spot_img
Homeຂ່າວເຫດການຕຳຫລວດ​ຫົວພັນ​ມ້າງ​ເຄືອ​ຂ່າຍຄ້າຂາຍ​ຢາ​ເສບ​ຕິດ​ຕົວ​ອັນຕະລາຍ

ຕຳຫລວດ​ຫົວພັນ​ມ້າງ​ເຄືອ​ຂ່າຍຄ້າຂາຍ​ຢາ​ເສບ​ຕິດ​ຕົວ​ອັນຕະລາຍ

Published on

ເມື່ອ​ບໍ່​ດົນ​ມາ​ນີ້, ເຈົ້າ​ໜ້າ​ທີ່ ປກສ ​ແຂວງ​ຫົວພັນ ສາມາດ​ຈັບ​ຂະ​ບວນການ​ຄ້າຂາຍ​ຢາ​ເສບ​ຕິດ​ຕົວ​ອັນຕະລາຍ​ຄື: ທ້າວ​ ຫວາ​ຢົງ​ທໍ່ ອາຍຸ 45 ປີ ​ແລະທ້າວ ນູຈື່ ອາຍຸ 40 ປີ ທັງ​ສອງ ຢູ່​ບ້ານ​ພັນ​ສະຫວັນ, ​ເມືອງ​ຊຳ​​ໃຕ້, ພ້ອມ​ຂອງ​ກາງເຮ​ໂລ​ອິນ 36 ​ແທ່ງ ​ແລະ ຢາ​ບ້ານ 15 ພັນ​ເມັດ.

ເຈົ້າ​ໜ້າ​ທີ່​ໃຫ້​ຮູ້​ວ່າ: ພາຍຫລັງ​ໄດ້​ຮັບ​ແຈ້ງ​ຈາກ​ພົນ​ລະ​ເມືອງ​ດີ​ວ່າ​ຈະ​ມີ​ການ​ລັບ​ລອບ​ຂົນ​ສົ່ງ​ຢາ​ເສບ​ຕິດ​ເປັນ​ຈຳນວນ​ຫລາຍ​ໄປ​ປະ​ເທດ​​ໃກ້​ຄຽງຈຶ່ງ​ໄດ້​ນຳ​ກຳລັງ​ຕັ້ງ​ດ່ານ​ກວດກາ​ຫລາຍ​ຈຸດ​ໃນ​ເສັ້ນທາງ​ອອກ​ສູ່​ຊາຍ​​ແດນຢູ່​ເຂດ​ບ້ານ​ຫ້ວຍລາດ,​ ເມືອງ​ຊຳ​ໃຕ້ ຫລັງ​ຈາກ​ນັ້ນຈຶ່ງ​ເຫັນ​ເປົ້າ​ໝາຍ​ຂັບ​ຂີ່​ລົດຈັກ​ມາ​ສອງ​ຄັນເຈົ້າ​ໜ້າ​ທີ່​ຈຶ່ງ​ໄດ້​ທຳ​ການ​ກວດ​ຄົ້ນ​ຈຶ່ງ​ພົບ​ເຫັນ​ເຮ​ໂລອິນຈຳນວນ 36 ​ແທ່ງ ​ແລະ ຢາ​ບ້າ 15 ພັນ​ເມັດ, ຊຸກ​ເຊື່ອງ​ໄວ້​ໃນ​ເປົາ​ປ່ານ​ມັດ​ຢູ່​ທ້າຍ​ລົດ​ທັງ​ສອງ​ຄັນຈຶ່ງ​ຈັບ​ຕົວ​ພວກ​ກ່ຽວ​ພ້ອມ​ຢຶດຂອງ​ກາງ​ເພື່ອ​ເປັນ​ຫລັກ​ຖານ​ໃນ​ການ​ດຳ​ເນີນ​ຄະດີ​ຕາມລະບຽບ​ກົດໝາຍ.

ຜ່ານ​ການ​ສືບສວນ-ສອບ​ສວນຂອງ​ເຈົ້າ​ໜ້າ​ທີ່ ພວກ​ກ່ຽວ​ຮັບ​ສາລະພາບ​ວ່າ: ຢາ​ເສບ​ຕິດ​ທັງ​ໝົດ​ແມ່ນ​ເອົາ​ມາ​ຈາກ​ຂະ​ບວນການ​ຄ້າ​ຢາ​ເສບ​ຕິດ​ໃນ​ແຂວງ​ຫົວພັນ​ເພື່ອ​ຈະ​ເອົາ​​ໄປ​ສົ່ງ​ໃຫ້​ລູກ​ຄ້າ​ເຂດ​ຊາຍ​ແດນ​ຫວຽດນາມ.

