spot_img
Homeຂ່າວເຫດການຂະຫຍາຍຜົນຈາກຜູ້ຄ້າຢາບ້າລາຍ່ອຍເຊື່ອມໂຍງຂະບວນການຄ້າລາຍໃຫຍ່

ຂະຫຍາຍຜົນຈາກຜູ້ຄ້າຢາບ້າລາຍ່ອຍເຊື່ອມໂຍງຂະບວນການຄ້າລາຍໃຫຍ່

Published on

ເຈົ້າໜ້າທີ່ກອງກໍ່ສ້າງຮາກຖານ 912 ປະຈໍາບ້ານມອມ ເມືອງຕົ້ນເຜິ້ງ ແຂວງບໍ່ແກ້ວ ໄດ້ຈັບຕົວເປົ້າໝາຍຄ້າຂາຍຢາເສບຕິດ ປະເພດຢາບ້າ 3 ມັດໃນວັນທີ 6 ເມສາ 2016 ຈາກນັ້ນ ໄດ້ດຳເນີນການສືບສວນ-ສອບສວນຂະຫຍາຍຜົນ ຈຶ່ງສາມາດຕິດຕາມຈັບພັກພວກຜູ້ຮ່ວມຂະບວນການອີກ 3 ຄົນ ແລະ ກວດຄົ້ນເຮືອນເປົ້າໝາຍພົບເຫັນຢາບ້າ ຈຳນວນ 115.200 ເມັດ ເຮໂຣອິນ 2 ຫໍ່ ພ້ອມອາວຸດເສິກຈຳນວນໜຶ່ງ.

ເຈົ້າໜ້າທີ່ໃຫ້ຮູ້ວ່າ: ພາຍຫຼັງທີ່ໄດ້ຮັບລາຍງານວ່າ ມີກຸ່ມຄົນບໍ່ດີລັກລອບຂົນສົ່ງຢາເສບຕິດຈາກບ້ານມອມ ໄປເຂດພິເສດສາມລ່ຽມຄຳ ຈຶ່ງໄດ້ປະສານສົມທົບກັບພາກສ່ວນກ່ຽວຂ້ອງ ລົງກວດກາ ແລະ ຕິດດ່ານສະກັດແຕ່ລະຈຸດ ມາຮອດເວລາ 23:00 ໂມງຂອງວັນທີ 6 ເມສາ ໄດ້ພົບເຫັນເປົ້າໝາຍຊື່ທ້າວ ຫຼ້າ ອາຍຸ 25 ປີ ປະຊາຊົນຢູ່ບ້ານມອມ ຈຶ່ງໄດ້ກັກຕົວ ແລະ ກວດຄົ້ນພົບເຫັນຢາບ້າ 3 ມັດ ຈາກນັ້ນ ຈຶ່ງໄດ້ດຳເນີນການສືບສວນ-ສອບສວນຂະຫຍາຍຜົນ ຈົນສາມາດຕິດຕາມຈັບຕົວຜູ້ຮ່ວມຂະບວນການໄດ້ຕື່ມ 3 ຄົນຄື: ທ້າວ ໄມ່ຄຳເງິນ ອາຍຸ 37 ປີ ທ້າວ ໄມ່ ຈອມ ອາຍຸ 45 ປີ ແລະ ທ້າວ ຄຳນວນ ອາຍຸ 29 ປີ ທັງ 3 ຄົນ ຢູ່ບ້ານມອມ ເມືອງຕົ້ນເຜິ້ງ ຜ່ານການກວດຄົ້ນເຮືອນຂອງທ້າວ ໄມ່ຄຳເງິນ ພົບເຫັນຢາບ້າ ຈຳນວນ 57 ມັດກັບ 6 ຖົງ ເທົ່າກັບ 115.000 ເມັດ ເຮໂຣອິນ 2 ຫໍ່ ປືນສັ້ນ 1 ກະບອກ ລູກປືນ 25 ລູກ ປືນແວັງ 1 ກະບອກ ລູກປືນ 11 ລູກ ປືນລົມ 1 ກະບອກ ປືນແກັບ 2 ກະບອກ ລົດໃຫຍ່ 1 ຄັນ ແລະ ເຄື່ອງອື່ນໆຈຳນວນໜຶ່ງ.

ຫຼັງຈາກນັ້ນ ໄດ້ເຂົ້າກວດຄົ້ນເຮືອນຂອງທ້າວ ໄມ່ຈອມ ພົບຢາບ້າ 198 ເມັດ ດິນລະເບີດ 2 ຫຼອດ ຫົວນ້ຳຫອມ 4 ຫຼອດ ປືນແກັບ 1 ກະບອກ ແລະ ກວດຄົ້ນເຮືອນຂອງທ້າວ ຄຳນວນ ພົບເຫັນເຈ້ຍຫໍ່ຢາບ້າ 2 ແພັກ ແລະ ບັ້ງເສບຢາ 4 ອັນ ຈາກນັ້ນ ເຈົ້າໜ້າທີ່ກ່ຽວຂ້ອງຈຶ່ງໄດ້ນຳຕົວຜູ້ຖືກຫາ 4 ຄົນສົ່ງໃຫ້ພະແນກຕຳຫຼວດສະກັດກັ້ນ ແລະ ຕ້ານຢາເສບຕິດ ກອງບັນຊາການ ປກສ ແຂວງບໍ່ແກ້ວ ດຳເນີນການຕາມຂັ້ນຕອນຂອງກົດໝາຍ.

