spot_img
Homeຍ້ອງຍໍຄົນດີເດັ່ນກະຊວງການຕ່າງປະເທດ ສປປ.ລາວ ຈັດພິທີປະດັບຫຼຽນກາມິດຕະພາບໃຫ້ແກ່ເອກອັກຄະລັດຖະທູດ ສ. ເກົາຫຼີ

ກະຊວງການຕ່າງປະເທດ ສປປ.ລາວ ຈັດພິທີປະດັບຫຼຽນກາມິດຕະພາບໃຫ້ແກ່ເອກອັກຄະລັດຖະທູດ ສ. ເກົາຫຼີ

Published on

ໃນຕອນເຊົ້າວັນທີ 19 ເມສາ 2016 ທີ່ກະຊວງການຕ່າງປະເທດ ທ່ານ ແສງເພັດ ຮຸ່ງບຸນຍວງ ຮອງລັດຖະມົນຕີກະຊວງການຕ່າງປະເທດ ໄດ້ຕາງໜ້າໃຫ້ລັດຖະບານ ແຫ່ງ ສປປ.ລາວ ປະດັບຫຼຽນກາມິດຕະພາບໃຫ້ທ່ານ ຄິມ ຊູ ກວານ ເອກອັກຄະລັດຖະທູດວິສາມັນຜູ້ມີອຳນາດເຕັມ ແຫ່ງ ສາທາລະນະລັດ ເກົາຫຼີ ປະຈຳ ສປປ.ລາວ ທີ່ສຳເລັດການປະຕິບັດໜ້າທີ່ການທູດ ຢູ່ ສປປ.ລາວ ແລະ ເພື່ອເປັນການຍ້ອງຍໍຊົມເຊີຍຜົນງານທີ່ທ່ານທູດໄດ້ປະກອບສ່ວນເຂົ້າໃນການເສີມຂະຫຽາຍສາຍພົວພັນມິດຕະພາບ ແລະ ການຮ່ວມມື ລະຫວ່າງ 2 ປະເທດ ໃນໄລຍະເວລາເກືອບ 3 ປີທີ່ຜ່ານມາ.

ໃນໂອກາດນີ້ ທ່ານ ຄິມ ຊູ ກວານ ເອກອັກຄະລັດຖະທູດວິສາມັນຜູ້ມີອຳນາດເຕັມ ແຫ່ງ ສ.ເກົາຫຼີ ປະຈຳສປປ.ລາວ ກໍໄດ້ກ່າວສະແດງຄວາມຂອບໃຈຢ່າງສູງຕໍ່ລັດຖະບານ ກໍຄືກະຊວງການຕ່າງປະເທດ ສປປ.ລາວ ທີ່ໄດ້ໃຫ້ການຮ່ວມມື ສະໜັບສະໜູນຊ່ອຍເຫຼືອ ແລະ ອຳນວຍຄວາມສະດວກຕະຫຼອດໄລຍະການປະຕິບັດໜ້າທີ່ວຽກງານການທູດຢູ່ລາວ ຈົນປະສົບຜົນສຳເລັດເປັນຢ່າງດີ ເຊິ່ງໃນໄລຍະຜ່ານມາ ລັດຖະບານ ແຫ່ງ ສ.ເກົາຫຼີ ໄດ້ໃຫ້ການຊ່ອຍເຫຼືອແກ່ ສປປ.ລາວ ຫຼື (ODA) ໃນດ້ານການພັດທະນາການສຶກສາ ສາທາລະນະສຸກ ແລະ ການພັດທະນາຊົນນະບົດ ສະເຫຼ່ຍ 10-12 ລ້ານໂດລາສະຫະລັດຕໍ່ປີ ແລະ ການຊ່ອຍເຫຼືອດັ່ງກ່າວນັ້ນແມ່ນເພີ່ມຂຶ້ນທຸກໆປີ ນອກນັ້ນ ຍັງໄດ້ໄຂຖ້ຽວບີນໂດຍກົງລະຫວ່າງ ສປປ.ລາວ – ສ. ເກົາຫຼີ  ສ.ເກົາຫຼີ – ສປປ.ລາວ ຫຼາຍຖ້ຽວບິນຕໍ່ອາທິດ ເຮັດໃຫ້ຈຳນວນນັກທ່ອງທ່ຽວຂອງ ສ.ເກົາຫຼີ ທີ່ມາທ່ອງທ່ຽວຢູ່ ສປປ.ລາວ ໃນປີ 2015 ເພີ່ມຂຶ້ນ 17% ຖ້າທຽບໃສ່ປີ 2014 ນອກນີ້ ຍັງໄດ້ຊຸກຍູ້ນັກທຸລະກິດຂອງ ສ.ເກົາຫຼີ ມາລົງທຶນຢູ່ ສປປ.ລາວ ອີກດ້ວຍ ມາເຖິງປັດຈຸບັນ ການລົງທຶນຂອງ ສ.ເກົາຫຼີ ຈັດຢູ່ອັນດັບທີ 5 ຂອງການລົງທຶນຕ່າງປະເທດຢູ່ ສປປ.ລາວ ຮວມມີ 300 ກວ່າໂຄງການ ໂດຍຮວມມີມູນຄ່າປະມານ 880 ກວ່າລ້ານໂດລາສະຫະລັດ.