ຂ່າວໃຫ້ຮູ້ຕື່ມວ່າ: ເມື່ອວັນທີ 6 ເມສາຜ່ານມາ, ສານປະຊາຊົນນະຄອນຫລວງວຽງຈັນ, ໄດ້ຕັດສິນປະຫານຊີວິດທ້າວ ສືລໍ ອາຍຸ 46 ປີ ຢູ່ບ້ານໜອງໜ້ຽວ, ເມືອງສີໂຄດຕະບອງ ແລະ ທ້າວ ກົງກື ອາຍຸ 41 ປີຢູ່ບ້ານຜາໂດ,ເມືອງແມ່ສອດ, ແຂວງຕາກ (ປະເທດໄທ)ໃນຂໍ້ຫາຄ້າຂາຍຢາເສບຕິດ,ໂດຍທັງສອງຖືກເຈົ້າໜ້າທີ່ຈັບຕົວເມືອງກາງປີ 2015 ໃນເຂດບ້ານທ່າດິນແດງ, ເມືອງໄຊທານີ,ນະຄອນຫລວງວຽງຈັນພ້ອມຂອງກາງເຮໂລອິນຈຳນວນ 48ແທ່ງ.

ຂ່າວຈາກ: ລາວພັດທະນາ

ບົດຄວາມຫຼ້າສຸດ

ງົດງາມທີ່ສຸດຈາກທົ່ວໂລກ ຕາດກວາງຊີ ແຂວງຫຼວງພະບາງ ຖືຈັດຢູ່ໃນ 21 ນໍ້າຕົກທີ່ສວຍງາມຈາກທົ່ວໂລກ ປີ 2025

ວາລະສານ ການທ່ອງທ່ຽວຊື່ດັງຂອງໂລກ Travel + Leisure ໄດ້ຈັດອັນດັບ Top 21 Most Beautiful Waterfalls in the World...

ໄທເລີ່ມປະຕິບັດແລ້ວ ທະນາຄານເລີ່ມປາບປາມຂະບວນການບັນຊີມ້າ ຖ້າກວດພົບຄວາມສົງໄສ ຈະອາຍັດບັນຊີທັນທີ

ບັນຊີມ້າແມ່ນບັນຊີທະນາຄານທີ່ຖືກນໍາໃຊ້ໂດຍອາດຊະຍາກອນ ເພື່ອເກັບເງິນ ຫຼື ຟອກເງິນທີ່ໄດ້ມາແບບຜິດກົດໝາຍ ແມ່ນບັນຊີທີ່ຖືກຈ້າງໃຫ້ເປີດ ຫຼື ຖືກລັກຂໍ້ມູນໄປໃຊ້ ເພື່ອເປັນທາງຜ່ານຂອງເງິນທີ່ໄດ້ມາຈາກການກະທຳຜິດກົດໝາຍ ລວມທັງການພະນັນ. ໃນຊ່ວງໜຶ່ງອາທິດທີ່ຜ່ານມາ ທາງທະນາຄານເເຫ່ງປະເທດໄທ ເລີ່ມກວດສອບ ແລະ ລົງມືປະຕິບັດຢ່າງເຂັ້ມງວດ ໃນການອາຍັດບັນຊີມ້າ...

ຄວາມຫວັງໃໝ່ຂອງເນປານ ແຕ່ງຕັ້ງລັດຖະມົນຕີຄົນໃໝ່ ໂດຍຈະປະຕິບັດໜ້າຮັກສາການ 6 ເດືອນ

ພາຍຫຼັງຄວາມວຸ່ນວາຍຂອງເຫດການປະທ້ວງໃນປະເທດເນປານ ເຮັດໃຫ້ອະດີດນາຍຍົກລັດຖະມົນຕີໄດ້ລາອອກ ພ້ອມທັງເດີນທາງອອກນອກປະເທດ ນຳພາໃຫ້ເນປານບໍ່ມີຄົນດຳລົງຕໍາເເໜ່ງນາຍົກລັດຖະມົນຕີໃນໄລຍະໜຶ່ງ. ເຊິ່ງໃນວັນທີ 12 ກັນຍາ 2025 ທີ່ຜ່ານມາ, ໄດ້ມີການປະກາດແຕ່ງຕັ້ງ ທ່ານ ນາງ  ສຸຊີລາ ກາກີ ຂຶ້ນຮັບຕໍາແໜ່ງຮັກສາການນາຍົກລັດຖະມົນຕີ...

ສະຫຼົດ! ຊາຍອາຍຸ 26 ປີ (ເສຍຊີວິດ) ຍ້ອນຂັບລົດຕຳງົວ ທີ່ບ້ານວຽງແກ້ວ ເມືອງຈັນທະບູລີ ນະຄອນຫຼວງວຽງຈັນ

ບັນຫາການປ່ອຍສັດຊະຊາຍ ສ່ຽງເຮັດໃຫ້ຄົນອື່ນເກີດອຸບັດຕິເຫດ ເຖິງຂັ້ນເສຍຊີວິດໄດ້. ບັນຫາການປ່ອຍສັດລ້ຽງ (ງົວ, ຄວາຍ, ແບ້, ມ້າ...) ຍັງຄົງຖືກພົບເຫັນເລື້ອຍໆຢູ່ຫຼາຍໆຂົງເຂດ ຕັ້ງແຕ່ເຂດຊານເມືອງຈົນໄປເຖິງໃນເມືອງ. ຈົນກາຍເປັນຄວາມເຄີຍຊິນໄປແລ້ວສຳລັບຜູ້ສັນຈອນໄປມາທີ່ຕ້ອງລະວັງເອງ ແຕ່ບາງຄັ້ງກໍມີອຸບປະຕິເຫດຕາມມາ ເຊັ່ນ: ລົດໃຫຍ່ຕຳງົວ, ລົດຈັກຕຳງົວ,...