Homeອຸບັດເຫດແລະປາກົດການຫຍໍ້ທໍ້ອຸບັດຕິເຫດຕຳແລ້ວໜີ! ໄພໃກ້ຕົວທີ່ຕ້ອງໄດ້ຮັບການແກ້ໄຂຢ່າງຈິງຈັງ ແລະ ຮີບດ່ວນ

ອຸບັດຕິເຫດຕຳແລ້ວໜີ! ໄພໃກ້ຕົວທີ່ຕ້ອງໄດ້ຮັບການແກ້ໄຂຢ່າງຈິງຈັງ ແລະ ຮີບດ່ວນ

Published on

ອຸບັດຕິເຫດຕຳແລ້ວໜີ ໃນສັງຄົມປັດຈຸບັນຖືວ່າເປັນເຫດການທີ່ພົບເຫັນເປັນປະຈຳ ແລະ ກຳລັງແຜ່ລະບາດໃນສັງຄົມ ຕົວຢ່າງເຫດການ

  • ໃນວັນທີ 30/4/2016 ເວລາ 23:00ໂມງ ເກີດອຸບັດຕິເຫດ ລົດໃຫຍ່ຕຳລົດຈັກແລ້ວລົບໜີ ຈຸດເກີດເຫດແມ່ນບ້ານ ໜອງສອງຫ້ອງ ເມືອງ ໄຊທານີ ແຂວງ ນະຄອນຫຼວງ.
  • ໃນວັນທີ 30/4/2016 ເວລາ 08:46 ໂມງ ເກີດອຸບັດຕິເຫດ ລົດໃຫຍ່ຕຳລົດຈັກແລ້ວລົບໜີ ຈຸດເກີດເຫດແມ່ນ ຫຼັກ15
  • ໃນວັນທີ 1/05/2016 ເວລາ 13:48ໂມງ ເກີດອຸບັດຕິເຫດ ມີລົດໃຫຍ່ຕຳກັບລົດຈັກແລ້ວໜີ ຈຸດເກີດເຫດແມ່ນ ບ້ານ ຫາດຊາຍຂາວ ເມືອງ ຫາດຊາຍຟອງ ນະຄອນຫລວງວຽງຈັນ

ນອກຈາກຕົວຢ່າງເຫດການທີ່ຍົກມາຂ້າງເທິງນີ້ແລ້ວ ຍັງມີອີກຫຼາຍໆເຫດການ ຫຼາຍແຂວງ ເຊິ່ງມັນແມ່ນເລື່ອງໃກ້ຕົວທີ່ບໍ່ຄວນເບິ່ງຂ້າມ.

ເຫດການຕຳແລ້ວໜີ ແມ່ນປະກົດການຫຍໍ້ທໍ້ໃນສັງຄົມ ບັນຫານີ້ມັນແມ່ນບັນຫາໃຫຍ່ໃກ້ຕົວທີ່ບໍ່ຄວນເບິ່ງຂ້າມ ຕ້ອງໄດ້ຮັບການແກ້ໄຂຢ່າງຈິງຈັງ ແລະ ຮີບດ່ວນ ເພາະຖ້າປ່ອຍໄວ້ຈະເປັນບັນຫາຊ້ຳເຮື້ອ ແລະ ອາດເຮັດໃຫ້ຜູ້ກະທຳຜິດເກີດຄວາມບໍ່ຢ້ານກົວຕໍ່ກົດໝາຍບ້ານເມືອງ ແລະ ອາດຈະລຸກລາມຄືເຊື້ອພະຍາດຮ້າຍທີ່ແຜ່ລະບາດໃນສັງຄົມ ເພາະອາດມີບາງກຸ່ມຄົນນຳເອົາເຫດການດັ່ງກ່າວນີ້ໄປຮຽນແບບຕາມ ຝາກເຖິງເຈົ້າໜ້າທີ່ພາກສ່ວນທີ່ຮັບຜິດຊອບວຽກງານດັ່ງກ່າວຊ່ວຍແກ້ໄຂບັນຫານີ້ໂດຍດ່ວນ.

