spot_img
Homeຂ່າວພາຍ​ໃນກະຊວງການເງິນສະເໜີໃຫ້ສະພາດັດແກ້ຫລຸດແຜນລາຍຮັບງົບປະມານພາຍໃນ 2 ພັນກວ່າຕື້ກີບ

ກະຊວງການເງິນສະເໜີໃຫ້ສະພາດັດແກ້ຫລຸດແຜນລາຍຮັບງົບປະມານພາຍໃນ 2 ພັນກວ່າຕື້ກີບ

Published on

ໃນກອງປະຊຸມຄັ້ງປະຖົມມະເລິກຂອງສະພາແຫ່ງຊາດຊຸດທີ VIII, ທ່ານ ສົມດີ ດວງດີ ຮອງນາຍົກລັດຖະມົນຕີ, ລັດຖະມົນຕີກະຊວງການເງິນ ໄດ້ສະເໜີແຜນດັດແກ້ງົບປະມານແຫ່ງລັດສົກປີ 2015-2016 ຕໍ່ສະພາແຫ່ງຊາດເມື່ອວັນທີ 21 ເມສານີ້ວ່າ: ການຈັດຕັ້ງປະຕິບັດແຜນງົບປະມານແຫ່ງລັດ ສົກປີ 2015-2016 ໄດ້ດຳເນີນໄປພາຍໃຕ້ສະພາບແວດລ້ອມ, ທີ່ຍັງມີຂໍ້ສະດວກ ແລະ ຂໍ້ຫຍຸ້ງຍາກ ປະປົນກັນໄປ, ໂດຍສະເພາະການເຕີບໂຕທາງດ້ານເສດຖະກິດຂອງລາວ ຍັງຢູ່ໃນລະດັບດີສົມຄວນ, ອັດຕາເງິນເຟີ້ຍັງຕ່ຳ, ເສດ ຖະກິດຍັງສືບຕໍ່ຂະຫຍາຍຕົວຢ່າງຕໍ່ເນື່ອງ, ແຕ່ແຜນງົບປະມານປີນີ້ ເປັນແຜນງົບປະມານທີ່ສືບຕໍ່ແກ້ຜົນພວງຈາກໜີ້ສິນຄຸມເຄືອການລົງທຶນຂອງລັດອັນໜັກໜ່ວງ, ເປັນແຜນທີ່ຂາດດຸນສູງ, ເປັນແຜນທີ່ສ້າງຂຶ້ນ ແລະ ຮັບຮອງເອົາບົນພື້ນຖານລາຍຈ່າຍທີ່ມີພັນທະໄວ້ແລ້ວຂ້ອນຂ້າງສູງ, ສ່ວນເສດຖະກິດໂລກ ແລະ ພາກພື້ນ ແມ່ນຂະຫຍາຍຕົວຕ່ຳ, ລາຄາວັດຖຸດິບ, ແຮ່ທາດ ແລະ ນ້ຳມັນຕະຫລາດ

ໂລກຫລຸດລົງຕ່ຳກວ່າການຄາດຄະເນໄວ້ເກືອບເຄິ່ງໃນເວລາສ້າງແຜນງົບປະມານສົກນີ້, ເຊິ່ງກອງປະຊຸມສະໄໝສາມັນເທື່ອທີ 9  ຂອງສະພາແຫ່ງຊາດຊຸດທີ VII ໄດ້ຮັບຮອງເອົາແຜນງົບປະມານແຫ່ງລັດ ສົກປີ 2015-2016 ດັ່ງນີ້: ແຜນລາຍຮັບທັງໝົດ ຈຳນວນ 26.159 ຕື້ກີບ, ໃນນັ້ນ ລາຍຮັບພາຍໃນ 23.613 ຕື້ກີບ ແລະ ລາຍຮັບຊ່ວຍເຫລືອລ້າ 2.546 ຕື້ກີບ, ແຜນລາຍຈ່າຍທັງໝົດ 31.946 ຕື້ກີບ, ການດຸນດ່ຽງທັງໝົດ ຈຳນວນ 5.787 ຕື້ກີບ. ຕໍ່ບັນຫາດັ່ງກ່າວ ກະຊວງການເງິນຈຶ່ງສະເໜີຕໍ່ສະພາແຫ່ງຊາດພິຈາລະນາດັດແກ້ຫລຸດແຜນລາຍຮັບງົບປະມານພາຍໃນຈຳນວນ 2.459 ຕື້ກີບ ຫລື ຫລຸດຈາກ 26.159 ຕື້ກີບ ມາເປັນ 23.700 ຕື້ກີບ, ດ້ານລາຍຈ່າຍໃຫ້ຫລຸດລົງຈຳນວນ 828 ຕື້ກີບ ຫລື ຫລຸດຈາກ 31.946 ມາເປັນ 31.118 ຕື້ກີບ, ສິ່ງທີ່ສະເໜີມາຂ້າງເທິງນັ້ນ ຈະເຮັດໃຫ້ການຂາດດຸນເພີ່ມຈຳນວນ 1.631 ຕື້ກີບ ຫລື ເພີ່ມຈາກ 5.787 ຕື້ກີບ ເທົ່າກັບ 5% ຂອງ GDP ເພີ່ມເປັນ 7.418 ຕື້ກີບ ຫລື ເທົ່າກັບ 6,43% ຂອງ GDP, ໃນນັ້ນ ມີການກູ້ຢືມພາຍໃນເພີ່ມຈຳນວນ 1.359 ຕື້ກີບ ແລະ ດຸນດ່ຽງຈາກເງິນບຳນານເກີນແຜນສົກປີ 2014-2015 ຈຳນວນ 272 ຕື້ກີບ.