ຂ່າວຈາກ: ວິທະຍຸ-ໂທລະພາບນະຄອນຫຼວງ

ບົດຄວາມຫຼ້າສຸດ

ຍີ່ປຸ່ນກຽມຮັບມື! ສຶນາມິສູງເຖິງ 3 ແມັດ ຫຼັງຈາກເກີດເຫດແຜ່ນດິນໄຫວລະດັບ 8.7 ຣິກເຕີ.

ຍີ່ປຸ່ນສັ່ງອົບພະຍົບປະຊາຊົນຫຼາຍພັນຄົນ ພາຍຫຼັງພົບຄຶ້ນສຶນາມິພັດເຂົ້າຝັ່ງ ເຈົ້າໜ້າທີ່ຄາດວ່າຄຶ້ນອາດຈະສູງເຖິງ 3 ແມັດ. ສຳນັກຂ່າວໃນປະເທດຍີ່ປຸ່ນລາຍງານໃນວັນທີ 30 ກໍລະກົດ 2025 ຜ່ານມາ, ຍີ່ປຸ່ນກຍມຮັບມືກັບສຶນາມິທີ່ເລີ່ມພັດເຂົ້າຊາຍຝັ່ງອີກຮອບ ໂດຍຄາດການວ່າ: ຄຶ້ນອາດຈະສູງເຖິງ 3 ແມັດ,...

ລາຄານໍ້າປະປາ ຢູ່ແຂວງວຽງຈັນເພີ່ມຂຶ້ນ ເນື່ອງຈາກລາຄານຳເຂົ້າອຸປະກອນ ເພີ່ມຂຶ້ນເທົ່າຕົວ

ປັບລາຄາຂຶ້ນຄັ້ງທຳອິດ! ລາຄານໍ້າປະປາ ຢູ່ແຂວງວຽງຈັນເພີ່ມຂຶ້ນ ເນື່ອງຈາກລາຄານຳເຂົ້າອຸປະກອນ ເພີ່ມຂຶ້ນເທົ່າຕົວ. ແຫຼ່ງຂ່າວຈາກ ແຂວງວຽງຈັນ ໃຫ້ຮູ້ວ່າ: ປັດຈຸບັນ ໄດ້ເກີດມີຫາງສຽງຈົ່ມວ່າ ຈາກພໍ່ແມ່ປະຊາຊົນ ກໍຄືສື່ສັງຄົມອອນລາຍ ກ່ຽວກັບການປັບຂຶ້ນລາຄາຄ່ານ້ຳປະປາ ຢູ່ພາຍໃນແຂວງວຽງຈັນ, ຕໍ່ກັບບັນຫາດັ່ງກ່າວ,...

ຣັດເຊຍເກີດແຜ່ນດິນໄຫວຮຸນແຮງລະດັບ 8.7 ຣິກເຕີ ທາງດ້ານຍີ່ປຸ່ນກຽມຮັບມືກັບຄຶ້ນໃຫຍ່ສຶນາມິ

ທາງການຣັດເຊຍເປີດເຜີຍ: ຄຶ້ນສຶນາມິສູງ 3-4 ແມັດ ພັດເຂົ້າສູ່ແຄມຝັ່ງທາງຕາເວັນອອກ ຫຼັງເກີດແຜ່ນດິໄຫວລະດັບ 8.7 ຣິກເຕີ ເບື້ອງຕົ້ນບໍ່ມີລາຍງານຜູ້ເສຍຊີວິດ ແລະ ບາດເຈັບ. ອີງຕາມສຳນັກຂ່າວຕ່າງປະເທດລາຍງານໃນວັນທີ 30 ກໍລະກົດ 2025,...

ເສຍຫາຍຫຼາຍສົມຄວນ! ປະເມີນຜົນກະທົບຈາກໄພພິບັດ ແລະ ແນວທາງການຊ່ວຍເຫຼືອຟື້ນຟູ

ລາວໄດ້ຮັບຜົນກະທົບທັງໝົດ 34 ເມືອງ ແລະ ເສຍຊີວິດ 4 ຄົນ ຈາກຜົນກະທົບຈາກພາຍຸວິພາ ຄະນະກຳມະການຄຸ້ມຄອງໄພພິບັດຂັ້ນສູນກາງ ຈັດກອງປະຊຸມເພື່ອປຶກສາຫາລືກ່ຽວກັບການປະເມີນຜົນກະທົບ, ຜົນເສຍຫາຍ ແລະ ແນວທາງຟື້ນຟູສຸກເສີນ ບັນດາແຂວງທີ່ໄດ້ຮັບຜົນກະທົບຈາກພາຍຸວິພາ ໃນວັນທີ...