ຂ່າວຈາກ: ໜັງສືພິມ ວຽງຈັນໃໝ່

ບົດຄວາມຫຼ້າສຸດ

ສສກ ຈະສຸມໃສ່ປະຕິຮູບລະບົບການສຶກສາ ສາຍສາມັນ ຈາກ 5+4+3 ເປັນ 6+3+3

ອົງຄະນະພັກ ສສກ ຈະສຸມໃສ່ປະຕິຮູບລະບົບການສຶກສາ ສາຍສາມັນ ຈາກ 5+4+3 ເປັນ 6+3+3 ສະຫາຍ ຮສ.ປອ ທອງສະລິດ ມັງໜໍ່ເມກ ເລຂາທິການສູນກາງພັກ, ເລຂາຄະນະບໍລິຫານງານພັກ, ລັດຖະມົນຕີ...

ແຈ້ງເຕືອນຈາກກົມໃຫຍ່ຕຳຫຼວດ ໃຫ້ລະວັງ 10 ລັກສະນະການກໍ່ເຫດທີ່ເປັນການສໍ້ໂກງຊັບ ຖ້າພົບເຫັນເຫດລັກສະນະນີ້ ສາມາດແຈ້ງດຳເນີນຄະດີໄດ້

- ອີງຕາມ ຂໍ້ຕົກລົງຂອງລັດຖະມົນຕີກະຊວງປ້ອງກັນຄວາມສະຫງົບ ລົງວັນທີ 05 ມັງກອນ 2022 ວ່າດ້ວຍການຈັດຕັ້ງ ແລະ ການເຄື່ອນໄຫວຂອງກົມໃຫຍ່ຕໍາຫຼວດ. ເພື່ອປ້ອງກັນ ບໍ່ໃຫ້ທຸກຄົນໃນສັງຄົມ ຕົກເປັນເຫຍື່ອຂອງກຸ່ມແກ້ງສໍ້ໂກງຊັບທາງໂທລະຄົມ ແລະ...

ປະຫວັດບໍ່ທຳມະດາ ກໍລະນີແມ່ຕູ້ຄົນໄຕ້ຫວັນຖືກຖີບເທິງລົດໄຟຕອນນີ້ ຖືກກັກໂຕພ້ອມດຳເນີນຄະດີແລ້ວ

ໃນວັນທີ 01/10/2025 ທີ່ຜ່ານມາ, ສຳນັກຂ່າວໃນໄຕ້ຫວັນໄດ້ລາຍງານວ່າ ມີເຫດບໍ່ຄາດຄິດກ່ຽວກັບຜູ້ສູງ ກໍລະນີແມ່ຕູ້ທີ່ຖືກຍິງສາວປະເພດສອງ (LGBTQ) ຖີບຢູ່ໃນລົດໄຟ ໃນວັນທີ 29/09/2025 ທີ່ຜ່ານມາ, ເຊິ່ງກຳລັງເປັນກະແສດັງໃນໃນສື່ສັງຄົມອອນລາຍໃນປັດຈຸບັນ.ສາເຫດເກີດຈາກການຍາດບ່ອນນັ່ງພິເສດພາຍໃນຂະບວນລົດໄຟແຫ່ງໜຶ່ງໃນໄຕ້ຫວັນ ເນື່ອງຈາກບ່ອນນັ່ງນັ້ນເປັນບ່ອນຂອງຜູ້ສູງອາຍຸ ແມ່ຕູ້ິເລີຍພະຍາຍາມໄລ່ຍິງສາວປະເພດສອງອອກຈາກບ່ອນນັ່ງ...

ມີຜູ້ເສຍຊີວິດ 3 ຄົນຈາກຜົນກະທົບພະຍຸບົວລອຍ ພັດຜ່ານບ້ານກໍໄຮ ເມືອງອະນຸວົງ

ໜັກໜ່ວງ ພາຍຸບົວລອຍ ພັດຜ່ານບ້ານກໍໄຮ ເມືອງອະນຸວົງ ແຂວງໄຊສົມບູນ ເຮັດໃຫ້ມີຄົນເສຍຊີວິດແລ້ວ 3 ຄົນ. ແຫຼ່ງຂ່າວຈາກແຂວງໄຊສົມບູນ ແຈ້ງໃຫ້ຮູ້ວ່າ: ວັນທີ 30 ກັນຍາ 2025, ທ່ານ...