spot_img
Homeຂ່າວການພັດທະນາສ.ເກົາຫລີ ມອບເຄື່ອງຊ່ວຍເຫລືອ ມູນຄ່າກວ່າລ້ານໂດລາ ແກ່ຜູ້ປະສົບໄພພິບັດ-ທຸກຍາກ!

ສ.ເກົາຫລີ ມອບເຄື່ອງຊ່ວຍເຫລືອ ມູນຄ່າກວ່າລ້ານໂດລາ ແກ່ຜູ້ປະສົບໄພພິບັດ-ທຸກຍາກ!

Published on

ຂປລ. ສະມາຄົມສິລະປະ ແລະ ວັດທະນະທຳມວນຊົນ ສ.ເກົາຫລີ ໄດ້ນຳເອົາເຄື່ອງນຸ່ງຫົ່ມ, ເກີບ, ເຄື່ອງໃຊ້ຄົວເຮືອນ ແລະ ເຄື່ອງອຸປະກອນການສຶກສາຈຳນວນໜຶ່ງ ມີມູນຄ່າ 1 ລ້ານກວ່າໂດລາສະຫະລັດ ມອບໃຫ້ກະຊວງແຮງງານ ແລະ ສະຫວັດດີການສັງຄົມ, ເພື່ອນຳໄປຊ່ວຍເຫລືອປະຊາຊົນ ທີ່ປະສົບໄພພິບັດ ແລະ ຜູ້ທຸກຍາກດ້ອຍໂອກາດຢູ່ເຂດຫ່າງໄກສອກຫລີກ ເພື່ອເຮັດໃຫ້ຊີວິດການເປັນຢູ່ຂອງເຂົາເຈົ້າດີຂຶ້ນ ໂດຍສະເພາະແມ່ນຜູ້ປະສົບໄພໜາວ ຢູ່  9 ແຂວງ ໃນໄລຍະຕົ້ນປີນີ້ ແລະ ຜູ້ປະສົບເຄາະຮ້າຍຈາກອັກຄີໄພ ຢູ່ບັນດາແຂວງໃນຂອບເຂດທົ່ວປະເທດ ​ໃນ2016.

ພິທີມອບຮັບ ເຄື່ອງຊ່ວຍເຫລືອດັ່ງກ່າວ, ໄດ້ມີຂຶ້ນໃນອາທິດທີ່ຜ່ານມານີ້ ທີ່ກະຊວງແຮງງານ ແລະ  ສະຫວັດດີການສັງຄົມ ເຊິ່ງກ່າວມອບໂດຍ ທ່ານ ນາງ ຢູຮຽນສຸກ ທູດກິດຕິມະສັກເສດຖະກິດວັດທະນະທຳສັງຄົມ ສປປ ລາວ ປະຈຳ ສ.ເກົາຫລີ ທັງເປັນປະທານສະມາຄົມສິລະປະ ແລະ ວັດທະນະທຳມວນຊົນ ສ.ເກົາຫລີ ແລະ ກ່າວຮັບໂດຍ ທ່ານ ປອ. ຄຳແພງ ໄຊສົມແພງ ລັດຖະມົນຕີກະຊວງແຮງງານ ແລະ  ສະຫວັດດີການສັງຄົມ,  ພ້ອມດ້ວຍທ່ານຮອງລັດຖະມົນຕີ ແລະ ແຂກຖືກເຊີນທີ່ກ່ຽວຂ້ອງ ທັງສອງຝ່າຍເຂົ້າຮ່ວມ.

ເຄື່ອງທີ່ນຳມາຊ່ວຍເຫລືອໃນຄັ້ງນີ້ ແມ່ນການປຸກລະດົມຂົນຂວາຍຂອງ ສະມາຄົມສິລະປະ ແລະ  ວັດທະນະທຳ ມວນຊົນ ສ.ເກົາຫຼີ ໂດຍແມ່ນ Korea Fila ເປັນຜູ້ສະໜັບສະໜູນ ຜ່ານສະຖານທູດລາວປະຈຳ ສ.ເກົາຫລີ  ແລະ ຜູ້ປະສານງານຝ່າຍລາວ ແມ່ນຄະນະສະມາຊິກສະພາແຫ່ງຊາດ ເຂດ 9 ແຂວງຊຽງຂວາງ.