ຂັບຂີ່ປອດໄພ ທຸກຄົນຕ້ອງໃສ່ໃຈ, ເຄົາລົບກົດຈະລາຈອນຢ່າງເຄັ່ງຂັດ ແລະ ມີນ້ຳໃຈໃຫ້ກັນສະເໝີ

 

 

ບົດຄວາມຫຼ້າສຸດ

ກຽມໄປແຂ່ງຕໍ່ທີ່ຍີ່ປຸ່ນ MAZDA GB FC U12 ຄວ້າແຊ້ມ ບານເຕະເຍົາວະຊົນທີ່ອິນໂດເນເຊຍ ພ້ອມໄດ້ໄປແຂ່ງຕໍ່ຮອບສຸດທ້າຍທີ່ປະເທດຍີ່ປຸ່ນ

ເກັ່ງຫຼາຍ MAZDA GB FC ຢູ 12 ຄວ້າແຊ້ມບານເຕະເຍົາວະຊົນ ທີ່ອິນໂດເນເຊຍ ພ້ອມໄດ້ສິດບິນລັດຟ້າໄປແຂ່ງຂັນທີ່ປະເທດຍີ່ປຸ່ນ. ນ້ອງໆເຍົາວະຊົນຈາກສະໂມສອນ Mazda Laos GB FC ໂຊຊຟອງເກັ່ງຄວ້າແຊ້ມລາຍການແຂ່ງຂັນບານເຕະເຍົາວະຊົນລະດັບພາກພື້ນ...

ນາຍົກລັດຖະມົນຕີລາວ ສົ່ງຈົດໝາຍເຖິງນາຍົກລັດຖະມົນຕີໄທ ເພື່ອສະແດງຄວາມຂອບໃຈຕໍ່ການຊ່ວຍເຫຼືອຄົ້ນຫາ ແລະ ກອບກູ້ເອົາຊິວິດປະຊາຊົນທີ່ຕິດຄ້າງຢູ່ໃນຖໍ້າ

ວັນທີ 7 ມິຖຸນາ 2026 ທີ່ນະຄອນຫຼວງວຽງຈັນ, ທ່ານ ສອນໄຊ ສີພັນດອນ ນາຍົກລັດຖະມົນຕີລາວ ໄດ້ສົ່ງຈົດໝາຍຂອບໃຈເຖິງທ່ານ ອະນຸທິນ ຊານວີຣະກູນ, ນາຍົກລັດຖະມົນຕີ ແຫ່ງ...

ເຝົ້າລະວັງ-ຮັບມື ພະຍາດອີໂບລາ ຫົວໜ້າກົມຄວບຄຸມພະຍາດຕິດຕໍ່ ລາຍງານສະພາບການລະບາດຂອງພະຍາດອີໂບລາທີ່ເກີດຂຶ້ນໃນທະວີບອາຟຣິກາ (ລາວແມ່ນມີຄວາມສ່ຽງຕໍ່າ)

ໃນວັນທີ 03 ມິຖຸນາ 2026 ທີ່ຜ່ານມາ ທ່ານ ປອ. ດຣ ພອນປະດິດ ສັງໄຊຍະລາດ ຫົວໜ້າກົມຄວບຄຸມພະຍາດຕິດຕໍ່ ລາຍງານກ່ຽວກັບສະພາບການລະບາດຂອງພະຍາດອີໂບລາທີ່ເກີດຂຶ້ນໃນບັນດາປະເທດຢູ່ທະວີບອາຟຣິກາ. ພະຍາດອີໂບລາເປັນພະຍາດທີ່ຕິດຕໍ່ຈາກສັດສູ່ຄົນ ແລະ ເປັນພະຍາດທີ່ຕິດຕໍ່ຈາກຄົນສູ່ຄົນໄດ້...

ມ້າງແກ້ງສະແກມເມີຈີນ ເຈົ້າໜ້າເມືອງໄຊທານີ ເຂົ້າມ້າງແກ້ງສະແກມເມີ ກັກຕົວຜູ້ກະທຳຜິດ 24 ຄົນ ບ້ານຂຸດສາມບາດ ເມືອງໄຊທານີ ນະຄອນຫຼວງວຽງຈັນ

ໂດຍປະຕິບັດຕາມທິດຊີ້ນໍາຂອງທ່ານລັດຖະມົນຕີ ກະຊວງປ້ອງກັນຄວາມສະຫງົບຢ່າງເຂັ້ມງວດ ແລະ ເດັດຂາດ ໃນການສຸມໃສ່ສະກັດກັ້ນ, ຕ້ານ ແລະ ແກ້ໄຂບັນຫາອາຊະຍາກຳທາງໂທລະຄົມ ຫຼື ອາຊະຍາກຳທາງລະບົບຄອມພິວເຕີ ກໍຄື ການປາບປາມພວກສໍ້ໂກງຊັບທາງໂທລະຄົມ ຫຼື ແກ້ງສະແກມເມີ. ຄຽງຄູ່ກັນນັ້ນ,...