ໃນວັນທີ 25 ເມສານີ້ ທ່ານ ບຸນຍັງ ວໍລະຈິດ ເລຂາທິການໃຫຍ່ ພັກປະຊາຊົນປະຕິວັດລາວ ແລະ ປະທານປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ທີ່ຫາກໍໄດ້ຮັບການເລືອກຕັ້ງຄົນໃໝ່ ໄດ້ເດີນທາງຢ້ຽມຢາມ ສາທາລະນະລັດສັງຄົມນິຍົມຫວຽດນາມ ຢ່າງເປັນທາງການ ຊຶ່ງເປັນປະເທດທຳອິດ ພາຍຫລັງເຂົ້າຮັບຕຳແໜ່ງ ໂດຍໄດ້ຮັບການຕ້ອນຮັບຢ່າງສົມກຽດຈາກ ສະຫາຍ ຫງວຽນຟູຈອງ ເລຂາທິການໃຫຍ່ພັກກອມມູນິດຫວຽດນາມ ທີ່ນະຄອນຫລວງຮ່າໂນ້ຍ.
ການຢ້ຽມຢາມຫວຽດນາມຢ່າງເປັນທາງການ ຊຶ່ງມີກຳນົດເປັນເວລາ 3 ວັນດັ່ງກ່າວນີ້ ປະທານປະເທດ ບຸນຍັງ ວໍລະຈິດ ຈະໄດ້ມີການພົບປະຫາລືກັບ ທ່ານ ເຈິ່ນດາຍກວາງ ປະທານປະເທດຫວຽດນາມຄົນໃໝ່ ແລະ ທ່ານ ຫງວຽນຊວນຟຸກ ນາຍົກລັດຖະມົນຕີຫວຽດນາມຄົນໃໝ່ ເພື່ອຮັດແໜ້ນສາຍພົວພັນມິດຕະພາບ ແລະ ຄວາມສາມັກຄີແບບພິເສດ ອັນເປັນມູນເຊື້ອລະຫວ່າງສອງພັກ, ສອງລັດ ແລະ ປະຊາຊົນສອງຊາດ ລາວ-ຫວຽດນາມ ທີ່ມີມາແຕ່ດົນນານ.
ຕິດຕາມເລື່ອງດີດີ ວິທະຍາສຶກສາ ກົດໄລຄ໌ເລີຍ!