 

ແຫລ່ງຂ່າວ:

ຂປລ

ຕິດຕາມເລື່ອງດີດີເພຈທ່ຽວເມືອງລາວ Laotrips ກົດໄລຄ໌ເລີຍ!

ບົດຄວາມຫຼ້າສຸດ

ຈັບສາຍປາຕີ້ຄໍລະເຈັ້້ນ 9 ຄົນ ຢູ່ບ້ານອຸດົມ ເມືອງຫ້ວຍຊາຍ ແຂວງບໍ່ແກ້ວ.

ປກສ ແຂວງບໍ່ແກ້ວ ມ້າງຄະດີແກ້ງມົ້ວສຸ່ມຢາເສບຕິດ ຈຳນວນ 9 ຄົນ ຈັດປາຕີ້ຄໍລະເຈັ້ນ ຢູ່ບ້ານອຸດົມ ເມືອງຫ້ວຍຊາຍ ແຂວງບໍ່ແກ້ວ. ໃນຄັ້ງວັນທີ 26 ມີນາ 2025 ຜ່່ານມາ,...

ຈະນໍາໃຊ້ຕຳຫຼວດຈະລາຈອນ 1,172 ສະຫາຍ ໃນການອຳນວຍຄວາມສະດວກ ໃນໄລຍະປີໃໝ່ລາວ 2025

ເພື່ອສະກັດກັ້ນອຸບັດເຫດ ກົມຕຳຫຼວດຈະລາຈອນ ຈະນໍາໃຊ້ຕຳຫຼວດຈະລາຈອນ 1,172 ສະຫາຍ ຕັ້ງຈຸດກວດກາ 143 ຈຸດ ຕາມແຕ່ລະເສັ້ນທາງ ໄລຍະປີໃໝ່ລາວ. ທ່ານ ພັອ ຄໍາສອນ ສີດາວົງ ຫົວໜ້າກົມຕຳຫລວດຈະລາຈອນ,...

ລະທຶກ! ເຮືອສະປີດໂບ໊ດເກີດໄຟໄໝ້ກາງທະເລອັນດາມັນ ປະເທດໄທ

ເລັ່ງອົບພະຍົບຜູ້ໂດຍສານ ຈາກເຫດໄຟໄໝ້ເຮືອສະປີດໂບ໊ດ ບໍລິເວນເກາະໄມ້ທ່ອນ ຈັງຫວັດພູເກັດ ປະເທດໄທ. ສຳນັກຂ່າວຕ່າງປະເທດລາຍງານ ເຫດໄຟໄໝ້ເຮືອສະປີດໂບ໊ດບໍລິເວນເກາະໄມ້ທ່ອນ ຈັງຫວັດພູເກັດ ປະເທດໄທ ໃນເວລາປະມານ 09:10 ນາທີ ຂອງວັນທີ 1 ເມສາ...

ເພີ່ມຂຶ້ນຕໍ່ເນື່ອງເຫຍື່ອແຜ່ນດິນໄຫວທີ່ມຽນມາ ຫຼ້າສຸດມີຜູ້ເສຍຊີວິດກວ່າ 2,056 ຄົນ

ສະຖານະການແຜ່ນດິນໄຫວໃນມຽນມາຍັງໜ້າເປັນຫ່ວງ ເຈົ້ານ້າທີ່ຕ້ອງເລັ່ງທຳການຄົ້ນຫາ ແລະ ຊ່ວຍຜູ້ລອດຊີວິດອອກມາຈາກໃຕ້ຊາກອາຄານ ຫຼັງຈາກ້າວເຂົ້າສູ່ມື້ທີ 4 ນັບຕັ້ງແຕ່ເກີດເຫດເມື່ອວັນທີ 28 ມີນາ 2025. ສຳນັກຂ່າວຕ່າງປະເທດລາຍນງານໃນວັນທີ 1 ເມສາ 2025 ນີ້,...