຫລວງ, ໜ່ວຍກູ້ໄພ, ອົງການພັດທະນາ ແລະ ບໍລິຫານຕົວເມືອງວຽງຈັນ ເພື່ອຊ່ວຍກັນຕ້ານ ແລະ ສະກັດກັ້ນ ການເກີດອັກຄີໄພ.

ທ່ານ ພັນໂທ ຈັນທະບູນ ໄດ້ຮຽກຮ້ອງໃຫ້ພໍ່ແມ່ປະຊາຊົນ ຈົ່ງມີສະຕິລະວັງຕົວ, ຖືເອົາວຽກງານຕ້ານ ແລະ ສະກັດກັ້ນອັກຄີໄພເປັນສຳຄັນ, ເອົາໃຈໃສ່ກວດກາສາຍໄຟຟ້າ, ອຸປະກອນເຄື່ອງໃຊ້ໄຟຟ້າຕ່າງໆ ໃຫ້ຢູ່ໃນສະພາບດີໄດ້ມາດຕະຖານ, ຖ້າເຫັນວ່າເກົ່າ, ເປ່ເພ, ບໍ່ຮັບປະກັນ ຕ້ອງປ່ຽນໃໝ່, ທຸກໆຄັ້ງທີ່ໃຊ້ຟືນໄຟ ແລະ ອຸປະກອນ ເຄື່ອງໃຊ້ໄຟຟ້າສຳເລັດແລ້ວ ຫລື ກ່ອນອອກຈາກເຮືອນ, ບ່ອນເຮັດວຽກ, ບ່ອນຄ້າ-ຂາຍ ແລະ ອື່ນໆ ຕ້ອງກວດກາ ຖອດປັກສຽບ ແລະ ມອດໄຟຟ້າ ໃຫ້ລະອຽດ, ການໄຕ້ທູບທຽນບູຊາຕ້ອງຕິດຕາມ ຫລື ມອດກ່ອນເພື່ອຮັບປະກັນຄວາມປອດໄພ. ຖ້າທ່ານໃດ ຫາກພົບເຫັນເຫດການໄຟໄໝ້ ກໍສາມາດໂທແຈ້ງ ໄດ້ທີເບີ 021 212707 ຫລື 190.

ຂ່າວ+ພາບ: ທະນູທອງ

ຂ່າວຈາກ: ສຳນັກຂ່າວສານປະເທດລາວ

ບົດຄວາມຫຼ້າສຸດ

ສປປ ລາວ ແລະ ສ ອາເມລິກາ ຈະສືບຕໍ່ແກ້ໄຂບັນຫາທີ່ຍັງຄົງຄ້າງຮ່ວມກັນ

ສປປ ລາວ ແລະ ສ ອາເມລິກາ ຈະສືບຕໍ່ແກ້ໄຂບັນຫາທີ່ຍັງຄົງຄ້າງຮ່ວມກັນ ໃນທ້າຍເດືອນກັນຍາ 2025 ຜ່ານມານີ້, ທ່ານ ສອນໄຊ ສີພັນດອນ ນາຍົກລັດຖະມົນຕີ ແຫ່ງ ສປປ...

ສສກ ຈະສຸມໃສ່ປະຕິຮູບລະບົບການສຶກສາ ສາຍສາມັນ ຈາກ 5+4+3 ເປັນ 6+3+3

ອົງຄະນະພັກ ສສກ ຈະສຸມໃສ່ປະຕິຮູບລະບົບການສຶກສາ ສາຍສາມັນ ຈາກ 5+4+3 ເປັນ 6+3+3 ສະຫາຍ ຮສ.ປອ ທອງສະລິດ ມັງໜໍ່ເມກ ເລຂາທິການສູນກາງພັກ, ເລຂາຄະນະບໍລິຫານງານພັກ, ລັດຖະມົນຕີ...

ແຈ້ງເຕືອນຈາກກົມໃຫຍ່ຕຳຫຼວດ ໃຫ້ລະວັງ 10 ລັກສະນະການກໍ່ເຫດທີ່ເປັນການສໍ້ໂກງຊັບ ຖ້າພົບເຫັນເຫດລັກສະນະນີ້ ສາມາດແຈ້ງດຳເນີນຄະດີໄດ້

- ອີງຕາມ ຂໍ້ຕົກລົງຂອງລັດຖະມົນຕີກະຊວງປ້ອງກັນຄວາມສະຫງົບ ລົງວັນທີ 05 ມັງກອນ 2022 ວ່າດ້ວຍການຈັດຕັ້ງ ແລະ ການເຄື່ອນໄຫວຂອງກົມໃຫຍ່ຕໍາຫຼວດ. ເພື່ອປ້ອງກັນ ບໍ່ໃຫ້ທຸກຄົນໃນສັງຄົມ ຕົກເປັນເຫຍື່ອຂອງກຸ່ມແກ້ງສໍ້ໂກງຊັບທາງໂທລະຄົມ ແລະ...

ປະຫວັດບໍ່ທຳມະດາ ກໍລະນີແມ່ຕູ້ຄົນໄຕ້ຫວັນຖືກຖີບເທິງລົດໄຟຕອນນີ້ ຖືກກັກໂຕພ້ອມດຳເນີນຄະດີແລ້ວ

ໃນວັນທີ 01/10/2025 ທີ່ຜ່ານມາ, ສຳນັກຂ່າວໃນໄຕ້ຫວັນໄດ້ລາຍງານວ່າ ມີເຫດບໍ່ຄາດຄິດກ່ຽວກັບຜູ້ສູງ ກໍລະນີແມ່ຕູ້ທີ່ຖືກຍິງສາວປະເພດສອງ (LGBTQ) ຖີບຢູ່ໃນລົດໄຟ ໃນວັນທີ 29/09/2025 ທີ່ຜ່ານມາ, ເຊິ່ງກຳລັງເປັນກະແສດັງໃນໃນສື່ສັງຄົມອອນລາຍໃນປັດຈຸບັນ.ສາເຫດເກີດຈາກການຍາດບ່ອນນັ່ງພິເສດພາຍໃນຂະບວນລົດໄຟແຫ່ງໜຶ່ງໃນໄຕ້ຫວັນ ເນື່ອງຈາກບ່ອນນັ່ງນັ້ນເປັນບ່ອນຂອງຜູ້ສູງອາຍຸ ແມ່ຕູ້ິເລີຍພະຍາຍາມໄລ່ຍິງສາວປະເພດສອງອອກຈາກບ່ອນນັ່ງ...