ພາບຈາກ: ້ສດຖະກິດ-ສັງຄົມ

ຂ່າວຈາກ: ໜັງສືພິມ ລາວພັດທະນາ

ບົດຄວາມຫຼ້າສຸດ

ອຸທາຫອນ! ແມ່ຕູ້ຊາວຈີນມີຄວາມເຊື່ອແປກ ຕັດສິນໃຈກິນກົບສົດໆລົງທ້ອງ ຫວັງໃຫ້ເຊົາເຈັບຫຼັງ ແຕ່ສຸດທ້າຍອາການໜັກ

ເມື່ອປວດຫຼັງຫຼາຍຄົນອາດຈະເລືອກກິນຢາ ຫຼື ໄປຫາແພດ ແມ່ນບໍ່, ແຕ່ມີລາຍງານຂ່າວຈາກເມືອງຫາງໂຈ ປະເທດຈີນ, ເມືອບໍ່ດົນມານີ້ ວ່າ ມີແມ່ຕູ້ຄົນໜຶ່ງ ມີອາການເຈັບຫຼັງ ແລະເລືອກວິທີຮັກສາຕາມຄວາມເຊື່ອຂອງຕົນ ໂດຍການກືນກິນກົບສົດລົງທ້ອງ ຈົນເຮັດໃຫ້ເຊື້ອພະຍາດເຂົ້າສູ່ຮ່າງກາຍ. ເຊິ່ງກ່ອນເກີດເຫດແມ່ຕູ້ໄດ້ຂໍໃຫ້ພີ່ນ້ອງໄປຈັບກົບຂະໜາດນ້ອຍມາໃຫ້ ໂດຍບໍ່ໄດ້ບອກວ່າຈະເອົາໄປເຮັດຫຍັງ,...

ວັນການທູດລາວຄົບຮອບ 80 ປີ ປັດຈຸບັນ ລາວມີສາຍພົວພັນການທູດກັບ 151 ປະເທດ ມີສໍານັກງານຕາງໜ້າການທູດ ຢູ່ຕ່າງປະເທດ 41 ແຫ່ງ

ວັນການທູດລາວຄົບຮອບ 80 ປີ (12/10/1945-12/10/2025) ແມ່ນວັນສຳຄັນທາງປະຫວັດສາດຂອງຊາດ ທີ່ມີຄວາມໝາຍຄວາມສຳຄັນ ເພາະສະແດງອອກພູມປັນຍາຄວາມສະຫລາດສ່ອງໃສຂອງບັນພະບູລຸດ ແລະ ຄວາມສຳເລັດຂອງພາລະກິດຕ່າງໆຕັ້ງແຕ່ອາດີດຮອດປັດຈຸບັນ ແລະ ແນໃສ່ສືບຕໍ່ສ້າງເປັນບົດຮຽນ ເປັນມູນມັງມໍລະດົກຕົກທອດໃຫ້ແກ່ຄົນຮຸ່ນ ໃໝ່ຕໍ່ໆໄປໃນອະນາຄົດ. ເຊິ່ງກົມການເມືອງສູນກາງພັກໄດ້ອອກແຈ້ງການສະບັບເລກທີ...

ພິທີປະກາດຊື່ໂຮງຮຽນມັດທະຍົມສົມບູນມິດຕະພາບລາວ – ສປປ ເກົາຫຼີ ແລະ ປາຖະກະຖາວັນສ້າງຕັ້ງພັກແຮງງານເກົາຫຼີ ຄົບຮອບ 80 ປີ

ສະມາຄົມມິດຕະພາບລາວ - ສປປ ເກົາຫຼີ, ໂຮງຮຽນມັດທະຍົມສົມບູນມິດຕະພາບລາວ - ສປປ ເກົາຫຼີ ຮ່ວມກັບສະຖານເອກອັກຄະລັດຖະທູດແຫ່ງ ສປປ ເກົາຫຼີ ປະຈຳ ສປປ ລາວ...

ໄຂກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025 ຢ່າງເປັນທາງການ

ໄຂກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025. ກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025 ໄດ້ໄຂຂຶ້ນໃນຕອນເຊົ້າ ວັນທີ 9 ຕຸລາ 2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານ ຂອງທ່ານ ສອນໄຊ...